المساعد الشخصي الرقمي

مشاهدة النسخة كاملة : إستراحة مع اجمل ما كتبه شعراء الشايقية



أبوعبيدة كاليق
14th July 2009, 05:46 PM
بحر المودة

شوفى الزمن يايمه ساقنى بعيد خلاص
جرعنى كاس ودرنى واتبهدلت واتعذبت ورنى الخلاص

يايمة يافيض الحنان الماكمل
يايمة يابدرى السبع دايما يهل

يايمة يانور الصباح وقتين يطل
يايمة يابحر الموده وقتين يفيض
يايمة ياشعلة امل زادت وميض

يايمة يانغما حنين بالشوق يرن
اتذكرك يايمة فى الدغش النسايمو يهبهبن
قايمه الصباح متكفكفى شايلى الحليله على المراح
فى الساعة ديك يادوبو ديكنا بدا الصياح
والطير صغاره يغردن
جبتى اللبن بانشراح
كبتيه قلتى اكلوه خير
اتذكرك يايمه فى ساعة الهجير
اتذكرك يابسمة الطفل الغرير
وقت الخلق ترقد تنوم
اسهر براى ع النجوم
والشوق يرن مجيهو فوق لى يحوم
اهتف باسمك فى الخيال
طيفك كمان فوقى جال
اتمنى لو لحظات يدوم
لكن فجاءة القاهو زال

اتذكرك يايمة ساعة الناس يجونا من البلد
ناعم ترابها على جسيماتن رقد
ديمة التمر فوق الهدوم لون الخدار لبد
والشوق عوارف
واتذكرك يايمة والناس قالو قايمين البلد
رصوا الهديمات عدلوا
ركبو اللوارى وقبلو ا
خلونى وحدى بلا انيس كيف انفرادى اتحملوا
شالو السلام من عندى ليك وانشاء الله عندك يوصلوا
يايمة ساعة يوصلوا ويقولوا ليك
وليدك شفناهوا فى بلد الامان
انا حالى يسعدبوا الزمان

يايمة رسلى لى عفوكى ينجينى من جور الزمان

أبوعبيدة كاليق
14th July 2009, 05:49 PM
كلمات/ علاءالدين عبدالرحيم

غناء/ عبدالرحيم أرقي

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـيهو تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تـفـارقـني وتـهلجر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا مالك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا
بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا يبـقـي لــي أيـام قسـايا
داخرة للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

أبوعبيدة كاليق
14th July 2009, 05:50 PM
القدر في يوم فرقنا
يوم بقيتي هناك براكي
أنا أصلي لو بالإيد بسافر
كان زمان سافر معاكي
إلا سفرك قاسي دربو
وكان سفراً من غير رضاك
يمة آه من حالي بعدك
يمة أنا اتعذب وراكي
كنت بفتش عنك أسأل
وماني عارف سر مداكي
أنا كنت فاكر الرحلة برهة
وتاني ترجعي لي جناكي
إلا سفرك قالوا أبدي
يستحيل طبعاً لقاكي
يمة كنت دايرك قريبي
يضوي دربي بها ضياكي
لما أبكي تسكتيني
أنا لو أبيت بيزيد بكاكي
من حنانك أروى أنهل
أشرب وأصغى أسمع من غناكي
يمة دا المكتوب عليّ
إني أحيا وأعيش بلاكي
لازم أرضى القاسمو الله
مهما ضقتا الويل وراكي
وياني ساير فوق دريبك
مهما إبتعدت خطاكي

أبوعبيدة كاليق
14th July 2009, 05:52 PM
كلمات الشاعر /خالد شقوري
غناء المبدع /محمد النصري

وقفت بعد حلبت لبينة الشاي تكورك يا الحسن
يا ام الحسن وينو الحسن
لمن صفت رغوة شخيبات اللبن في حلتا المبني من طبق السكن
واقفي في حوش البهايم ولسع تكورك يا الحسن
جاها حسا من بعيد مارق من القاطوع ورا
قال ليها خير يا الحاجي خير
قالتلو خير تعال لي جاي دايراك تعنون لي جواب يا الراسي لي ولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم
بعد المغيرب بي شوي جاها الحسن تعبان يسير
دا العشى غنمو من الدرب سرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن يا ولدي ماحقاهو السنين
البعيش في الدنيا ما بعيش مرتين
العمير فاضلي بس منو اليقين
وانت طول في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولدا عندو طين
العلاج لا تنسي رسلو لي دحين
العوينات آجناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين
انا كت برسلا ليكا في لوري الخزين

أبوعبيدة كاليق
14th July 2009, 05:55 PM
كلمات الشاعر /حاتم حسن الدابي

بدر مدر يا رواسي

نحن بعاد لحقنا القيفة

انت مدبج ونحن نقاسى

فى برد امشير والموج والزيفة

مركبك الماليها مطارق

تمشي تقيف تسرح بى كيفه

مرة مغارب ومرة مشارق

وانت تخاف الريح وحفيفه

ساوها زينة وفوقها بيارق

وانت مدبج توب وقطيفة

فيها المات والضاربه الفالق

والسلمين فى حالة مخيفة

كل الناس ترزح في كفة

وانت وناسك فوق الدفة

الدايشين والراسهم لفة

والشاخصين فى المدى للضفة

صوف افضالك فوقهم جوة

فوق الموية وريقهم جفة

من العطش النص اتوفى

وباقى النص الفضل جيفة
....
ضاقوا المر والحال استعصى

الشغال واللاحق الحصة

الواصال للرحم اتقصة

والهداي مو لاقى الفرصة

الرساي سافر ما وصى

خلى محمد واحمد وحفصة

الاطفال العرفو القصة

سدت جوة حلوقهم غصة

من الجوع الدم اتمصة

واصبح كل الحلم رغيفة
.....
كل الراكب شاف احلامه

دون احساس ماتت قدامه

فن كتابه وكسر اقلامه

لا الوالدين لا جار ما لامه

ناس الحلة القعدوا وقاموا

اصر والح يمشى كلامه

هزموهو اخوانه البى الجوع نامو

وكم خريج ما لاقى وظيفة
.......
يا الفكيتها وقلت لها سيرى

وعارف انه الدنيا دميرى

لا فى ضفاف لا شفنا جزيرى

لا فى الحيرى ولا في الطيرى

كسرت جناحها وقلت لها طيرى

اتملكت الكانت ميرى

يا السودت الناصع وجيرى

ايد الحق صابونى وليفة
......
قبلك كم متعلم وقاري

عكس الريح فكولو الصارى

مشدوهين متعشى وحارى

ريسها شلته والبحارى

كم سنوات علام البارى

واقفى وهم شايفنها جارى

بقينا هلاك والقيف متضارى

لا حجار لا دوحة وريفة
.....
حسك عينك ما تتمادى

وتنسى الراكب عنده ارادة

الاهوال الشافها وخاضها

كان فى مدرسة والا عيادة

شفنا الايد الكان اجوادة

يا مبتورة يا شحادة

وياما رقاب كانت سدادة

علمت الله من التعريفة
......
يا ريسنا قدر نديرك

فك الدفة وادها غيرك

احفظ نفسك ترضى ضميرك

وقف اوع تواصل سيرك

كان طاوعتنى شن بيضيرك

عرض اكتافك وفك البيرك

لا هنى شكرا وكتر خيرك

وكل انسان في الارض خليفة

أبوعبيدة كاليق
14th July 2009, 05:56 PM
كلمات الشاعر /حاتم حسن الدابي

معذرة.. لو معاك منى الكلام حـــــره
معليش الخطاب كاتباهــــــو مضطرة
حـــــــــــرام والله مننـــا إنت تتبرا
خمسة سنين تفوت تجى فيها فد مرة
وراك أنا كم شقيت وعشت فى مرة
وتعبـــت مع البطان الهم للعيون غرة
بيخاف الغرق الغاص ورا درة
قالو أدب الصغار والعقــــدة من خدرة
حليلى أنا الزمن ضى فاطرى ما انفر
وخمسة سنين غياب مابتحملن حرة
أنا الحاضنة العذاب وآمالى محتضرة
وإنت الفى النعيم ما خات حساب بكرة
مسكينة التقول فى الإغتراب سترة
وتتناسى القروش فى يوم تكون ضرة
حليل زمنك وكت عايشنا بالأُجــرة
يا ريــــت لا عرفـــــــت ولا مرق برة

الكاتما فى جواى كتير متملك الجوف والعصـب
وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب
خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب
وأنا خايفـة فى بعـدك يكون الضاع
هو ضعف المكتسـب

اليومـة داك ناس البلـد هنونى شايقيـى وعرب
قالو لى مبروك خير وجاك يكتب سلامـتو الإغــترب

قالو لى دوب نجم السعد
طلاكى من بعــد إحتجــب
يا دوبا بالك يستريح
وتنسى العــذابات والتعــب

فضّلت أحسب فى الشهور
قاعدالى فوق نيران لهــب
صابرة وحريصة على العيال
لا بيقو للريح فى المهـب

سديت خانتك مــن مشيت قايمـابو واجبـى كأم وأب
والأسـرة يضنيها المسير
وتتهاوى لو ما فيها رب

والله ما بنـكر جميلك برضـو لينا ثناك وجب
موكب هداياك ما انقطع
كان سترة فى الزمـن الصعب

لابسين وماكلين والنعيم كايلنا
فى يوم ما نضب وعايشين معيشـة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبـع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكـن بعد كبـرو اتغلب

حصلنى قبل الجد يفوت
دوبنهم فوق العتب
قبال نحصـد الخير ندم
ومابيجدى كان لمت وعتب

خايفالم الطيش فى الدروس
ومابرضى لو واحد رسب
خوفنى المتعبنى الكبيــر
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحـة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكــرة أنا السبب
ما كنت دايــرة اقولو ليك
لكن لسان الحال غلب ..

أبوعبيدة كاليق
14th July 2009, 06:02 PM
حال اللسان


أنا ما كنت داير الاغتراب
لكني مجبور ابتعدت
حسيت متل غمز الحراب
وفي أنه الصبر النكد
أرجع وأقول إنتي السبب
قلتيها لي ما بترضي بي
عيشة وسط
دايرها فوق عيشة رغد
قاريهو في عيون الصغار
طلباتم الما ليها حد
حسيتو في عيناك سؤال
احترت ما لاقيلو رد
نظراتك الحادة النبال
سيطان بتلهب في الجسد
وانا كنت صابر زي بلال
كان ردي ليها أحد أحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد
ما بنسى يوم ودعتكم
وبي حسرة غادرت البلد
ختيت على جرح الفؤاد
فُرق البيات والولد
ما اعتدت أفارق للصغار
والوجعة فرق الفي المهد
زفر القليب آهات حزان
حسيتبو جواي ارتعدت
كان انتي شوقك لي بحر
كيفني انا المكتول كمد
خليت لك الروح والقلب
سافرت بي باقي الجسد

عارفك حريصة على العيال
فوقك بعد الله اعتمدت
في الحارة تسوي لك رجال
للمايلة والمحتاج سند

اتغشن القالن وراي
هلن لي نجمات السعد
ما اتغربن وضاقن معاي
مر عيشة الهم والنكد

لو عني كررتي السؤال
أنا بني وبين الفرحة سد
سهّيت وغايتو علي حال
يعلمو الفرد الصمد

عزّابي في قاطوع صغير
في ضيقو زي ود الأحد
في السوق صباحات الله خير
حايم وازازي بلا غرض

الزي بيهو الليل يطول
يتقلى فوق جمرو الوقد
اتوقعي البجي ليك يقول
في الغربة محبوبك فقد

البي ده ما بيغباهو زول
يحكيهو طرفي الما غمد
سنتين افتش في كفيل
لي حالي فد زول ما نشد

في التالتة رب العزة قال
حامدنو حلال العقد
مكتب ولا كان في الخيال
في الفارهـ الدور قعدت

عربية والراتب كبير
ورابطلي خرزة من الحسد
بليت عروق قلبي المرير
عِزة ورفاهية وسعد

لكني يا حظي التعيس
تميتلي شهرين واترفدت
قالوا الوظيفة اتعممت
محجوزة لي أهل البلد

شوفي الضرايب فوقي كم
كان جيت أفكر في البلد
وزي الكلام ده يزيدني هم
ويرفع لي إفراز الغدد

قوليها لا تهابي الحروف
كان في غيابي الشوق برد
البي ده كلو من الظروف
والله ما لي فيهو يد

اليبقى في فرش الحرير
ماخدنو من فك الأسد
بي ضحكة في ابواب جحيم
لي دمعة اتبلابه خد

أنا شان رضاك أرحل بعيد
لي غربة لي دمعة وسهد
وأنا فيها ساهي البال شريد
أفكاري فيكم وفي البلد

سامحيني لا تابعي الظنون
ما زلنا بيناتنا الوعد
والغربة من أجلك تهون
وطعم العذاب يصبح شهد

جوابك الظاهرو الوداد
كاتباهو بي دمع الحرد
يجي ردو في نفس المعاد
نتلاقى طيارة الأحد

الكاتمو في جواي كتير
من حرقتو الجوف اتهرد
ما كنت قاصد أقولو ليك
لكن لسان الحال سرد

أنور علي عثمان
15th July 2009, 01:40 PM
الطمبور
الفاتح ابراهيم بشير
الطمبور صديقنا وعزنا وملجانا

وكتين السنين تفتح بوابة أحزانا

مما قمنا نسمع فيهو لا ملينا لا ملانا

زي إبل الرحيل شايلي السٌقا وعطشانه

أوتارو الحنيني تملِّي عايشي معانا

في الريف والحضر ومحل ما تمشي خطانا

الله لو بشيشي تداعبو إيد فنانة

تتراقص جميع الدنيا بي أركانا

لو قلبك حجر وغنانا شايفو رطانه

أول ما يرن تلقاك طربتا معانا

إحساسك يذوب قامتك تميل طربانه

زي مرّ النسيم وكتين يداعب البانه

الطمبور سماحتو القمرة مالي سمانا

الليل والسكون والرملة كالمرجانه

نتلملم نكون في شلة زاهية الوانا

نضحك ننبسط لما الصباح يلقانا

وفي رواية اخرى معروف من قديم

انو الجمال نسبي وللموجب دوام لابد من سلبي

لكن نتفق رسمي وكمان شعبي

الطمبور علاج لكل مرض عصبي

سبحان رب العباد ربي

خلا قدح حراز دبكر أصيل عربي

ومكسي جلد بقر يلصف تقول دهبي

فوقو تلات عصي واقفات بلا شعبي

وخمسه سلوك سونان موزوني بالنسبي

لو رنت تذوب ترقص جبال كجبي

والبركل يمور يتحول العقبي

ولو ما كت بخاف والناس تشيل كضبي

كنت بقول يرن تنحلا لوكربي

وأنداح الوئام بين الخلق يدبي

والبوسني الجريح يستأمن الصربي

وينشر الفرح من راجا لاوربي

حبيب الزعيم
15th July 2009, 01:46 PM
:bravo: :bravo: :bravo: :bravo:

وقعلا إستراحه يا الغالي منتظرين البقيه

تحياتي

أبوعبيدة كاليق
15th July 2009, 06:23 PM
تسلم حبيب الزعيم ,,, وانور على عثمان

وحاخليها ليك اجمل استراحة وجنبها مزيرة كمان .. تشرب منها موية باردة

أبوعبيدة كاليق
15th July 2009, 06:25 PM
دروب ليك يودن اسيرن بطوعي
اواتيك حنينا يجيش بين ضلوعي لانك بدايتي ونهايت شروعي
من نار غرامك اولع شموعي
واشيل من بسيمتك مناديل دموعي
اقابل عيونك كتير يهدي روعي
واشوف في وداعن بشارة رجوعي
عيونك فواتح الاماني السعيده
تنوم في ظلالان مداين بعيده
رؤاهم مداخل عوالم جديده
تفتر وصوفن حروف القصيده
يطل من نواظرك صباح البوادي
وسط ليل مشبع مسادير حوادي
ايا كرنفال فرحه رايح وغادي
يجود بين قلوب البواكي الصوادي
عشقتك عشقتك نسيم همبريب الشوطئ
وضليلا يبرد هجاير حياتي
تاخر ذمانك صبقتي اللاوتي
مناي وبقيتي اعز امنياتي
احبك لانك ..لانك بقيتي الحقيقه
تفاصيل حياتي وخواصي الدقيقه
رسمتك معالم دناي الوريقه
تصادف خطاي واصادف طريقا
مني التبقي زيك حنينة السجيه
وتكون الحبيبه الصديقه الوفيه
ام للمشاعر وللروح اخيه
بلاك يا سعادة النفوس الشقيه

أبوعبيدة كاليق
15th July 2009, 06:26 PM
نومى قـريرة فى خدرك .................... إذا ما ضمــــاكى ليل

وخلينى أنا للدرادر .. ...................... وسهـــــاد الليل الطويل

معاك قبلان التحدى ......................... أســوم بيهو الروح عديل

وأشوف لا وين لىْ يودى ................... عنــادك والمستحيل

أعصفى شوق لا تهدِّى .................... يخـُـمْ فوق راسى ويكيل

أنسى أو اتناسى ودى .......................... وميلى خـــلاف ما أميل

هيا ادعى زبانية عذابك ....................... إذا شايفـــة البى قليل

إذا ويلك عندى جنة ........................... أكيد بعشـــــق كل ويل

سوى سواة قوم آزر ......................... وقـــــود نارن للخليل

ونارك برداً سلاماً ............................ على قلباً بيــــــــك عليل

أدفرى قواسيك علىَّ ......................... مجـَـــــرَّبْ وليهن بشيل

وحتى الضالات طريقن .................... علىْ ببقــــــالن دليل

يسوِّن زى ما يسوِّن ......................... شنو الأكــــتر من قبيل

شنو الفضَّل منى يرقب ...................... بزوغ الفـــرح الجميل

جفاكى هجيراً يحرِّق ........................ وأكوس فى حنـــِّك بديل

وضل الدوم يرمى غادى ..................... ويحرم التحتـو المقيل

صواريخ لحظك وسهامك .................. أفوت من ديل ألقى ديل

وأقــع بيناتن ممدد ........................ والم باقى الصبــــر حيل

متل ما الله حباكى ......................... نواعس وطــــــرفاً كحيل

سيوف تضرب بين لو ....................... احظك تكاد تسمعك الصليل

حبانى مواضى القوافى ..................... شياطين أشعـارى خيل

أجاجيبا أمثال عيونك ..................... واتشرف أمـــوت قتيل

عشان لا بسعد بلاهن ....................... ولا غيــــرن لىْ سبيل

ولا بقدر أفوت حِدَّاهِنْ ..................... ولا بيحـــلالى الرحيل

خصامك وشدة قساوتك .................... أخير من عطـف البديل

يقل غلطك والا يكتر ........................ يقابلو الشكـــــر الجزيل

أبوعبيدة كاليق
15th July 2009, 06:28 PM
أكتب ليك واطّول في كتاباتي
يفيض احساسي وأملأ الدنيا بكلمات خطاباتي
بجمع ليك لغات الدنيا واكتب ليك
وبي لغة العجم مرات...... وبالعربي الشديد وفصيح
وبي لغة الملائكة احيان... والسرياني والتسبيح
وبي كل ذرة في ها الكون...اكتبها ليك وأرسلها فوق جناح الريح
أكتب ليك في الأشجار
علي الأزهار
وفي الأنهار
محل ما تمشي قدامك ..تلاقي حروف رسالاتي
لأنك انت من ذاتي...يا ذاتي
ومهما كتبت ما بقدر أعبر ليك عن الجواي..مهما طاوعت أقلامي كلماتي
****
وليه ما اكتب وانت الماضي بي احزانو... بأفراحو... والمستقبل الآتي
كتاباتك ...شويي خلاص
وانا الراجيكي تكتبي لي كم دفتر وكم كراس
ومنها داير أفصل جبي وأندروش ..كمان طاقيي فوق الراس
ومن كلماتها اسوي السبحي والبخرات ..وكم حجبات ..اداريبن عيون الناس
وكمان تقروقة في محراب هواك أجلس مع الجلاس
وأخلي الباقي اتغتابو ..لو بعدك غشاني نعاس
وانا الراجيك تكتبي لي ..كتاباتك تكون في الظلمة لي نبراس
انا العايش فراقك لي ...بشوفك في عيون الناس
وعاذرك لو كتبتي قليل..رضيان بيهو مادام بي وفاء واخلاص
**********
أريت يوما فرقني معاك ..يكون محذوف من التأريخ
وتبقى ايامنا سته ونبقى بيها قراب
أريت بلدا تحرمك مني...لوما انت تبقى خراب
ويسكن في خرابها البوم ... ويصايح عليها غراب
وصاعقي تقع تدكها ..ما تفضل فيها ذرة تراب
وتولع فيها نار الله ..تصبح كوم رماد وهباب
تمرقي انت.... والناس المعاك قراب
ما دعّيت خاتي...الا الفراق اسباب

أبوعبيدة كاليق
15th July 2009, 06:31 PM
اهواك غصبا واحتمل *********** ***** ويلات هواك جنس جنس

اهواك طوعا كون انّو ************* هواك لي نبضا وحس

موهدب بصراع اللقيا *********** والخوف والوجس

اهواك قدر مكتوب علي ************** كيفن من القدر احترس

وا ضيعتي وا ضيعة فؤادا ************ الفيهو حبك متغرس

همسات غنيواتنا الزمان *************** الكنّا نسمعا بهمس

تحت الشتيلة محل نناجي *************** الريدة نحلم بالعرس

من بعدك الايام خلن ******************* والعيشي فيها بلا نفس

كيفن يضوق طعما ويروق *************** زول فصّل الاحزان لبس

زرّت امانينا الرياح 000000000000000 خلّت عقاب حظا نحس

في دنيا ما تفرحني يوم 000000000000 من تاني ترجع تنعكس

ارجاها بالحلم الضحوك 000000000000 تظهر لي بالوجه العبس

سدس السعادة تقسّموا 0000000000000 وتلحقني في باقي السدس

عزيّت سهادي علي المنام 00000000000 شوقرت طرفي الما نعس

بل شوق طويت جرح 0000000000000 الفؤاد مع انو تب مابتلمس

أبوعبيدة كاليق
15th July 2009, 06:32 PM
اتغيرت انا اتغير وحاتك مني لا حبيت لايوم في سواك فكر
خطاباتك تعاتبني اتوه في سطورا واتحسر
علي الامل البنيتو عليك وعلي عمري الخايفو يتودر
اكتب ليك عشان ارضيك اقبل لومي واتعزر
والوم في قلبي ليه ينساك عارفو قليبي ما بيقدر
كيفن هان علي انساك وانسي العشره واتنكر
كيف يجفاك قليبا لي بعد في حبك اتوكر
اصبح كل مناي القاك افرح وخاطري بيك ينسر
دربا في العمر سرناه نحنا وياك نفرشو زهر
اريت ليلا يشيلني معاك لبلدنا بعيدي سفر
بلدا لافي زول يغشاهو لازولا يجيبلو خبر
وقت الليل يعم الكون وفوق لرباه يتحكر
يسدل لي ضفايرو السود واتوسد ضفايرو اسهر
اجمع ليك من نجومو الشاردي وانظم ليك عقود ودرر
واهديك من رياض اشواقي باقات من ورود وزهر
واقولك شوفي يامحبوبه روضنا بعد يباس اخضر
نسمات الشمال طلت تعانق زهره تتعطر
وتخاف الليل حكاوينا ونضمها بي عناق وسمر
وننسج توب اماسينا ونطرزو من غنانا صور
اعاين في البعيد نجمات واشد طوقن قليبي وتر
وعزف من ربابو نغيم زمان كان بيه يتاثر
بسيماتك تطمني يذيد بيها الامل يكبر
وعيونك ترهب الاشوق وداخل قلبي تتفجر
اتوه انا في ظلام ليلا تهبو النسمه يتبعثر
يتماوج امام عيني يظهر من خلالو قمر
اودع همي بي رؤياك لا احذن ولا اتكدر
واعاهدك انو اصون حبا نمي وبين الضلوع خدر
احس انو الذمن صافاني قربك ولي اتاخر
واشعر اني نلت سعاده قبلي انا ما لقاها بشر

أبوعبيدة كاليق
15th July 2009, 06:33 PM
بحلم بيك ما فت الخاطر ياريت يبقى الحلم حقيقة
ياريت الايام تجمعنا وفيها نعوض كل دقيقة
***
يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقة
انا ماعدت الزول البيفرز مابين النار والتاتيقة
دمعة علي لوحة أحزانة رسمت في الاقدار بي ضيقة
***
لاتلوميني ان مارسلت حتى ان كان سطرين في وريقة
لومي متاهت الغربة الفيها منها ما بتنشلة طريقة
تنشد حالك وتشرح حال الزول المالاقيلو وتيقة
شوقك وشوق الوطن الغالي مضروبين في صدرو بديقة
***
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة
***
راجعليك يابت عندية ودخلت قلبي في ساعت ضيقة
حلفت ماتمرق بي هيني اتعزفت جواي مزيكة
شالو النمة معاهة تلاتي متهكرين في ضل كليقة
سكنو جوف الليل الكافر شان الصبح تشق قارسيقة
***
راجعليك يابت ريفية وتخفي سامحتة في التاويقة
لا عارض يمنع مساري للأيام خطواتي تعيقة
راجعليك رجوع النسمة الجات في الحقل صفيقة صفيقة
كان الناس عني دربي اتخلو انت بتمشي معاي رفيقة

أنور علي عثمان
17th July 2009, 07:18 AM
مادام هي لا راعت شعورك ولا ضميرة هي استحه
انساها والبكا مابيفيد قشقش دموعك وامسحه
***
كلمني شن وداك قبيل تفرد مشاعرك تفضحة
خليتا حي السوق رياض يانعة وزهورة مفتحة
طولت ايدك لي قطوف زهرة وغميصة مسارحة
زي ماهي عاشقي الاغتراب برضو انت عاشق ملمحة
***
صح كت يامسكين زمان دايما تشكرة تمدحة
مابترضى لو كان بالغلط بي كلمة انسان يجرحة
ما قتا فوق كل البنات تسرق محاسنة تشرحة
كانت عواطف انسان ضعيف ساكت جناحي مجنحة
***
انشاء الله منها تتعظ وتكون خطاك تتوشحة
كانت حساباتك غلط في القسمة والضرب اتمحة
اتأنى في جبر الكسور براحة اجمعة واطرحة
واخر شي كان تعرف براك حتى الغرام بقا مصلحة
***
بت حوة يا مظلوم بقت للمال عقولة ملقحة
يا ريت عقول الناس بعد ما تحب تخش المشرحة
يقروا اللي كان مافي القلوب كيف الشرايين تنضحة
ويتراجع النطقو اللسان صح ولا زي ضل الضحة
***
مغرورة ما دارت سكون بلدا شقاوة ودردحة
لا تمشي تنزل بي تحت لا حتا ارضك تنقحة
لابوقة لا موية شراب لا واطة ماها مصلحة
لا شلت للمحرات سطور لا شتلة ماها مصفحة
***
كانت قبيل طمعاني فيك فارس جيوبو متمسحة
دايراك يوم جيت للعرس نار الله في الناس تقدحة
الشيلة بالشنط الكبار مبطوحة راقدي مبطحة
دي الحلي والناس جات تشوف راجين متين تجي تفتحة
كان بالة في شهر العسل طول الزمن ما يبرحة
تسكن معاك في بيت كبير موكيت وحيطو مسلحة
عربيتك الملك الحلال جلد النمر والملفحة
بوتوجاز مولع وديب فريزر واب ريموت والمروحة
***
تسرق مناها قبل يتم كل المشاعر تجرحة
يا جعفر الحياة مدرسة دايما مقررة في الصحة
ممكن نعينك في الدروس لو انت غلبك تشرحة
واعرف بانو اول درس الزول بياكل الملحة

أنور علي عثمان
17th July 2009, 07:21 AM
صحيح ياعبدو اخوى قولك حقيقه
كتير الطفشه ( الجلا ) من فريقه
يزازى نقل سميحات الخليقه
ورنين صفارتو نفسى ابت تطيقه
معاها انا كيف اسوى شنو الطريقه
تعيق فى الناس اله الناس يعيقه
اتمناله فى دالة غريقه
تحتل فيها ما تفضل شقيقه
تطير ريشاته منها بى فريقه
وصميم مكناته تلتهمو الحريقه
قمرات نومه تسكن ام دريقه
وتولد فى عنابرو عشان غريقه
بناتنا حليل سروحن فى السبيقه
لقيط ام راس مبقعى و الكريقه
اديهن حلوه غير لبس ام دقيقه
وبدون كترت غويش نفسن طليقه
جمالن خلقه لو لفحن طريقه
وبدون مضغوط فراد باهى زيقه
يا حليل قتانن الفوق السليقه
ليقيمتو تطمن الضارباهو ريقه
كتير قبلك يئن مضروب بديقه
تسد عبراتو تسمع لى شهيقه

أنور علي عثمان
17th July 2009, 07:23 AM
قدر الله ما ادى الجـــمال اداكــــى لامــــن قتى بس
حد حواء ما جابت سماح مايسوى من حسـنك قبـــس
عاجبنى وصفك يـــــــالفلو الامـــاتو سر حنبو التبــس
وقفن وراء وقـدام غفـــــر خايـــفات وداساتنـــــو دس
يتلفتــن ويشرفن كــان ذل فى القدلة صياد قــنـــص
طلعة وشيك ذى الصباح الدابو خته وشال نــفــس
شـع وبهـر كشف الظلام لا صر لا فى يـوم عبٍٍٍـتس
الحكمة بين صبحا شرق وليلا مـــــن الظلمــات دمــــــس
لا تعــاقبن لا تفــــارقن لا ازدواج بينن حدث
عندك خديد تفاح عديل لا ايد تطولو ولا اتلمس
و الرشمة فيهو كما الفراش القبل الزهرة وهمس
اهواكى انا واهوى الرحيق المـــن ثناياكـــى انبعث
وفى فاهو ريق يحرق حريق مسخ طعيمو عجو المحس
عندك عيون تقسى وتهون قطعت رميشاتن مجس
فيهن سوا علة ودواء وصفات الحاظن زاتو مس
عودك لدن وكتين يميل يشبه فريع البان رخس
كان جه النسيم ما بستقيم يرقص معاهو ويتعدل لو كان كرس

أبوعبيدة كاليق
17th July 2009, 06:41 PM
مرام::: الشاعر ::: حاتم حسن الدابي


مرام مرقت علي الجيران ومرن ديل كم ساعات
غابت نجمة الضــيفان واكتست الأرض ظلمــات
مرام ما جات
***
حكايتـه كان ويامــاكان
حــكايه تشيب الولــدان
حيرت الأنــــس والــجان
وبرهنت انــو مافي امان
رجع وأد الطفــوله زمان
زمــن عبــدت هبل ومناة
***
بعد لبست جديد فـي جديد
مـرام مرقت تبارك العيد
وقفت سمعتــنا نشيــــد
حلاة موبايلا الفـي الليد
مع التسريحــه والباندات
***
اتاريهو القــدر منصـوب
مسطر ومـافي منــو هروب
برغم رضانــــا بالمكتوب
ده غـدرا ماوراهو سكات
***
بدون إنذار بـدون اسباب
مرام غدروها جمب الباب
مرام هجمت عليهــا ذئاب
طباعم من شريعة الغــاب
ملاكا حـــولوهو رفــات
***
قلوب لا رحـــمه لا إحسان
مدبجه بي صفات شيـــطان
وظهرت قـــــدرة الرحمن
محل اسنانه هو الإثبات
***
دريبه عــلي الأرض منقوش
سريره مــن العصر مفروش
معالمه باقيه وسط الحوش
ملابس الروضـه واللعبات
***
بعد شمس العصاري تــغيب
مرام كانت تودي تجيـــب
عنــدها بسكــويت وحليب
في تــــلاجتن راقــدات
***
وحيدة اخوانا والوالـدين
عليها يخافــوا مـتمنين
تتعلــــم تتم الـــدين
وليها يوزعوا الشربات
***
ياصاحباته وينه مـــرام
سماح يادوبو فرهــد قام
عمير ماتم خمس اعــــوام
ملازماها البراءه سمــات
***
عيال الروضـــه ياسمحين
لمن جيتو متـــــماسكين
ماشفتـــوها راحـت ويـن
مرام سرقت منــام العين
مرام حرقت حشا الأمــات
***
وليه بنقول مرام ماجات
مرام كلما وجيها يلوح تبق جـوانا إحساســـات
مرام بقت القلب والروح سحابه تخدر الـبلدات
مرام غصــــة حلق مجروح تقوقيها القـميريات
مرام صفحة كتاب مفتوح يقروا الطلبه والطالبات
مرام عصفور يئن مزبوح ما شفعلها الدمــــعات
مرام جزء من محمد ونوح تبارك وعم والنازعات
مرام شربة محايه ولوح وفي ساعة المغيب بخرات
مرام دعاء للجميع مسموح بعد ماتكمل الصلوات
مرام حتظل سؤال مطروح جــوه بيوتنا والطرقات
مرام حتظل سؤال مطروح وسط اولادنا في الجامعات
مرام حتظل سؤال مطروح موجه للشباب بالـــذات
ليه بدت السماحه تروح إرث اجدادنا والعادات
***
أخيرا داير اجيــــــز القول منــو المسؤول
ماالكاتل قصاد مكتـــــول دي مــــاها حلول
إذا الوالد صبــــح مشغول منـــــو المسؤول
ومابنقدر نلــــوم زول بس بنقول منو المسؤول
نقول دي ثقافة البترول وسيف العولمه المسلول
الديجتال مع المحمــــول افلام فاضحه والمسكول
عموما بيوتنا في فك غول مخيـــــف اسمو الفضائيات
ومرام ماجات

أبوعبيدة كاليق
17th July 2009, 06:42 PM
اخي انور على عثمان لك كل الود والاحترام على الاضافات القيمة

والى الامام اخي ... ودمت بود

أبوعبيدة كاليق
18th July 2009, 07:51 AM
أتحداك لو تنسيني أو لي حبي تلقى بديل
أنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
***
ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
***
مابتنسينى مهما كان لأظنك تلاقى سبيل
والضاق الظلال فد مرة مابيرويهو حتى النيل
***
مابحزن عليك والله لو سالت دموعك سيل
جافة عيوني مما قمته مابتعرف عناق منديل
***
لو راجنى ارجع ليكى ماترجينى مدى حبل رجاك طويل
أموت والله مليون مرة أفضل من اجيك ذليل
***
برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل
***
مابحزن على موت ريدنا بى أيدك كان أغتيل
والموت فى بعض مرات يكون افضل من العلعيل
***
لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل
***
حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل
***
والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل
***
متأسف على إحساس اتخيلتى انو جميل
متأسف على أوهام سمينها عشق جميل
***
متأسف على أحلام بيني وبينا مليون ميل
متأسف لانى اهديت مشاعر ضوقتنى الويل
***
متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل
***
ارتاح في ربوعا أنجما واحد من ثمارا أكيل
لكن ياخسارة زراعتي كانت جوه مجرى السيل

أبوعبيدة كاليق
18th July 2009, 07:52 AM
حبى أنا ليك كان زادى وكان جوه الحنايـا دفيـن
كتّ بضارى من الناس وخايفه عليهو مـن العيـن
عليهو كت بصوم وافطر عليهـو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن
نونس فى براءة أطفال وفى الحب نروى ننهل زين
وكلما يوم يزيد البينـا لمـا بقينـا قـاب قوسيـن
اتارى أنا كت فيك مخدوعه وكم من زي مخدوعين
ما قايـلاك حبيـب آلاف وقلبـك قبلـه للضاليـن
وما قايلاك بتنسي حبيب صبر راجيك ستـه سنيـن
وساهر كم ليالـى طـوال يتقلـب شمـال ويميـن
كيفن يهون عليك تنساهو زولاً كان عليـك حنيـن
وتشغـل بالـك الأشـواق لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى ليّ دخرى خزيـن
كت دايراك مقنع حوبه وكتيـن المضـارى يبيـن
وكت دايراك فارس احلامى تشاركنى ونتـم الديـن
وكت دايراك أمل بسام يزيل ألـم البعـاد والبيـن
كت دايراك شريك الروح واخدمك حافيـة القدميـن
وكت بحلم بك انت معاي مجرتق بالعديـل والزيـن
جنبك فى يمينك قاعده نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبه الموج اكيد مرسايا بين موجتين
وداعاً يا زمـن ظالـم وبالأفـراح علـيّ ضنيـن
وداعـاً يـا قلـب قاسـي لا بيحـن ولا بيلـيـن
وداعاً يا سراب خداع محال ما بيروي عطشانيـن
وداعاً يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن
تبشر بى خريف جايينا ياما الناس رجوهو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك يا قلبي المسالم وديمه طبعو حنين
يتاورو الشوق ويلعب بيهو تنحر فى حشا السكيـن
تعاودو الذكري تنتر جوا حالـو يحنـن المسكيـن
أخيراً مى ليك سلام وقبل ما تجـف دمـوع العيـن
وقبال منى ما تعـدى وقبـال الفـراق مـا يحيـن
بخيت وسعيد عليك إن شاءالله يبقالك عمار وبنيـن
وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانه وديـن

أبوعبيدة كاليق
19th July 2009, 10:37 AM
حبك خلي زاد لي لليلة
الحب لسي دربوا طويل
الصوم والفطور معروف
للاخلاص هو ديمة دليل
ماليك ومال حبيب الغربة
الجنبك هو جمل الشيل
لا ترجيهو لا يرجاكي
يشوفك بالنهار والليل
تونسي في براءة اطفال
دوام ليك بيعدل الميل
لما يزيد عليك الشوق
تميلي عليه يبقي ضليل
في طبعه الخداع معدوم
للعين ضمه يملي يكيل
لا يعرف لعب لاغش
ماسك دربوا ماشي عديل
حبو شريف وقلبه نضيفه
وطبعه سمح وهدفه نبيل
ما بنساكي حاشه وكلا
ولدا ديمه طبعوا أصيل
البال ما انشغل بسواك
انتي براك ست الجيل
مقنع ليكي وللجيران
وكل عشمان منه يشيل
دا فارس الحوبة والاحلام
وقت الناس دماها تسيل
تخدميه القدم حافي
ولي روحك هو يبقي زميل
والموج منه هو بيحميك
ده ضوء الظلمة قمر الليل
بحلم بيك والجيرتق
ذيك ما في ليه مثيل
تقعدي في شمال وجنبه
من عين خلقه الله كفيل
يبشر زين تهيج الداره
يتعطر من الشبيل
وداعا يا سراب خداع
مرحب بقدوم السيل
وداعا يا حلم عابر
خلاص ارتح من الملميل
وداعا ياكلام معسول
لا اسفا عليك لا ويل
وداعا ياسحابة صيف
خريفا يصل يعبئ يشيل
عارف سكته الماشيها
قاصد ريفنا يروي شتيل
قلبك سلميلي عليه
خلي صميم وشدي الحيل
والشوق البتاور فيك
مع سكينه ارمي وراك هناك في النيل
خليك من اعادة الذكري
سيبي الجرسه والملميل
اظنك راضية بالمقسوم
مباركتك دي اقوي دليل
قلبك انعتق من سجنه
لا انات ولا تكبيل
ياوب انفتح لو الباب
بعد ما طال علي الطبيل
الهناء والسعادة انشاء الله
في جيدك تكون اكليل
الحب مافي زول تاب منه
سيبك من كلام ناس ديك
ابني عشيش سعادتك تاني
بي فد خطوة يبداء الميل

أبوعبيدة كاليق
19th July 2009, 10:39 AM
للشاعر علاء عبدالرحيم...
غناء عبدالرحيم ارقي


أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
خشت فجأة أميمة حياتو وصارت بينو وبينا محبة
قلبو إختارها عشان معروفة زولة حنينة وراقية وطيبة
دسو الريد في السر بيناتُن وخلّو حبيس دفين ومخبا
وكيف تنضارى متل أشواقن وليه زي ريدُن يوم يتخبأ
وبعد أعوام وصلتلو رسالة جواب مليان تقيل ومعبا
قبال ما يفتحو عرف الراسل باينة وظاهرة رسائل وهبة
أخوهو الليهو زمن متغرب تسعة سنين قضاهن غربه
مرسل ليهو تذاكر وفيزا دايرو يجيهو هناك في طيبه
طار في الأول أحمد فرحه كلم كل الناس والصحبه
لما إتذكر أميمة حبيبتو فجأة إنتابو شعور بالخيبه
لكن قرر إنو يسافر سرعة يعود ويتم الخطبه
لأنو الغربه طريقه قصير وفيها يهون تحقيق الرغبه
جاتو اميمة حزينة توادعو جاتو تجفف دمعو الكبه
جاتو توصي عشان ما يقوى لا ينساها هناك في الغربه
جاتو تطمنو إنو ح يفضل ريده الخالد مهما غبه
حافظه عهود الريدة البينُن ومهما كان ح يظلو أحبه
أهدتلو المصحف شان يرعاهو من العين والهم والكربه
لبّسه عهد الريد في جيده عقد ممهور بصورة الكعبه
قامو إتوادعو زين إتباكو فات خلاها وحيدة وخبا
سافر شال همو وأحزانو بعد أيام في المملكة غبا
لاقو الناس يا زول كيف حالك بالأحضان قام سالم وهبه
قالو نصاح ناس أمي وأبويا مشتاقين راجنلك أوبة
قالو أحمد: سافر يا وهبه غير جوَّك وروِّق حبه
أمك ياخي تلاهي عليك لاخالالا ضريح لاقبه
السودان مشتاقلك كلو ضفاف ورمال سواقي وتربه
وحتى النيل فرحان راجيك تجي وتنهل من مويتو العذبه
بعد أيام كان وهبه هناك بين أصحابو وأهلو وأحبه
في حضن أمو الطول منو في حيشانو الواسعة الرحبه
قالتلو أمو أخوانك كبرو وما فضلنا زول يتربه
بس فضلي أشوفو جديدك وكتين لسع حيه وطيبه
إختارولو بنيي سميحي تشع حيويه ورونق وهيبه
أديبه وراقيه وكلها عفه وبرضو أهل وقراب في الحسبه
يوم العرس الحي صباحي فرح مطبوق والناس منطربه
شاق الليل صوت كم زغروده وحس طنبور ودليبن ربه
إلا في واحده حزينه وباكيه سايله دموعا دوام منسكبه
الفي دموعا سؤال بيحير وفي آهاته أسرار محتجبه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لي بلد الغربه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بي لهفه ورغبه
شاف قدامو الما متوقع هم الكون فوق راسو إنصبه
شاف السلسل عهد الريده نفس السلسل وصورة الكعبه
شاف قدامو أميمه حبيبتو كانت قاسيه وقاضيه الضربه
شاف أحلامو تضيع قدامو بعد ما كانت منو قريبه
كانت لحظه تفيض بالدهشه شاف الدنيا كأنها تسبح
كورك أميمه...أميمه وصنقع صنقع ودنقر.. ودّر وغبى
وجن أحمد في نفس اللحظه وجن الريـد ما أظن يتخبا

أبوعبيدة كاليق
19th July 2009, 10:41 AM
سامحني واصفح يا الحبيب ساقوني منك بالغصب
ندمان ليه سبتك براك أتباكى في نص الدرب

طمني حالك انت كيف والبي يهون مهم يكون صعب
أنا اصلي زول أحساسو مات من بدري معتاد الضرب
كم مره شانك يا مناي من حنضل الألم شرب
من خشمي تتقاطر دماي لو ينطق اسمك بالكذب

نفوني من نص الديار يوم عرفوا أنى ليك بحب
لكني كل ما زال بعادي لقيتو شخصك لي قرب
سجنوني بين أربع حيط زربوني من جهتك زرب
لكني شايفاك كل يوم هل طيف خيالك يحتجب

صالوني باليد ولسان وما في شيتاً ما سلب
غير حبك ألماقدرو يوم يصلوه ما اصلوا ساكن القلب
اغرب شي أنى بي وراك بنزل وانهان وانضرب
لكني في لحظت ألقاك بنساه زي الكان لعب

وريتن أنو لي حبيب لو خنته بشعر بالذنب
ساقيني راويني المحبة ومن حنانه كمان شرب
يا اخويا زي ريدك لي وليدك برضي للمريود بحب
والله لو حاس بي العلي ما بترض بيتي أنا يتخرب

زي ما بتدور ليه السمح لي برضوا خير الدنيا حب
لكني القى الدايره وين من ناس معين خيرن نضب
دون شوره زي بياع الملح باعوني في السوق بالجلب
وما راعو لامي الدوام تتبكاه شاني وتتحجب

باريت لي زول بالجته بس بارنك الروح والقلب
أنا قلبي لو فارق ضراك ما اظنو من بعدك كسب
متحمله الآلام براي شايله الهموم ما بتحسب
ما لقيت زول حس العلي شاركني همي معاي تعب

عرفت صح ألم الضرب ما بحسه زول غير الضرب
الغر به كيف وعذابه ما بيتره ألا المغترب
فوت لله الأمر وكتين من االتحنيس غلب
مظلوما والمظلوم دعوته من الله ما تحتجب

بكتبلك هسة يا الحبيب مصبره وماسكه القلم
بكتبلك هسه والقليب مجروح يعاني من الالم
مكتوبي من شهر العسل شهر المرض شهر السجم
ملفوفة بي كفن الزفاف والحنة في أيديه دم

مرقت من سجن الطغاه وقعت في الزل والوهم
وقبلت بي الواقع المرير وآمنت بي الله القسم
وقبلت بي الدايرنو لي كم قبلي مظلوم انظلم
ويئست من عيشة عذاب رامني في زول ما رحم

انسانه صرت بلا طموح بلا مبادئ بلا قيم
وقنعت من الرحمة تب بس فيك ما انقطع العشم
ما زلت ياك مالك القليب رغم انو أمري أتحسم
وما زلت بفخر بيك واقول انت الحبيب في كل ملم
وبقوله قدام إي زول ما خايفه اصلوا الموت هو كم
أخر رسالتي بطمنك أرجوك ما تشيل لي هم
خليك في عهدك معاي الباقي ما يضوق ليه هم

احفظني في جواك فرح بلسم تداويهو ألالم
زي حفظي لك بين الضلوع انت وقلبي نجم نجم
واخواني سيبن يفرحو أنا جرحي لسه ما التأم
يمكن ضميرهم يوم يحس ويعرف أنى أنا أتظلم
ويعود عشان يبنوا الوقع كيفن بي بنو الانهدم
ديل ناس هوايتم الظلم ديل خلوا عيشتي بلا طعم
ما سوه بي حكم العقل ما بيندم الليه احتكم
الناس بتتقاس بي العقول ما بي الجلابيب والعمم
وأنا ماسكه في حبل الصبر في الله أملى ما انعدم

أبوعبيدة كاليق
19th July 2009, 10:43 AM
كلمات الاستاذ/ محمد الحسن سالم حميد
اداء الفنان / محمد النصرى

سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ماالمحنة
وأيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا نرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقراية
خزين مدخور للجِسام
تتمر نيتو التخاية
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساط أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
... ...
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

أبوعبيدة كاليق
19th July 2009, 10:44 AM
كلمات الشاعر : خالد شقوري

غناء الفنان محمد النصري


طفت اطراف الفيافي شلت صبحي وليلـي حافـي
مانسيت ارد القوافـي زي طعـم صبريـه مافـي
زي عشم صبريه مافي زي نغـم صبريـه مافـي
شافعي من عربان بلدنـا منهـا وفيهـا الوداعـه
شتله في قيـزان بلدنـا قايمـي بايـده وضراعـه
القديم اللافه طرقي زاهـي فـي روعـة طباعـه
البسيمات في وجيها الباهي من زمـن الرضاعـه
فاقعي زي شمس العصاري في العمر باقي له ساعه
في القليب الشايله صافي زي صفا صبريـه مافـي
في الهجير راحت تدقق فـي النهارالحـار تـورق
للهدوم بــالــلــيــل تـــلـــتـــق
في الجرف زارعه له حوض راجي قبل الحين يبتق
والبسالمه من بلدنـا هـي تقولـو انـشالله عافـي
زي كلام صبريه مافي وزي سلام صبريـه مافـي
في كريقة خاله احمـد شايلـه ليلـه وايـده تنبـح
شوكي لاقته في دريبه لما كـان بالمعـز تسـرح
نامـت المسكينـي تقنـت والفوينيـس زادو روح
باقي تمتمه في خشيمه تسـال الله المسـره تنجـح
ماله مال المسره إلا شان حبيـب روحـه يفـرح
دي البنيه الريده وافي زي غـرام صبريـه مافـي
زي شعور صبريه مافي زي غرام صبريه مافـي
رادت النـاس السمـر رادت الصـفـا والعـكـر
رادت المـوج الهـدر ردات الحـلـه وبيـوتـه
في عيون صبريـه طلـت ريـدة الخـلا للبحـر
نافري من قيلة الكرارق وخايفي من قولـة السفـر
والرحيل السرو خافي فـي قلـب صبريـه مافـي
في زمن صبريه مافي وفي خيال صبريـه مافـي
والنهـايـه الـمـن فـصـول سـيـرة البنـيـه
لمـا عـادت للبيـوت الكانـو قبـل المغربـيـه
مالقـت غيـر الزوامـل شايلـه احـلام الصبيـه
شايلي عيدان الكرراق فـي الصباحـات والعشيـه
ضاربي بطن الوادي زفه لمـت النـاس والسعيـه
والمطيره الضاربي قبلي لاقـت الدمعـه العصيـه
والرحيل عـز البـوداي الرحيـل وجـع البنيـه
زي رحيل صبريه مافي ِ زي سفر صبريه مافـي
زي حــلـــم صـبــريــه مــافـــي

أبوعبيدة كاليق
19th July 2009, 10:45 AM
كلمات الرائع/ محمد المهدي حامد
اداء العلماق/ محمد النصري

دي ما زي المطر بتقيف ولا زي البروق تشلع
دخلتها بي مسام الروح غلبني من اندهاشي اطلع
دخرتها لي يبابي خريف رمتني على البلد مقنع
بنتني من المحبة صروح كتبتها في غناي مطلع
دي منها والكلام بيقيف لا بينقال ولا بيرجع
يا سلام،،،
دي ما زي غابة الابنوس ولا زي النخيل في الطول
دي كان دخلت خطاك في تيها اقل شي تمرقك مذهول
حروفنا كما القبيل حروس يطريها الهوى المشتول
عصية علي الكلام يوفيها حقها في الوصف والقول
بحور شعر الخليل قادوس غتس في لجها المجهول
يا سلام
دي غايبي حاضري ديمة معاي حضور شاهد علي الوجدان
رمت شتل الفرح جواي وسط غابات من الاحزان
بنت بيت القصيد في غناي حنين بيهو الحروف تزدان
اساسق بالعشق في دماي سرى وسكن الحشى الولهان
بهادن سكتي ومنفاي تهون جم طرفها الفتان
يا سلام
دي ما زي البنات من جم ولا بنجر فوقا النم
دي كان شرقت على الاوزان يقوم نفس الشعر بنخم
ممردق صوتا بالاحزان كحال اهل البلد من جم
كما النيل موسم الفيضان تعم بالخير وخيرا اعم
ملامحا تشبه السودان ودا المديها لون وطعم

أبوعبيدة كاليق
19th July 2009, 10:46 AM
كلمات /محمد سفلة
اداء الفنان/ محمد النصري

دا ما القلب البجرسو شوق اذا ما اختار سميرو بعاد
ولا القلب التبكي حبيبه لو غابت عن الميعاد
قلب بالصح دا ما القلب البجرسو شوق
*****
قلب من قام صحاري الالفة كان يشقهن بالنوق
محكوم بسياج العفه فد يوم ما سرح مطلوق
شيال للتقيل مانحا لو ساق العمر ارقوق
ندي ورياد كريم واجواد الا من الضعف معتوق
*****
دا قلبي نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه اب يضحكوا الشمات وتجري دموعو روق فوق روق
******
قلب ما همو يقضي ايامو جنب الضامر المحزوق
قلب مشغول بهم اكبر من اشواقو ورضى المعشوق
هم وطنا عشانو نزف دماهو على الارض ماروق
هم انسان قضايا كتار ما قادر عليها يحوق
******
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح عليه مروادك المطبوق
انا ان حبيت بقدر زولي وان فارق بفوت بي زوق
********
الا بيبكي لما يشوف مابين الخلق في خلوق
ماخده طباعا من الغابه شايلي ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
*******
وداعا وما بقول بنساك وداعا القلب مخنوق
وداعا وفي الختام دنياك مناي وراي تسوي القوق
تمدلك السعاده ايدينا لفردوسا ليك تسوق
وسيبني اعيش قسمتي وراك باسم والكبد محروق
******
قسم بالله رغم جراحي لسا عليك قلبي شفوق
قبال الزمان يفرقنا بوصيك والعتاب ملحوق
بخاف يا من رضيتلي معاك غصب اتمطق العميوق
بكرة تدور عليك الدنيا ومن كاساً سقيتني تضوق

أبوعبيدة كاليق
19th July 2009, 10:47 AM
للشاعر: إسماعيل حسن

بلدي بلد ناسا مواريثم

في أول شي ..كتاب الله

وحصان مسروج، وسيف مسنون حداه درع

كتاتيبم تسرج الليل مع الحيران

وشيخا في الخلاوي ورع

وكم نخلات تهبهب في جروفا الساق

وبقرة حلوبة تتضرّع وليها ضرع

بلدي أنا

تشيل الناس ، كل الناس وساع بي حيلا وليلا يسع

وتتدفق مياه النيل على الوديان

بياض الفضة في وهج الهجير بيشع

بلدي سهول ، بلدي حقول بلدي الجنة للعاشوها

ولي البرّة بيها سمع

بلدي بلد ناساً تكرم الضيف

وحتى الطير يجيها جعان ومن أطراف تكيها شبع

بلدي بلد الصفقة والطنبور وجاراتن تنق بالليل

وبنوتن تحاكي الخيل

يشابن زي جدي الريل

بلدي أمان ، بلدي حنان وناسا حُنان

يكفكفوا دمعة المفجوع

ويبدّوا الغير على زاتم

يقسموا اللقمة بيناتم

ويدّوا الزاد حتن كان مصيرم جوع

يحبّوا الجار

يموتوا عشان حقوق الجار

يضوقوا النار عشان فد دمعة

وكيف الحال لو شافوها سايلة دموع!

ديل أهلي .. واللــــــــــه ديل أهلي

البقيف في الدار في نص الدار

وأقول لي الدنيا. كل الدنيا ديل أهلي

عرب ممزوجة بي دم الزنوج الحارّة

ديل أهلي .. ديل قبيلتي لمّن أدور أفصل للبدور فصلي

ديل فصلي

أقول بعضي

ألاقيهم تسرّبوا في مسارب الروح

بقوا كولي

ألاقي قلبي والإحساس

وسافر في بحار شوقم زمــــان عقلي

أنا محل قبّلت ألقاهم معاي ، معاي زي ضليّ

أنا لو ما جيت من زي ديل كان وا أسافاي ، وا مأساتي وا زّلي

تصوّر كيف يكون الحال لو ما كنت سودان...

وأهل الحارّة ما أهلي تصوّر

أبوعبيدة كاليق
19th July 2009, 10:48 AM
حتى الطيف رحل خلاني ما طيّب لي خاطر
أما النوم أبا وجافاني وأصبح داجّي ساهر
قليل يا طيف أقيف وأرجاني وين فايتني عابر
شن حارس وراك أنا تاني ياني معاك مسافر

لا لا تقول لي كدي استناني أمشي وأجيك باكر
يبقى أنا ما ألم فيك تاني مين عارف المصاير
هاك اسمع رنين ألحاني وأبقى معاي سامر
خفف لي قليل أحزاني ياما أنا عشت صابر
شوف كيفن يسوي زماني ديمة علي جاير
آه مر العذاب وراني سهمو في قلبي غاير
شوف الليلة كيف بستاني دا الكان باشّي ناضر
من حر السموم بيعاني طيرو يفر يهاجر

جفّ يبس صبح صناني لافح حرو كافر
عدمان الضليل سواني مجنون قالوا شاعر
كل ما تمر تعدي ثواني منو اسراب تغادر
رحلوا الفيهو صر وحداني نازل ومرة سادر

أحوم أرجع أصد لبكاني مقطوع راسي حاير
وين أحبابي وين خلاني آه يا الله قادر
ما عارف العلي تراني فوق كرعي ساير
وأسكت أسوي في أوزاني أشعار مالا آخر

وإت ياطيف عليك أحزاني ليّ شوية كابر
عشان خاطر قليبي عشاني لحظات بس تخاطر

أبوعبيدة كاليق
20th July 2009, 11:17 AM
الشاعر / إبراهيم أبنعوف

أكتبني يا كاتب القدر أكتبني والمحفوظ شهود
أكتبني إني عشقتها قبال نري النور والوجود
***
قبل الزمان وقبل المكان في عالم الغيب والجمود
روحين علي الريد إلتقن قبال يكون للريد وجود
نزعنو من رحم العدم ختنو في مهد الخلود
من عهد (ألست بربكم) يوم خرت الأرواح سجود
***
في رحلة المجهول سرن عبرن مساحات الزمان
عاشن علي الود وأخلصن في كون ملون بالحنان
سبحان من وهب الجمال من قال للحب كن فكان
خلّ الفراش في العاشقين يهوي الآزاهر والورود
***
أول صباح صحي الوجود ولبست دنانا النور وشاح
كنا وتالتنا الهوي نتقاسم اللهو المباح
لا شافت العينين دموع أبدا ولا أتخلق النواح
غير بسمة راكه علي الشفاه دافعاها ريده بلا حدود
***
جرت المقاير بالفراق .. اروح بلاد وتروح بلاد
ويمضن سنين يتعاقبن وتصبح دهور من غير عداد
أنا في رجاها هي في رجاي نتلاقا تاني علي الوداد
مهما الزمن يمتد بين .. لابد يوم بالليم يجود
***
أحلي الصدف من غير ميعاد يتقابل الخل والخليل
في الدنيا أو غيرها طالما الليقه هي الحلم الجميل
لولا الأمل ما عاشوا ناس في الدنيا بالحظ القليل
ويافاقد الأمل العريض مين قالك المضي لا يعود

أبوعبيدة كاليق
20th July 2009, 11:18 AM
الشاعر/ إبراهيم أبنعوف

كيف اوصلك ؟! وكيف أقدر .. أنساكي وهواك ما بنترك ؟!
أحترت فيك وأحترت في .. القلب اليفكو وينشبك
***
يابت من الماضي ومأججه .. ذكريات .. تعجن تلك
في حترب البال الموقع من .. جدار عقلاً مقرب يتسهك
مالك علي .. راماني بين ؟! .. أخطا وأصيب آمن وأشك
وأنا لا كفر يوم بي هواكي .. ولا دخل قلبي الشرك
***
وين إنتي من طول الرجا .. وحبل الهوا الما بيتمسك
وصبراً ألتق وبالصبر .. من تاني يرهف ويتهتك
دليني غاب محراك علي .. وأبت المسالك تنسلك
وين في محطات الزمان .. أصباك وعارض الشوم يفك
***
اسأل عليك رجع الغنا .. المنضوم علي حنّ السلك
والشوق يسرسف فوق .. نسيمةً راحلي جوف ليلاً حلك
كان تلقي عندك صيبه لي زول .. يداري دموعه بي توب الضحك
ومرات يفتش للبكا .. وما يلقي دمعه عشان يبك
***
لا تتكليني علي الحظوظ .. ما لي حظاً يندرك
والناس حظوظها تغيب تجيب .. وانا حظي في اللا شئ يسك
أحلامي ما بين الغيوب .. فرت طيوفها أبت ترك
وأحزاني تتعاقب فصول .. حابكاهن الأقدار حبك
***
أديتك البقدر عليه .. الطالباه والغير مطلبك
والقلب ما ملكت يداي .. طوّعتو ليك وأصبح ملك
وما باقي شرطاً في العقاب .. يرضيك ويرضي تصورك
غير روح خجوله من المروق ..منضاري في جسداً هلك

أبوعبيدة كاليق
20th July 2009, 11:19 AM
الشاعر /إبراهيم أبنعوف

الشوق والحنين فاض بيّ .. الليله وين يابنيه
مشتولة الجروف النيه .. خضرا وفي غصينها نديه
حام غفرك حمانا الجيه .. الليل والنهار دوريه
***
سمحه وبالعفاف مكسيه .. قمره ومافي ليكي إخيه
فوق الجيل عليتي ثريا .. وين تاجوج وعازه وريا
***
شلتي عقولنا ليه ياظبيه .. سارحابا الهويد والصيه
عطفك بي قلوبنا شويه .. والكبد البقت مشويه
***
نارك في فؤادي أنا حيه .. ما بتطفيها آه و أحيّ
شوفتك حسنه تمحا السيه .. مالو إن جدت بيها عليّ
***
محتار والله عالم البيّ .. جافيها المنام عينيّ
قسمه وقصرت إيديّ .. وآجت نار غرامك فيّ
***
ليكي سلامي وألف تحيه .. تتعاقب صباح وعشيه
تغشي البيّ الجمال محريه .. ملكه وبت ملوك جعليه

أبوعبيدة كاليق
20th July 2009, 11:20 AM
الشاعر/ إبراهيم أبنعوف

تسافري !؟ أوعك ما تسافري
بلاكي الأيام .. كئيبة
أملنا وغاية منانا وجرحنا الليهو إنتي طيبه
***
تسافري بخاف يوم وداعك وأخاف اللحظة الرهيبة
وأخاف تفضحني عيني دموعها تكتر صبيبه
وأخاف كلمات بيها أصارحك تخوني ويقسي ترتيبه
وأخاف روحي قبل توادعك تروح ما أقدر أجيبه
***
بوادعك لو كنت بقدر قليبي عيونك يسيبه
تجرح وحد ما تجرح يريدها وبقي مبتليبه
يحنلا ـ بي شوقها يرزم رزيم اللتمد قضيبه
وتجهجه فيه الليالي وبعيد للتوبه والنيبه
***
بيرضيك إنك تسافري وتخلي وراك في مصيبه
أحاولو أكلم وأوصي ووصيتي يفارق دريبه
يصر من شدة حماقتو يتابع أفكارو الغريبه
حماقة البقلع هدومه ويقع في النار يصطليبه
***
تسافري أنا وين ألقي زيك سماحة وأخلاق عجيبه
يا الجمعتي عيون النوافر ورشاقة النسفت سبيبه
خدودك آه من خدودك أصيل المايلي للغيبه
ونسيمك حين في يسري بلا الضارباه وتيبه
***
إنتي سفرك يحزن بلدنا لأنك ليها الطبيبه
ولأنك شايلي حن ناسها وقليبك ما خلا طيبه
وتاني لا يومين لا تلاتي دي سفره وراها طول غيبه
تبقي كيف لليوم ما يشوفك عليه تضيق الرحيبه
***
كدي أخري سفرك شويه وتعالي أبقي لي قريبه
وكمان لو هان خاطري عندك أرضي خاطر الوالده الحبيبه
مناي تمسيني وتصابحي وأكون جنبك لا مغيبه
وأشد قلبي وتر ربابه وحروف أسمك أغنيبه
***
أنت كم زيك زهرة يانعة إرتوت في أرضنا الخصيبه
من نقرب ننسم شذاها المدن تقطفها تنتشيبه
وكتير فينا من المجرح قليبه ومجروح قليبه
وفي النهاية قدرنا إنو نزرع حصادنا الندمه والخيبه

أبوعبيدة كاليق
20th July 2009, 04:08 PM
بين الحب والانسانية بين الزاد وقلوبنا أسيا
ضاعت بين البين ياحليلة وردة صغيرة دابة ندية

يامظلومة وظلمك باين أبسط حق طالبة الحرية
يا مجروحة وغصبا عنك تدي الروح الغالية هدية
لم قليبك يلوي ضراعك في الأحلام أو حتى النية
تلقي أسرارك هي التختارك بالقانون والعرف ضحــية

يوم باعوك ما باعو إحساسك والله الروح الطاهر نقية
والله الشوق الشاقني وشاقك والله الغلب الديمة علي
يا الجواي من قبل لقيتك قبل أكون في الدنيا خلية
لو في مدارك عز مزارك شن بشيلك من عيني

لامن أموت في قلبي مكانك مافي بلاك في فكري قضية
ليك بغني وقلبي يمني وأمرك مارق من إيدي
بيني وبين الشوق ياغالية لو في إنصاف وين الندية
غير الهم والخوف والحسرة يلعبو بي صباح وعشية

طال مصيرك في إيد غيرك والاحلام نسيا منسية
يقني قلبي بالمقسومة وأشكي معاي للأيدو قوية
لا غنيت شان أكشف حالك زي حالي الشايلة الماهية
ولا ضاريت منك عزالك لا فشيت الغبن الفي

أبوعبيدة كاليق
20th July 2009, 04:12 PM
حـبـى أنـا ليـها كان أملي وأمانى حياتى فى الدارين
إلا ظـنــونــا والـعــزال مـحـو الحـلم الرعيتو سنين
شلت هـواهـو فـى الأعـمـاق وفى قلبى العليها أمين
وفى أحلام ليالى الـغـربة وفى أنات غريب وحزين
وفى فجر الصبـاح الـبــاكـى فـى أهـات يتيم مسكين
وفى أنـفـاس عـميرى الباقى فى قيم الضمير والدين
واسـتـرجـع مـعــاها الذكرى واشكيلا الفراق والبين
وأحــدثــا عـن مـآسى الغربة واشواق الفؤاد والعين
واصنـاف الــعـــذاب الـشــايـفو والنار البقت نارين
ومـا كـان حـبى ليها خداع ولى غيرا الحنان واللين
وأبــدا مــا عـشــقــت خـلافا ومـا قلبى البشيل إتنين
ولا ســويــت مـشــاعرى شواطى للتايه من الوزين
ولا شـيــدت لـلــريــد قـبــلـه بـيــهــا ألـملم الضالين
وحات البـيــنـا كـان عـامــر وحات الجوه لسه دفين
ما حـبـيــت مـعــاهــا إنـســان ولا جـبـت نوم شقين
ومـديـت صبــري فـى الأيام بدل واحد بقن صبرين
ده كلو عـشـان أتـم مـشوارى وارجع للعديل والزين
وزى ماكــان تـعــد أيـامـا تسـأل عن رجوعى متين
وتحلـم بـالـعــديــل والـحــنـه والعش البفوح ياسمين
وتبسم لى خـيـــال أحــلامــا بـى قـلباً ملايـكى حنين
وتــرقــص بـالـفــرح تـتـنــي تـتـمــايل شمال ويمين
عليها أنا كان يطير قـلـبـى زى عصـفور بلا جنحين
ويـنــزل فـى ديــــارا يــغــنـى يـتــمـنى ويقول آمين
ويمسح من عيونا الدمـعــه مـن جـوفــا وقـلـيـبا أنين
وحتى الروح تسافـر ليـهــا والإحساس رفيق ومعين
شن فضل معاى فى الغربة غير جسدى وسهد العين
يـســاهـرو مـع الـحـبـيبه النايمه والعهد الوثاقو متين
ويحـلـمـوا بـالـطـبـول والـزفه والعقد اليباركوا الدين
ويـعـمــلـو لـى تلاقى ارواحنا والفرح البزيل حزنين
ولـمـا وصـلــت قـبـل سـلامى كان الناس بتسأل وين
واتلـمّ الـشــتــات فـى دارنــا مــن كـل الـقبايــل هين
وابتدت الخلوق تـتـبـاري زى الـــعـــادة فى التخمين
أريتــم عرفوا حالى البى واريتــم كانوا بس عارفين
إنو هواها روح لى روحى وإنــو قـلـوبــنا متعاهدين
وإنـى أنـا مـا بسـيــب إنسانة شالت ريدي سته سنين
وما بنـســي البسيـمه الحلوه والسمح الكلامو رصين
والـذكـرى الـصـداها بـحـسـو فى أعماقى ليهو رنين
الا الـعــادة مـا بـتـتــخـلـى لـلــنــاس الـدوام فـارغين
لـفــوا الـحـلـى بـى أركـانـا جـاطـوهـا وملوها طنين
قـالــو تـحـت أخـتــرت حـلــوة مـن أجـمــل الحلوين
لـيـه صـدقـتـى يــا مـسـكـينه ناساً كان متين صادقين
واسـتـعـجـلـتى مـا أتـأكــدتى مـرقـتـى الكــلام الشين
وقلتى العود خلاص إنشـق والطـق سمعتـو الأضنين
وإنى أنـا مـا بسـاوى تـرابك السارت عـلي الكـرعين
وإنى مــن رمــوز الكـانــوا دايـماً للـعـهـــود خـاينين
وخـمـيـتـي الـرمــاد وبـكـيـتى وسيلتى الدموع نهرين
بدل مـا تـمـد أيـاديـك زهـرة شـربت من نزيف قلبين
وكـبـرت فـى رعــايــة الـريـدة طـالت طلعت فرعين
بـدل مـا تــقــولـى ســلامــه لــومــا قــلــتـى مشتاقين
أرهـفــتــى الـســمــع صـدقـتى للناس البجوك واشين
وصــاحـبــتي الـبـجـوك يـتـسـلو ما فكرتى ليه جايين
ورسـلـتــى الـعــزول بـرسـالـة حـادة واحد من سكين
وقـلــتى خـلاص نـهـيــتى البينا قلتى وقلتى لى آسفين
سـفـايـنـك ما بتلم فى ساحلى والشاطى الهجرتو سنين
وفـى لـحـظـة غـضب إخترتى فى لحظة عذاب وأنين
والـدرب الـصـبــرت عـشـانو فى آخرو اتفرق دربين
ما إنـتــى الـبــراك ابـحـرتى عـز الهيجة بين موجتين
وحاتك لى قلب مجـروح ومـحـروم من مُنى العاشقين
جـمـال الـدنــيــا يــا مـغــروره إلـفـه وريـدة بين إتنين
تـعـالى نـعـيــد سنـينـا الـضـايعه نرجع للعديل والزين
وأحسن ننسى كل الـفـات قـبـل ما يفوت عمرنا حزين
ومهما يقسى قلـبـك إنـتــى ويـفـضـل فى عنادو سجين
بكره مصيرو لى يــعــود ويــرجــع تـانــى لـىّ يـلـين
لأنو الريده جمرة نار يـعـيـش فى الجوف رمادا سنين

أبوعبيدة كاليق
20th July 2009, 04:15 PM
الشاعر/صلاح البوج

اسع ياتو فيهم يا خلق الله عاد أوعاد يات مصير لى وللولاد
تبدا أمونة رحلة ماكان فى الحساب باراها الزمن شبعها فى العذاب
من يوم سافر أحمد قاصد الجنوب باكية أمونة فرقة هزت للقلوب
زوجها ابو الولاد الخاتى العيوب مفقود من سنة واعلنوا للحداد
وتمر السنه بى فوق السنه تمو اربع سنين مرت محزونة
فكرو فى الكفيل وبيناتن جنا ومحل الأبو بقى عم الولاد
عقدولو الأهل سولو المتبع من مرت الأخو الفات ما رجع
تنداس المشاعر أو قول اقتنع لازم الناس تضحى شان لبنى وعماد
ويتم العقد بينات الدموع لا فرحاً كتير لا ضوت شموع
عجلات الزمن ما بتقبل رجوع وما بتمشى الحياة زى ما الزول اراد
سنتين بالكتير كان جابو الولد والحزن القبيل جواهم برد
سمو على الفقيد الراجل الصمد شان حفظ الإسم وتأكيد للوداد
وما كان فى الحساب الزمن العنيد ينسج فى الخيوط من زمن بعيد
فى يوماً عصيب وما فى البال أكيد من أول جديد اتكال الرماد
فى لحظة سكون عماها الديار حس الباب نقر قايله أمونة جار
تاريهو الفقيد كان فى الإنتظار مفقود الجنوب يرجع تانى صاد
كان صدمة قاسية فوق الإحتمال خلتا بين جحيم واقع ام خيال
إختل العقل وكان آخر سؤال أسع ياتو فيهم يا خلق الله عاد
أو عاد يات مصير لىّ وللولاد ؟؟؟

أبوعبيدة كاليق
20th July 2009, 04:16 PM
الشاعر/ حاتم حسن الدابي ..

من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويلة مع الأيام
درويشاً من يادوبو صغير عشرة أعوام

الزول زول الله من الصلاح الرفعت عنهم الأقلام
من غرس الرسل الدارو الآخرة أم خيراً دام
التركو نعيم الدنيا الزابل للعبدوها والحكام
متجلبب بى تيبان الرحمة غتا وهندام
متنعلن بى ارض الله الواسعة خطى الأقدام
متزود شايل خير الزاد تقى وإلهام


يا سارى الليل ما شفتا جناح جبريل
غتاهو بقالو مظلة جلوس وقيام
يبقالى نجع متوجه قاصد أرض الشام
ما شفتو هناك مع الحجاج لا بس الإحرام
بين يثرب ومكة وفى بيت الله المكسي رخام
يبقالى هناك يكون مندسى مع الخدام


يا سارى أبل جهدك نحن فتشنا فى كل مكان
فتشنا سماء وفتشنا أرض ما شفنا منام
فى التمر الشايل تكا سبيطو مدلول خام
فى الجرف الأخضر فى لوبيهو وفى النجام
فى جدول جارى تسرسر مويتو نعيماً دام



يا سارى الليل أنا داير أوصيك وأديك كلام
الروح إن صعدت لى باريها وفى جنات الخلد مقام
لو كان لاقيتو فى إى مكان فى اى زحام
روح كلمو قولو الحلة بكت من شوقا إليك تغريك سلام

يا ساري الليل .

أبوعبيدة كاليق
20th July 2009, 04:17 PM
قصة ميسرة
الشاعر/علاء الدين عبد الرحيم

الزمن مهما كان عنيد شكل أفعالو وصورا
برضو ننسى سواتو ونقول قسمة والله مقدرة
كل يوم يرولينا بى فن قصة مختلفة مغايرة
بحكى من أفعالو واحدة .. بس مثال ما داير أحصرا
عاش منعَّم بين والدين ريدتو فيهم متفجرة
شبَّ بين والد كان عطوف وبى حنان والدة مبطرا
أسرة غرتُو كل الحنان وليهو سقاية محدرة
ولفَّ دار دولاب الزمن والقدر يتّمْ ميسرة
مات أبوهو الكان حنين وليهو كان الضل والضرا
خلى لى أم ورثت الهم والنحيب ودموع ممطرة
خلى لى شابة اترملت زهرة يا دوبا منورة
لسة فى ريعان الشباب حلوة أمورة وآسرة
فلتة من عالمنا الضنين مستحيل تانى يكررا
قررت تتحزم تقيف جم وليدا تكونلو الضرا
وتنْسِى إنو فقد أبوهو وتبقى هى الراجل والمرة
رغم جو الهم والنكد مهدت لو طريقو وقرة
ورغم إنو زمانا غالى كان بتقعدلو مذاكِرة
كان بتحلم بى وليدا يبقى كان كبتن طائرة
والاّ يصبح باشمهندس والاّ يتخرج دكترة
والوليد أصبح كبيِّر وفاتا يا دابو العاشرة
والزمن غيَّر كل شى الا والدتو ما غيرا
زادا فى نظر الكل سماح وفى عيون النَّاس كبرا
مرة يوم الحلى جاطت وقالو إنو سعيد دايرا
كان سعيد راجلاً مهذّب يملك الجاه والسيطرة
قام طلب إيد أم الوليد ونِيْتُو صافية لبن طاهرة
دار يكون لها راجل أمين ويبقى والد لى ميسرة
حست إنو أماما إمتحان قاسى بين إتنين خيرا
ختت الشافع أماما ومغريات الكون بى ورا
بين وليدا الفارق كبير وبين قروش وحُلِى وأسورة
رفضت الفكرة وبى أدب رسلتو جواب معذرة
ورتو إنها داب وليدا وفى العرس ماها مفكرة
يوم سعيد نادى الشويفع رغَّبو وقال ليهو واغرى
جيب لى قلب أمك يا ولد ولينا طلباتك آمرة
كان طلبت الشى المستحيل يبقى ممكن شان خاطرة
كم فرح ميسرة وإنبسط ولى ديارن فرحان جرى
فتحت أمو أحضانا راجا شان تضمو يطيب خاطرا
وبين ضلوع أمو الحنينى غِّزَّ سكين لى آخره
وانتزع قلب أمو عجلان من محل ريدتو موكرة
وماتت الأم جم وليدا فوق دموم سالت طاهره
وشال قلب والدتو بين ايدى وزوَّد السرعة وكترا
ومن كتر سرعتو قام وقعد وما عرف حاجة وما درا
غير سمع قلب أمو ينضم وفيهو كم أنَّات عاصره
بى كلام أشبه بالبكا ومن حلق ساداهو عبره
يا جناي إن شاء الله طيب بى وقعتك متأثره
كان كلام قلب أمو تيار فى دواخل الوجدان سرى
رغم إنو يفيض محنة.. ضاق طعم كلماتو مُرّه
حسَّ إنو فعل جريمة مستحيل تلقى المغفرة
سلَّ سكين داير يموت وفى وسط ضلعو يوكرا
دار يموت كان يرضى الضمير أو يكون للزيو عبره
الاَّ تانى قليبا نادا .. رجِّع السكين لى ورا
لا تكتل أمك مرتين .. يا جنايا كفايا مرة

أبوعبيدة كاليق
20th July 2009, 04:18 PM
الكلمات .. محمد الحسن سالم حميد ..

سوقني معاك يا حمام ..


سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام

فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام

درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام

إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام

ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام

حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

أبوعبيدة كاليق
20th July 2009, 04:19 PM
معذور لو قلبي اشتهاك ما إنت عارف فرقتك ما بيحملا القلب الهواك …
معذور…

دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني ألحق بيك سريع نتلاقى والأشواق هناك
جاييك هارب من سنين جاييك واقع في حواك


غلبو النواح يوم فُرقتك بالدهشة خانس إتعبر
ما بين نوازع الروح إليك هايم وبين حُكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر

ما كان هو فاهم يومو داك إيه ضحكة البرق اللصف
ولا كان هو شايف للهموم الجاية واقفات ليهو صف
ولا كان هو حاسس بالغرام الباني في الغيم إتنسف
لقى نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدَّ ورجع
ما كان غشانا الحزن يوم لا فُرقة بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صِبح يومها التزور مُره ووجع

معذور… لو قلبي اشتهاك

أبوعبيدة كاليق
20th July 2009, 04:21 PM
الشاعر/ محمد احمد الحبيّب

أنا بي لقام مهتم بس كيف تلاقيني
يا عابرة عابرة الدم شايلك شرايني
لو عمري يتقدم وأضمن تلاقيني
أنا بعدو ما بندم لو مُتَّ في حيني

طيفك يزورني إشواف في النوم يناجيني
ويرحل بدون إشفاق ساعة يصحيني
يا طيف أكان مشتاق لي مين مخليني
طفل الغرام العاق ربيتو مابيني

يا عابرة دنيا الجن بي كل أعاصيرا
لو سعدي ما ممكن احسن لي من غيرا
أنا بي لقاك مؤمن لكني في حيره
يصعب لقاك كيفن والدنيا بي خيرا

أنا كنت شئ مجهول يا عابرة لولاكي
مع أني أول زول من بين ضحاياكي
فرشّتِي عمري الشاب اشعار من أملاكي
كانت على الاطلاق أجمل هدايكي

يا اماني لي بكرة والليلي والبارح
شايلك معاي ذكرى كان واعي كان سارح
بس يوم تبين سفرة يا عابرة بي الواضح
في نيتي من فكرة داير اجيك نازح

انا لو قدرت اجيك رؤياك منى عيني
أكسير حياتي وشيك من حزني يشفيني
من إشتياقي اليك يا عابرة دسيني
ما بين رموش عينيك شيليني ختيني

كل البسيطة حسان يوم ما ملن عيني
غير عابرة مافي إنسان يهدمني يبنيني
آآآآآآآه يا جمال فتان قلب موازيني
لولا صفاء الايمان يفتني في ديني

مصباحك المسحور جاهرني عاميني
سائق خطاي مبهوش يسوقني يوديني
ما عارف المقدور بالفرقة راجيني
خارج نطاق النور حايم حواليني

أبوعبيدة كاليق
20th July 2009, 04:22 PM
سافر يا جرح جواي فوق جناح السرعة
الموج يوم يضارب الشاطئ
والريح لما تطفئ الشمعة
والمحبوب وقت يجرحني لو ضمير يحس أو يوعا
جرح الريدة كان يتعد من ضمن العجائب السبعة

الضايق عقارب الريدة يرميهو الأثر بالخلعة
بنوت حواء ما لاتنو بالخوف والشجن واللوعة
بالليل والجراح نتاحة والناس ناموا بعد الهجة
شفت بنات نعش في دمي يتهادن بهيات طلعة

يا قلبي الحزين اسمعني خت قرض الصبر في الوجعة
قول لي كيف تفيدك عترة وانت وقعت كم من وقعة
اشهدت واستغفرت وغسلت العليك بدمعة
اتيقنت قلت براك ما ليك تب عشم في رجعة

مالك قلبي من تطراها بالبيك لا بتحس لا بتوعى
منحوس انت من ما قمت اصلك ما بتفوز بقرعة
سعدك لو تجيبو كرامة كان مديت زمان القرعة
في المر ما عليك ملامة أشرب ما تفضل جرعة

الناس قالوا لي انساها لو داير تطيب بسرعة
حاولت وغلبني انساها ذكرت صبحت لي طبعة
طلعتا في صباح ايامي لا غابت خميس لا جمعة
سرقت بالي ما فضل لي منو قدر اعد لسعبة

يا ست الحسان احلامنا ما بنلقاها عن ست ودع
في دنيا الغرام والريدة البكا والنواح ما بدعة
زول كانت مشاعرو عليك جاري زي الحجر في الفلعة
محتار نارو كيف يطفيها مادام النفس بقى ولعة

أبوعبيدة كاليق
20th July 2009, 04:22 PM
الشاعر/حاتم حسن الدابي

مدر مدر يا رواسي نحن بعاد لحقنا القيفة
انت مدبج ونحن نقاسي
برد امشير والموج والزيفة

مركبك الماليها مطارق تمشي تقيف تسرح بي كيفة
مرة مغارب ومرة مشارق وانت تخاف الريح وحفيفة
ساوها زينة وفوقا بيارق وأنت مدبج توب وقطيفة
فيها المات والضاربو الفالق والسالمين في حالة مخيفة


كل الناس ترزح في كفة وأنت وناسك فوق الدفة
الدايشين والراسهم لفة والشاخصين في المدى للضفة
ساو طبالك فوقهم الفه جوة الموية وريقهم جفة
من العطش النص اتوفى وباقي النص الفضل جيفة


ضاقوا المر والحال استعصى الشغال واللاحق الحصة
الواصال للرحم اتقصه والهداي مو لاقي الفرصة
الرساي سافر ما وصى خلى محمد واحمد وحفصة
الأطفال العرفو القصة سدت جو حلوقهم غصة
من الجوع الدم اتمصة وأصبح كل الحلم رغيفة


كل الراكب شاف أحلامو دون احساس ماتت قدامو
فن كتابو وكسر اقلامو لا الولدين لا جار ما لامو
هزموه اخوانو البي الجوع نامو وكم خريج ما لاقي وظيفة


يا الفكيتها وقلت لها سيري وعارف أنو الدنيا دميري
لا في في ضفاف لا شفنا جزيري لا في الحيري لا في الطيري
كسرت جناحها وقلت لها طيري اتملكت الكانت ميري
يا السودت الناصع وجيري ايد الحق صابوني وليفه


قبلك كم متعلم وقارئ عكس الريح فكولو الصاري
مشدوهين متعشي وحاري ريسها شلته البحاري
كم سنوات علاما البارئ واقفي وهم شايفنها جاري
بقينا هلاك والقيف مضاري لا حجار لا دوحة وريفة

حسك عينك ما تتمادى وتنسى الراكب عندو ارادة
الأهوال الشافها وخاضها كان في مدرسة ولا عيادة
شفنا الأيد الكانت اجوادة يا مبتورة ويا شحادة
وياما رقاب كانت سدادة علمت الله من التعريفة


يا ريسنا قدر مديرك فك الدفة وادها غيرك
احفظ نفسك ترضي ضميرك وقف اوع تواصل سيرك
كان طاوعتنا شن بيضيرك عرض اكتافك وفك البريك
لا هني شكرا وكتر خيرك وكل انسان في الارض خليفة

أبوعبيدة كاليق
20th July 2009, 04:24 PM
الشاعر/حاتم حسن الدابي..


قومة من النباه ما ضاقلو قوت الفاه
غير كلمتين فى اليوم إعتادن الحلقوم
من الصباح للنوم يا مـحسنين لله
تبدأ الصباح بالآه ومنك زمن تواه
وتتمسى يا الله من شدة المأساه
ترقد رفقت الشاه حالاً صعب رضاه..

جواها صوت مخنوق ما بيسمعوا المخلوق
وبالاً شتيت ممحوق وأنه أسى وخازوق
بحت لسان مريوق ينادى مـعـتـصـمـاه
يا محسنين لله
حبل المروه الكان ممدود من الجيران
وأعـمـــامـه والخلان بالمطرقة وسندان
يا حليل رجلنا زمان بس فضلو الأشباه..

قبال ثلاثة سنين يتمت من الوالدين
ومن بعـــــدو بسنتين راح الكفيل وحنين
خلا لها دمعة عين وخلا لها خمسة أفواه..

صبارة قادرة تطيق كل الآلم والضيق
وتغلب نشاف الريق والمصلا والابريق
وقلبـــاً وفى وصـــــديق لا ضل يوم لا تاه..

إلا الصغيرونين يتبـــــاكو هم دايرين
فى لحظة وحين مـا بيعوفـوا المن وين
والحــوجة سيفه سنين يقتل رقاب الجاه..

سالت دموع أنهار جسر الصمود إنهار
عارفى العدم جبار مر ما بيراعى صغار
إلا الفقر مـو عار بس للوجوه شواه..

ضايقى العذاب كم نوع وعارفى السؤال ممنوع
شبعانه فوقو الصوع ورويانه نوح ودموع
الله يجازى الجوع كم كم حنالو جباه..

تب يا زمن مـحاق من ضلك الرقـــــاق
يا قاسى يا فراق يا اللى الفرح سراق
حنضل أساق دقاق مـا بيحملنو شفاه..

عطش السنين فى الجوف طرد السئم والخوف
فرش دواخلى حـروف روينا بالمعــــــــروف
ولا قلة المصـــــــروف لا الحـــــوجــة تتوطاه..

أبوعبيدة كاليق
20th July 2009, 04:25 PM
امونة بت الشيخ حمد

ابوها كان مزواج خلاص
ناسب جميع ناس البلد
ميلادها كان عرسا كبير
هيصة وضبايح مالها حد
يوم السماية اتيتمت
حكم القدر فى الام نفد
كانت شبيهة امها
فى القدلة والعوداللبد
وبقت امل كل الشباب
وجمالها فى بت ما اتوجد
فى مرة رفة قليبا يوم
حبت قريب الشيح حمد
واظن كمان حباها هو
سوى الضلوع لى حبو سد
كاتمين غرامن فى القلوب
ولع لهيبم ما برد
خايفين يصارحو يقولو
شومال بالدايرنو ست
خايفين عيون الناس
تشوفم والخبر يملأ البلد
والحب هناك عيبا كبير
لا بت تبوحبو ولا ولد
فى يوم ابوها ضحك كتير
برم شواربو بلا الاسد
ناداها امنة تعالى جاى
فوق البرش ربع قعد
قالتو هوى جاياك خلاص
قليبة فر وما رقد
حاج الخضر عارفاهو داك
قالتلو ايوة ابو سند ؟؟
جانى الصباح طالب ايديك
داير نسب شيخ البلد
وانا قتلو اهلا بيك تعال
يومين تلاتة تكون عقد
راجلا عظيم عندو القروش
عندوا الحرير راقد لبد
هو كمان كريم واخو رجال
ماعونو فى يوم ما برد
جرن الدموع من عينا شو
سكتت وابت تديلو رد
قام مرق خلاها فات لا سبة
لا كايس غرض
عند المغيرب تانى جاها
كدى لى محاسن الحاج سرد
داير يأثر فى قليبة
لو كان تقول تديهو رد
وقتا غلب واحتار خلاص ولع
فؤادو جمر وقد
فسر سكوت البت رضا
جهزولو لما الناس عقد
والمال مخمخم والحرير
تحت الرجول مدوهو مد
يوم الصفاح والناس تجوط
بالفرحــــة مقلوبة البلد
امونة تبكى بكا السواد
بدل الفرح جاها النكد
وبشيشى قامت للمروق
فى سرقة ما حس بيها حد
كان الحبيب راقد هناك
والصدمة قادة قليبو قد
وقفت قصادو بكت كتير
لامن دميع العين جمد
قام جاها بى شوقو الكتير
وقليبو داك انهد هد
قالتلو ما بى ايدى شى
ديل ناس ابوى وابو سند
اتلملمو وسووا الكلام
وانا لا رضيت لا جبتا رد
داك عندو مالا مو قليل
وابوى شاف المال سجد
ادانى للراجل العجوز
المن عروقو الدم شرد
قايلنى بسعد بالقروش
ولا المراح الفات ورد
لكن محـال اسعد بلاك
كان السماء ينهد هد
بديك قليبى وروحى ديل
وأعيش هناك صورة وجسد
اتراجعت رجعت تصد
لكن قليبة رجع رفض
مسكت دريبا مو قريب
كم بيهو صف بنوت ورد
قاصدة البحر دايره تموت
لا عيشة لاهم لا نكد
اترددت وقفت كتير
لامن قليبه خلاص صمد
شافت مسار النيل حزين
حتى النخيل حزنان خمد
وبشيشى فكفكت الحرير
لا زينة لا ربيط عقد
ما دام حياتا بقت دموع
وقليبة من زولا انفرد
قالت اخير ارتاح خلاص
ارسى وشقاى القالو حد
فى لحظة موج النيل علا
وفى جوفو غابت للابد

أبوعبيدة كاليق
20th July 2009, 04:27 PM
الشاعر : الفاتح ابراهيم بشير
غناء : جعفر السقيد

شهور بالله مرت بي دحين بالجمبي ما واعي
أصارع في العذاب والخوف أحاول أاخفي دماعي
أعاين للضياع يداك وبرضي عليهو كت ساعي
حلفت والله ان ما جيت كت بتسمع الناعي
منو القايل ...................منو القايل

لانك ياحبيب الروح موطن جوة وجداني
متكن في الشعور الحي براك والله حداني
معاك ما اجمل الايام وكت القاك وتلقاني
يفرهد وعدنا المشتول علي درب الوصال تاني
انا الشايلك معاي احساس محل قبلت في ذاتي
بحبك في هجير الصيف وفي الليل البكون شاتي
بحبك انت شلة خير بتهدي تملي غنواتي
منو القايل ................منو القايل

تصور انو ريدك فاض ملك وجداني بالقوة
كتير حاولت اتناساك القي نيت هناك جوة
بقيت انا بينو بين محتار بضيع لو هبة النوة
تعال وريني اسوي شنو عليك اسم الله والخوة
منوالقايل ..................... منو القايل

بخاف من لجة الاحزان تحت ليل الضياع فينا
بخاف انو الجفاف لو زار يصنقر في بوادينا
بخاف من موجة الايام تشيل قيفت مراسينا
نكون انا وانت ذي اطيار غصب فقدت عناوينا
منو القايل ........................ منو القايل

منو القايل بعد سفرك تجود الدنيا نتلاقي
وألا قيك ياأعز انسان عيوني مدفقة اشواقة

أبوعبيدة كاليق
20th July 2009, 04:27 PM
كلمات / الفاتح ابراهيم بشير
غناء : جعفر السقيد

عليك الله سافرعليك الله شيل الاماني معاك
شوف البيبكي عليك او حتي يترجاك
انا تعبت خلاص من جورك انت عليّ
تزعل بدون اسباب ومن تاني ترجع ليّ
خليك معاي واضح لا يبقي قولك نيّ
ياانت ابقي معاي ياانت ماليك بيّ
سافرعليك الله سافرعليك الله
& & &
رغم الحصل والكان ياما صبر ت عليك
وكان العشم جوايّ تصدق معاي عينيك
لكن غرورك فاض كتل البراءة الفيك
خلاك تظن مجبور انا تاني برجع ليك
سافرعليك الله سافرعليك الله
& & &
اوعك تظن في يوم انا قلبي يرضي الذل
او يستكين هيمان و يرجاك عند الضل
ماانت الفتحت الباب وقت للخصام ادخل
وانت الزرعت الشوك وقلعت شجر الفل
سافرعليك الله سافرعليك الله
& & &
انا في النهاية انسان مرهف رقيق حساس
داير اعيش في امان واصافي كل الناس
لكن اذا جريت فوق الكرامة وداس
مجبور اقول القول القالو ابو فراس
في شعرو قالو كلام مدهش جميل يسجي
لا تملك الحسناء مهما تكون قلبي
انا برضو ذيو كمان اعلن لي عرضي
وعارف قليبي بقول يااخوانه ايه ذنبي
سافرعليك الله سافرعليك الله
& & &
والله يالمريود خليتني فيك محتار
مرات بشوفك نور مرات بحسك نار
مرسالي لمن جاك قابلتو باستهتار
ولا تنسي اي حريق دايماً بدايتو شرار
سافرعليك الله سافرعليك الله
& & &
ياقلبي اتصبر أصلو الظروف قاصداك
معليش اذا جه الليل وخيم علي دنياك
عذراً اذا الاحلام أكبر من الإدراك
وعفواً اذا حبيت زول ما عرف معناك
سافرعليك الله سافرعليك الله

أبوعبيدة كاليق
20th July 2009, 04:29 PM
رمية( تفاؤل )+ قصيدة( ود حمد أحمد)
كلمات :الفاتح ابراهيم بشير
غناء : جعفر السقيد
أولاً : الرمية

عليكم الله يا أحباب اتلمو وتعالو قراب
خلونا النعيش أيامنا الموت يدأ جنب الباب
الدنيا العبوس كضابة ذي راية الفكي الكضاب
تضحك لك تقول جيد لي تنتكي تغرس النشاب
الموت يا صحاب بالجملة أصبح مايدورلو حساب
العاقل يعيش أيامو مادام من تراب لتراب
اسع ان ماتو مننا عشرة تلقاهم تمنية شباب
والتاسع يكون وسطاني والعاشر يكو ياداب
أخدوا الحكمة من تربالنا اتوكل رمي التيراب
وعارف ربوا ما بنساهو والصابر دعاهو مجاب
علمني الزمن ياخلة درسا ما قريتلو كتاب
انو الدنيا مهما تبقي كلها في سؤال وجواب
اللقا يارفاق من الله ومنو كذلك الانجاب
والحظ ما بتجيبو القوة والشقي ما بزيلو عتاب
والبكي ما بجيب الرايحي لو جرت الدموع صباب
والافراح تدور يمشوله والاحزان تجيك في الباب
الداير السعادة يكوسة بينا وبين حزنا حجاب
اولها في في رنين الضحكة قمتة في لقي الاحباب
يا اخوانة التفاؤل نعمة ديمة يفرح الاحباب
والزول البكون متشائم العصفور يشوفوا غراب


ثانياً : القصيدة
زول في وضوحو بلا الشمس ود حمد احمد يارفاق
من شب قام درفون صغير سوالو جو الناس عرش
يا هو الركيزة الفي الفريق زول حوبة شقيش ما يمش
# # #
تلقاهو قدام الرجال حاشاهو كلمتو ما بتطش
من تب قام زولاً قنوع ما زكي يوم درب القرش
وما شالو حق زول بالغلط وما بيرضي سمعتو تنهبش
# # #
في ليلة كان راقد حزين وسارح مع الزمن الوحش
كيفن بعد كان حالو زين والسوق مفرهد ومنتعش
مرت عليهو سنين عجاف خلت ضماير الناس تطش
بس فجأة سمع الباب يدق ويالله قام من الفرش
بي سرو قال إن شاء الله خير واطرافو كلها ترتعش
# # #
فتح البوابة بلا نفس وقدامو كان ود الفتح
قال ليهو ادخل قالو لأ انا حالي ما داير شرح
قال ليهو جيتك والعشم سايقني يا اب راياً سمح
وقفت قصاد بابي الظروف حلفت يمين تب ما تزح
# # #
البيت معاهو المدرسة خلني بي ايدي ازح
والنخلة هادي قدر تشيل ياخدوهو قبال يصطبح
قال ليهو بس نقع البنوك سلفية والحال ينصلح
قلبة وقلبتين يا رفيق وبعدين نشيل نحن الربح
# # #
يا إمة نقع الفتل ما الدنيا اصلو فرندقس
يوم انت طاير في السماء ويوم تحبي فوق جمر الفلس
بس قوي قلبك يا رفيق ونضمك يكون عجوة محس
من بعدو كان درت النجوم تلقاها في شهقة نفس
# # #
قبال كمان تصحى الشمس مشى للخزين ود العوض
قال ليهو إلا تمشي معاي اولادي ديك اكلو القرض
اتماسكو الاتنين سوي ودحمد احمد داير يطير
مرات يجك ومرات يخب ومرات تحسبو زي عزير
بس فجاء في لمح البصر لقى نفسو قدام المدير
نفذلهم كل الشروط وفيهن شرط قاسي وعسير
# # #
كان الشرط إيه الضمان ما البنك منهجو برمكي
صاحبنا قام رهن الارض الشاربة من دمو الزكي
نساهو معنى الانتماء والضحكة في الزمن الشقي
ذرات ترابة تقولو لأ والدنيا غرقت في البكى
وين تاني تلقالك حضن ياويك وكتين تشتكي
مين السوايه البفهمك يا حمد احمد غير حكي
# # #
انا ياني امك يا جناي من قمت زي تمر الفكي
يومو اليشيل فوقك تعب لا بد فيني انا تنتكي
لا بد ترجع لي صاد لو حتى في آخر العمر
ربيت اعمامك وابوك وما احتاجو لاعند القبر
يا ابني لا ترهني هو يا ابني هوي عضي الصبر
ود حمد احمد بي اختصار خلط البيصلح بالبضر
# # #
ما همو إيه باكر يكون ما طاله حقق للغرد
شال القريشات وانطلق وفي جيبو شيك سمو السند
مبسوط ويضحك منتشي وصاحبك يخوجل في البلد
اولادو دايرين يابا جيب صاحبنا يدي بلا عدد
البت تجيهو المدرسة صاحبنا يدي بلا عدد
الحاجة همها توب سمح صاحبنا يدي بلا عدد
# # #
لامن شهور الجن مشن لقى نفسو مخنوق بالمسد
الشيكه باقي وقيتا جا اقصاهو لا يوم الاحد
ودحمد احمد انضرب بقى يجري زي القنقرد
مرات يفوتك في السلام مرات يسوى بكى وحرد
بس فجاة صاحبك اختفى وهمل عقابتو وشرد
ما راعي احساس الوري وما راعي لى البت والولد
ولي زوجتو الممكن تضيع في زحمة الزمن النكد

أبوعبيدة كاليق
20th July 2009, 04:30 PM
بنيـــــــات الجرف
الشاعر : محمد الحسن سالم حميدة
أداء : محمد النصري

كلم بنيات الجرف تتبرأ من بحراً غدر
اتقابة ماراع الولف صاد الاخيتين بي قدر
@ @ @
ليك حق يعابيك الحراز واليصطفيك طرف وعشر
يا متوك الناس العزاز ونابع قليبك من حجر
ما بتنفع انت بلا الخريف الصاقعي والريح والمطر
تنزف نزيف ما بحوشو قيف لامن يقولو عليك خطر
ما اظن نخيلك هز فوق سيرة عريس نازل البحر
ما طال موجل مابيضيق لا يضوق الناس غير كدر
@ @ @
كلم بنيات الجرف
وكل البنيات من طرف
ما ينظمن فيك فد حرف
في الخان عهودن وانجرف
ياريتو بس لو كان عرف
حال البشابن بي لهف
لي حضنو الا الملتهف
لي عز شبابن كف خطف
@ @ @
عودلو قشكن اليبس يدغٍِِي ورويسات السعف
مكسور خويطرة في قحف
ترقي وتسف ملح الأسف
عودلو السمبر يدق
جنحاتو بالأشواق سحر
قاصد جريف ود شيخ يجف
لي مويتو من دون البحر
والليلة ذي غيماً رعف
حين طال علي ريحو السفر
ياحلولو زينا ماعرف جوز
القميريات طفر
@ @ @
يادنيا يانا ربات كتف
رغم الفجائع لارجف
لا قال عوارضي ابت تخف
أو بالعلي الحال يعترب
كان عن رسول الله وقف

أبوعبيدة كاليق
20th July 2009, 04:31 PM
يظــــــــــهر نجم

لشاعر جاد الله عثمان
أداء : عز الدين شكري


مخلوقة أدهشت الخلوق احتارو فيها استغربوا
لو شافا قيس ما كان بينظم شعر ليلى ويكتبو
لو شافا برضو جميل أكيد ما كان بثينة بتعجبو
عينيها شاهرة سيوف عنتر بي سيوف بتبهرو
جلَّ الخلق آمنتبو
يظهر نجم عز النهار ضوء الشمس ما يحجبو
جدي الغزال وسط الزحام جمع البشر مابيرعبو
يا زهرة جملتي الفرع رغبتي فيهو الكان أبو
اتوجهت نسمات شعرنا عشان تغازلو تداعبو
بخت الهواهو يعذِّبك زي ما هواكي ِ يعذِّبو
بخت السعيد يا حلوة يصبح لي وليداتك أبو
قت لي تعابيري أوصفو عن عجزهن لي أعربو
قالت دا فات حد الوصف لكن شوية نقربو
عودو الرطيب هبة نسيمة تلعِّبو
صدرو الحصيب نضجن تومياتو الربو
وجهو المنير لخبت حساب البي القمرة كان بيحسبو
والجيد غزال لأسماعو أصواتً غريبة اتسربو
تضميرة فيه يحوق سواراً بيها دارت تكربو
بسماتا تتشالع بروق خلت عضاي يتضاربو
والشامة فوق حاجبو الشمال عشان من عيوناً تحجبو
نظرات عيونا علي التصادفو تكهربو
ترسل سهم ياذا القلب غير فيهو ما بتحسبو
يا داب عرفت إنك شمالية الأصل أم عن أبو
فكرت في قولة جدود كان لينا دايماً يقلبو
قالوا الشمال منبع درر حصدو القدر في مكسبو
سوَّو العمل سبب ارتحال لأهلنا بيهو اتسببو
اتناثرت درر الشمال ساعة عقيد انجازبو
وعمت جنوب سودانا شرقو ومغربو
يا بابنوسة استبشري ملك الجمال فيك لقبو
فيك كوكباً يهدي البضلو يتوهو عنك ويضهبو
فيك الفريد يا ببنوسة الزيو قط ما أنجبو
الشافا بختو وبختي بالزمن القليل الغزتبو

أبوعبيدة كاليق
20th July 2009, 04:32 PM
مسافة السكة

كلمات الأستاذ : خالد عباس شقوري
غناء الأستاذ : صديق أحمد

مسافة السكة وأرجع ليك معاي الشوق وغنواتو
أنا البهواك وقلبي عليك وأنا الزول البريد ذاتو
**************
كنت بحدد الميعاد لو عاف متين أرجع
وكنت بقصر المشوار وأبقى مع الزمن أسرع
إلا مصيري في الأيام هي البتقول وأنا البسمع
وما لاقاني في الدنيا زولاً حظو كان فاتو
************
مسافة السكة مهما تطول برضو مصيري أرجع ليك
ألم شحن السنين الفات وأقيل في ظلال عينيك
أنا من سنين دنياي بخاف أحزاني ترسى عليك
وألم باقي العمر تحنان وأقول للناس حكاياتو
***********
ما يهمك كلام الناس وحاتك إنت ما ناسي
أنا البحسب عشان ألقاك ثواني الفرقة أنفاسي
عارف لوعتك يا روح وكيفن انت بتقاسي
أعمل إيه مع الأيام مع قلبي وصباباتو

أبوعبيدة كاليق
20th July 2009, 04:33 PM
بالمــــــــــــــــــيلاد

كلمات خالد الباشا
أداء : محمد النصري

الأيام مالن ما هن في الآلام داقالي أوتاد
الأيام كاتفاني حزين سوجرن الأشواق
كندكن الأحلام بالحسرة ويبسن الوديان في المسرة
لو بتعدل الخطوة العترة ما اتراوحت وجيتك صاد
****
ما حبيت عينيك بالصدف وما لقيتك دون ميعاد
يا أحلام القلب الراد
اتلاقينا صباح الدنيا وشلتك منيا واتجنستك بالميلاد
اتحسستك حب بالفطرة وعشتك فكرة
من شقيتي طريق أشواقنا ولامن جيت من عندك صاد
يوم ما جيت من عندك راجع وكلي مواجع ونوح وسهاد
اتوكيتك حزناً دامس بين خلاجات القلب الراد
التفت عشان ألقاك فرحة زول بي زولو العاد
****
أنا ماشي مباري دريب الرجعة محطة محطة لقيتا رماد
حتة كنا وحتة قلنا وحتة كان الشوق وقاد
الأطلال إحساس الوحدة والآمال منشري سواد
لا لاقيت أطفال بيغنو ولا اتنين قاعدين يتمنو
وداي الخير مرَّابو جراد
****
اتذكرت ليالي الهجعة وفيك الشوق مشدود وقاد
وعينيك كان أسباب الوجعة وسفر الطير في العتمة جهاد
يا مامشين فوق دربك أسعى طول الليل شقيت لي بلاد
وكم كبيت فوق دربك دمعة واستنيت طيفك ما عاد
****
وآه يا زول أهديتو حياة أهديتو عيون ومروة وزاد
آه يا زول أهديتو بيوت أديتو خيوط شعري العقاد
لو فاضل فيك من ريدي رماد
أطرح لي وشيك أنا داير أجيك
ليه بابك ساد ليه الأحزان ليه الآهات زظوالدمعة حصاد

أبوعبيدة كاليق
20th July 2009, 04:33 PM
كلمات الأستاذ : إبراهيم أبو نعوف
أداء : عبد المنعم عبد الفارس

الله عالم يا حبيبة إنتِ في دنياي تمني
بيك عاد إشِراق صباحي وراح ظلام أحزاني مني
& & &
البمر إيه بي خواطر مرَّة لو سألوكي عني
دار تقول إيه لي عوازل لا تبارك ولا تهني
& & &
قولي ليهم حبو سامي وقصدو يبني معاك جنِّي
وفيها تاني يعود ربيعنا ويحضن الأزهار يغني
& & &
أحكي عن أول لقانا وكيف معاي سارت خطاي
وعن مقاطع شعري لمن مندفع بي فيض هواي
& & &
ومافي لحظة تمر بخاطري إلا أشواقك معاي
وكل أول ليه آخر إلا حبنا لا نهاية.
& & &
أحكليهم عن صلاتنا ونحن بينا صلات حميمة
كيف روتنا وظللتنا وأصبحت في سمانا غيما
& & &
لو تكون البينا عامري ياها جنتنا ونعيما
ومالنا مال الدنيا تاني أريتا ما فاتت جحيما
& & &
لو يقولو ليك خيالي وفي خيالي بقيتي صورة
أعذريهم ما بيعرفو إنت نور عيني وسرورة
& & &
لو يقولو ليقك أفراقك كيف تفارق القمرة نورة
إنتِ عمرك يوم سمعتي بالفراش هجرت زهورة
& & &
بكرة لو سألوك تاني كيف مع الدنيا وفراقا
قولي ليهم في قربنا وفي بعادنا نظل رفاقا
& & &
نحن ناس عاشت نفوسنا في وفا وأنبل صداقة
حتى في الأحزان بنفتح لي دروب أحزانا طاقا
& & &
أما لو سألوني عنك في هواك إيه الرماني
لا لا والله دة سِر مقدس كاتمو في الأعماق وأعاني
& & &
كل كلماتي وحروفي نظم أشعاري وبياني
إنك أنتي قطعة مني وبكرة راجع لي مكاني

أبوعبيدة كاليق
20th July 2009, 04:34 PM
كلمات :ابراهيم ابونعوف
اداء الراحل المقيم : يس عبد العظيم

ضميني ضميني يافرحة ا لمحزون
لا الصبر قادر اطيق والضم معاهو سكون
**
يااعايشة في جواي بيك الفؤاد مليان
انا من بعيد جاييك شارد من الاحزان
غفلت قدري وجيت لاقيتي بالاحضان
لفيني في جيدك طوق والبسيني كمان
وريني كيف بيكون نبع الحنان في حنان
ما انت لي وانا ليك رغم البكون والكان
انا شاعر غناي في اروع الالحان
وانا بين ايدك فنان والفن جنون وجنون
**
شن داير اقولك عاد والقول علي تقيل
انا والنجوم شهاد من ديل اتابع ديل
تنهش كلاب الشوق في جوفي طول الليل
لامن لحقت الموت والموت اباني عديل
يوماً يلمني فيك يوماً صعب بالحيل
كترتلو التحنيس كملتلو الوسيل
حلفتو بالقرآن خسمتو بالانجيل
ناديتو في سجين خيل رجي الممكون
**
ولهان عليك قليب بهواك بحبك موت
صبرتو بالآمال صبراً غزلتو خيوت
عشان مايميل للغير كرهتو في البنوت
سكتو بالاحلام ختيتو في تابوت
رهبنتو ليك رهبين فوتو فوق الفوت
حفظتو ذكر الريد بعبد منيب يوت
لامن بقالو كلام لامن بقالو سكوت
نذراً علي مثبوت الله يكون في العون
**
سامحيني كان ذليت وكلامي ما ارضاك
الناس تسامح الناس وانت السماحة براك
يارقة الحلوين ياقسوة القساك
بيت ذاتك اتوسل طالب عفوك ورضاك
مديلو حبل الريد قويهو من تالاك
خليني أكون عايش علي انو يوم ألقاك
**
يبقي السعد يصدق تشبك يداك يداي
وأشواقي لليوم داك يوم يقعد المأذون
ضميني ضميني يافرحة المحزون
لا الصبر قادر اطيق والضم معاهو سكون

أبوعبيدة كاليق
20th July 2009, 04:35 PM
كلمات : ابراهيم ابنعوف
اداء الراحل المقيم : يس عبد العظيم


ما عارف المحن بمشيله وأله هي قاصدي تتلقاني
&&
ليه ما اكتب غناي بي دمعي وامزج بالفرح الحاني
في اشعار تحكي عن الحاني تشرح للبعيد والداني
&&
داير اقول يا خلق الله ياخلق الله مالو زماني
لا رحم الصغر في صغري ولا رحم الكبر في كياني
&&
الناس في سعادة وبهجة انا بحر الهموم ضماني
وين قارب نجاتي يا خلقو وأله انا دايما الآخراني
&&
أهرب من دناي وين أمشي ياريت الأماني أماني
كان ما الدنيا ياها الدنيا طال ما ياني ياني انا ياني
&&
يا ريت السعادة قريبة عشان تسمعني أو تلقاني
لكن كيف أصيح وليها والعبرات معضي لساني
&&
يا سجيم السجم يابختي يا حظي المولي فاني
كيف انا في الشقاوة عترت والخير فاتني واتعداني
&&
آه يا مرتي المليوكة يا نار قيدي قيدي تاني
الألم المقطعو قلبي في جواي كاتل انساني
&&
آه يا قدري كون في همي راجيك من قبل ترجاني
هم واحد مودر سيدي منطبقات علي تماني
&&
فيها الدنيا شن سويت اتعذب كأني الجاني
شان لا تُبتَ لا استغفرت من حب زول ملك وجداني

أبوعبيدة كاليق
20th July 2009, 04:36 PM
كلمات الاستاذ :ابراهيم ابنعوف
غناء الراحل المقيم : يس عبد العظيم


كيفن أصـــبر قليـــبى
وكيفن أعمــل حسابى
ما دام عشمى فى نظـرة والعندو النظرة مابى
بجرو غنايا أحكى ليكم تعالو أسمعـوا يا صحابى
حكاية الشافعى البريده وريده شقــــايا وعذابى
أحن لها حن القمارى تقوقيبـه أوتار ربابى
وأهوى الهوى فى هواها وهواها قرايتى وكتابى
منو القال ليكم عقلتَّ وحاتكم جنيت يدابى
بقيت لمن ليها فارق أفارق عقـلى وصوابى
أضيق لمتين ليها أرجع أخاف مايطولبى غيابى
أعاين زين فيها أشبع وأزيد إعجاب على إعجابى
أشرّق وين ما أغــــــرِّب وأشيـــل همى وإكتئابى
محل ما أمشى ألاقــــى طيفه مشتت فكرى وحجابى
تطير روحى بعيتً تغــــــازل خدودك زهر الروابى
تتعلق بين عيونه ورموشــه البى فوقا كابى
قليبى يفارق ضــلوعى يلاهى عشانا ويشابى
بعيد مابيقـدر يقاوم بريق البسمة السحابى
صديراً لما يتفـرَّ تبق نار الله فى أعصابى
وقديلتاً كيتن على وا نشاف ريقى وخم ترابى
حنينى ومرات بتقسى تقول فى نفسها تتغابى
إتغابى العرفة فيهو وا زرف دمعــــى ووا خرابى
صحيح أصبحت مملوكاً أســوّى أورادى وأزنابى
متل ما ملكت فؤادى أنا ملك شيطان الكتابى
أخاف ما بقـدر أعاتب أقول تزعــل من عتابى
أموت أحسن من هى تزعل أو تزرف دمع كابى
عشانا أنا كم ضُقتّ مـــرَّة عشانا مهمل عقابى
عرفت الله فى عـــــذابك إنتّ خاف الله فى شبابى

أبوعبيدة كاليق
20th July 2009, 04:37 PM
الشاعر الأستاذ : ابراهيم أبنعوف
أداء : مرتضي العفاض

أحفظنا من عرس الزمن وأسترنا يا سابل الستر
اقتنعو بالشيء القليل خلو البنات يعرسن
×××××
وحدين يجوك من الخليج من الأمارات والكويت
شنطاً ملاني من الهدوم وزع يمين ما خلا بيت
إذكر الناس البعاد خايف الملامات وإن نسيت
الليلة بالزين والعديل ويا عريسنا اليلة جيت
×××××
الشيلة بالشنط الكبار وأرياحو جاهزة معلبة
برضوا الكريمات والعطور بي صفحة راقدي مرتبة
بعد العرس مسك القلم جمع الحسابات ضربة
لقي نفسو غرقان في الديون ضهرو إتردم لمن أب
×××××
لملم قروشو حصاد سنين في لحظة في اسبوع ضيعة
قبال تتم شهر العسل لي أبوها هي رجعي
بدل النعيم جاها الجحيم ومن المهازل شبعه
سمعوهو روح للمطار ساعة السفر ما ودعي
×××××
ولد البلد حرس الوطن تربال وإيدو مشققة
وقام الصباح شايل الفطور أظن كسيري مطبقة
زرع المريق حصد القمح بي همة ما ها ملفقة
في لحظة حدد للعرس حصر المسافة وقربة
×××××
جمع البلد في الدعوة يوم والدعوة ذاته مبسطة
سو العقد عند العصير يقدل حريرتو هو رابطه
بت البلد عاد حالي حال وأخلاقي ما ها مربطة
عاشة مشاعرها هي الزمان بالمَرة كانت هابطة
×××××
عايزين نصيحة ودعوة لي وكل الشباب
أحسن تكون قرب الأهل سيبو السفر والأغتراب
نزرع أرضنا بدون ملل والخير يعم ذي التراب
أهم شيء عز الزطن والدار يسوق مرحب حباب

أبوعبيدة كاليق
20th July 2009, 04:38 PM
للشاعر : خالد عبد الله بخيت
أداء : محمد النصري

يعني خلاصر قررتي تسافري تنزعي فرحك من جواي
ايه قوليلي وراك فاضلي لم يغيب قمري الضواي
@ @ @
ياتو طريق يهديك للرجعة يدي مسافة السكة خطاي
ياتو دموع تكفيني انوحك مهما يطول يا غالية بكاي
بحر الدنيا الهايج فيهو وتايهه مراكبي بال هداي
انتي حياتك ياه حياتي وكيفن اقدر اعيشة براي
@ @ @
انتي مناهل عشقي الزاهر وانتي منامي وانت صحاي
لما بترحلي يا محبوبة تمشي جيوش الهم تالاي
تهزم صبري الداخرو عشانك ودنيا فداها نزفت دماي
@ @ @
أيوة بريدك ن أعماقي وانت ياتي وكل مناي
يشلتك في احساسي معاني وانسابت بي لحن غناي
شلتك فرحة وروعة وبسمة وما خليتك لحظة وراي
وحتي القمري الاحزنو بعدك رددوا ليك مع القوقاي
@ @ @
رسلي يفك لي يواسي لما تعودي تقبلي جاي
ياهو وحاتك لم تغيبي يبقي أنيسي ويبقي عذاي
بلغي دارك عني تحايا قدر الأشواق الباقي معاي
وكم ناديت لي طيفك يرجع ليهو إلا أرتد علي صداي
@ @ @
شيلي هواي فوق درب ذادي ويلة اتكلي علي مولاي
الله يسهل ليك طريقك ليهو إلاهِي رفت يداي
والأشواق الدامت بينا ليك مراسي علي الهبباي
وما بنساهو الحسن الودر بي طلت عينيك شقاي
@ @ @

يعني خلاصر قررتي تسافري تنزعي فرحك من جواي

أبوعبيدة كاليق
20th July 2009, 04:41 PM
طعم الدروس

للشاعر محمد سالم حميد

ورينى شن طعم الدروس مادام بكانا مشى قطر
وكيف ذاتا ترتاح النفوس تقبل قرايتاً فى سفر
يايمه حان الإمتحان من وقتو بس فاضل شهر
ما اظنى من جور الزمان انجح واجيب ليكم نمر
كيف ذاتى يا نبع الحنان انجح من آلام السهر
عمرك سمعتيلك جبان خاض المعارك وانتصر
زينوبة كل ما افتح كتاب القاك فى أول سطر
القى الجداول والصحاب القى الجناين والتمر
فى الحصة عقلى أنا قام سدر يمه المدرس لو فكر
كان بلقى قاعد فوق ككر فى الدونكي لسع ما فطر
يسمع كليمة يا عشاي وأغلى الحكم عند الضجر
أنا قلبى كلو عليك جناى وقلب جناى على حجر
والله موش لو كان نهر لو كالنى بسيطان بقر
مادام عقيل الجن سدر ما اظنو من عندك حضر
بذاتو ابوى تلقاهو قام فاتح كتابو مع الفجر
يقرأ ويرتل فى كلام ما بفهمو الناس الكفر
زينوبة كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر
والله لو ما بنقبل ما كان بفارقك بى شبر
زينوبة دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر
يا خالة :
ما تقولى لى دخل البطون
والفى البطون ما بتمرق
يا خالة شيليها الظنون
والله مابينكن فرق
ما زى بعض لوبي الجروف
قوليها لو كان تنطق
خالتى المجنح ما بيطير
واللاحقه ايدك بتلحق
وين انتى شفتيلك بعير
معقول محكم وينطلق
يا خالة كيف اصبح غريب
وأنا روحى من روحك خلق
والله أقرب من قريب
والغنوة معوان للخلق
ما شفتى ناسا حالها كيف
قلب الجبل ليهن برق
كم ليلة ما غمدو الطريف
سدت دموعن فى الحلق
يتباكو ما شفتى النحيب
ساعتو البيبدا من القلب
آه وآشريري على الغريب
اليومى دمعو بينسكب تلقيهو يرفع الليدين
لافوق يلاهى وينضرب
يا الله يرجع لا متين قلباً معذب ومغترب
طعم الدروس يا يمه ليك
لى كل مهاجر ومغترب
ضاق الكؤوس المرة ديك
وآه من حناضلاً تنشرب
مش كل ما لاح صباح
يتماروا ناسك فى الدرب
الجاي وارد واب ملاح
يا بت ترب زولاً تلب
يبقى الغنا السلوى الملاذ
للقلبو فى الساساق غلب
لو صدق المطر الحراز
ما كان من الأشواق تعب
انتى اللسان الماب يقع
فى زلة لا يوم ينزلق
فيض الحنان المن نبع
لا قل لا يوم نتمحق
جاهو الجنوب سابق الشمال
جاهو المشحتف فى الشرق
جاهوالغرب شادى الرحال
شيل يا غمام منو وأسق
يا الله شدة ماك رحيم
أديتنى أُمين تنسبق
لى ضمى بالحضن القديم
الدافى شوق وعشق وعشق

أبوعبيدة كاليق
20th July 2009, 04:42 PM
للشاعر محمد سالم حميد
غناء الراحل المقيم : يس عبد العظيم


باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد
المبعوتة المنك وصلت
ورُح فكيت الطلب الفوقنا
باقي الدين يا الزين خلصتو
قدر الفاضل مصروف راشد والتومات
والجايات من جاي لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله
مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار
فضلت في آثار
ما خموها الجونا قبلكن
شن خلولنا بلا حجار
الله يصرف الخواجات
بينات جعفر والمحجوب
والمحجوب والخواجات
طقت حجي العمدة طفاها
باقي الناس الجات للفرجي
قنبو قيلو شبعو لحوم
والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال
وما رقوك سووك باشكاتب
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر
شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير
أم أولادك ست الدار بت أحمد جابر

أبوعبيدة كاليق
20th July 2009, 04:43 PM
(رد )
ســـت الدار
للشاعر : محمد سالم حميد
ست الدار بت أحمد كيفك
جاني جوابك مفتوح شارع
جاني جوابك وانا بتذكر في ناس راشد والتومات
في الشتلات والحالة عموم
ناس حلتنا التحت الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت يا ست الدار
أيوة بكيت يا ست الدار
لما قريت علماء آثار
علماء إيه يا بت الناس
سواح إيه ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم __ مأزوم __مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم __ مأزوم __ مأزوم
يا خرطوم أزمني الصلبك فوق الطلحة الأمريكية
يا خرطوم
أوه خرطوم
أوه واشنطوم
طن لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله
فوقي هجير والتحتي بقل
سبي معايا الشردو راجلك
والحرمونا شوية الضل
سبي الحالة العالة علينا
حتى احكيلك بالتفصيل
حاصل الحاصل يا بت أحمد
جاني وفد في المصنع زاير
وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل - مائتين عامل
يبقوا هوامل - يبقوا هوامل
ما يهموش - الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا
سيرو موكب صامد وصامت
إتضامنا معاهم سرنا
أب عرام دور عربيتو
العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة
والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع
مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي
وكل وجوه الراسمالية
وأشرف من ..............
داك الحين المصنع هاج
جات عربات اللات بوليس
فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع باليد باليد
في دورين موعود بي شغلة
لمت لمت كان ما لمت أنا جاييكم وما ندمان

أبوعبيدة كاليق
20th July 2009, 04:44 PM
الجواب الثاني
لست الدار بت أحمد

للشاعر/ محمد الحسن سالم حميد

زيني الزين
أب حالاً زين
جاني جوابك
يا المبروك
وسابني أشوف الدنيا كويس
وأعرف غلط الصاح مظبوط
سابني أميز _ وأقدر أفرز _ أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟
والله مهازل
والله عمايل
يا أوغاد
وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف
شغال بي فونيا
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة_ تمانية _ تسعة بغطوا
أدها تسعة المنصرفات
كل الفايض
بدخل وين
قولوا البفضل بمشي لي مين
وبرضو خساير
والله مهازل
يا مضغوط
خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار
ام اولادك وهم كبار
وياك الزين ود حامد داك
كان متوظف
ياكا الزين
كان متوقف
ياكا الزين
ليش يا الدخري توصي عليا
اسبوعين قضيتن جوه
يبقى غصب
زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات
مرتاً دغري وغلباوية
آه يا الزين
لو كنت معاكم
كنت بقيت النوباوية
ما تهتم يا الزين بالحاصل
واصل سعيك
واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو
فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك
أو في الثانوي لقيت لك خانة
لكن قدرك يا إنسان
بلداً هاص هيصة جبانة
طالو الناس التريانين
ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح
الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطاة تراها
وبي جاي جاي
بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك - الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر

أبوعبيدة كاليق
20th July 2009, 04:45 PM
تلغرافات
ست الدار
للشاعر : محمد الحسن سالم حميد

تلغرفين في وقت واحد
نوري
السوق
ست الدار بت أحمد جابر
المحجوب في قطر اليوم
عفش الزين
النوباوية
الخرطوم
الخرطوم بحري
كشك الشعلة
الزين ود حامد
راشد راقد والواطاة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين
كل الاوراق
راشد كيف
النوباوية
الخرطوم
الخرطوم بحري
كشك الشعلة
النوباوية
أنا في السكة وست الدار
راشد ود الزين ود حامد
من تنقاسى والبركل ولى العفاض
من عند أوسلى لى الحوشاب
لى عند نورة والحيران
قشابى الشامخى والكرفاب
ومروى السمحى ماب تنفات
كريمى السوق ولى الدومات
وتغشى الزومة والحاجاب
قريرنا النايرى أم شتلات
حزيمة وكورتى شيخ وراق
الكنيسى العامرى بالأيمان
ولا مساوى والدبة
حجير ومقل
بخيت وشرق
دبيبى وبقعة ابرنات

أبوعبيدة كاليق
20th July 2009, 04:46 PM
للشاعر ناصر محمد محجوب
غناء معاوية المقل

اوعدينى يطل صباحك
لو ليالى الغربة طالو
وسدينى حنان قليبك
استريح وارقد قبالو
صبرينى الصبر ضايق
مابى تتمد حبالو
صدقينى بكيت فراقك
فى الليالى دموعى سالو
أرحمينى أسير سجونك
راضى حكمك مهما قالو
صارحينى انا لو قليبك
لى اصلو بعيد منالو
ذكّرينى أيام بلدنا
يا حليل ايام شمالو
فرّحينى وقولى باكر
نشتل الريد فى رمالو
عاهدينى شتيلو يروى
مقيلنا يبقى تحت ظلالو
كلمينى سمح كلامك
عن قليبك ورى حالو
حدثينى عن المحنه
وعن نخيلنا وعن جمالو
اعذرينى الخوف عواصف
والزمن خايف نبالو
احتوينى قليبى عاشقك
يبقى حلم الذّنيا نالو

أبوعبيدة كاليق
20th July 2009, 04:48 PM
الطمبور
الشاعر المبدع الفاتح ابراهيم بشير

معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رننا تذوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسنا الجريح يستامن الصربي
بالطمبور دوام يتلاشي كل سلبي
وينشرا الفرح من كايا لا اوربي

أبوعبيدة كاليق
21st July 2009, 08:22 AM
انا المأساتي مـا بتتقـال بقيـت احسـب عميـري الفـات
عـــــــــــــــذب لا حـــــفـــــلــــــة لا شــــــــبــــــــال
لقيـت الفـات كتيـر وكتيـر مـرق لا زوجـة لا اطـفـال
ترانـي فـى مهـب الريـح مريـكـب لا فحـهـا الـشـلال
بقيـت مسحـور عيـونـك ديــل اتحـجـر بقـيـت تمـثـال
وافـتـش فــى مكـانـك ويــن لقيـتـك فــى قليـبـى هـنــا
انا الجرب مآسي الغي تعال شوف كيف حفن كرعي
وانــا اتبشتنـتـا يــا خــلاي فــوق درب الفـريـع الـنـي
بقت لى مع العيون قصة مخلفة فوق جروحـى الكـي
خيـالـن مــادوام نـافـر يحـلـق فــى خـلاهــو الـصــي
ولا قـــادر افـيــق وارجـــع ولا قـــادر ادارى الـبــي
واشوف غيمك انا العطشان واقول هسع يجيني الري
وفكر فى امور الحب وادور فـي ساقيـة غيـر معنـي
يــا حليـلـى انــا حلـيـل ايــام سعـادتـي مـعـاك وكــت
كـــان الـزمــن بـســام يـشــاور لـــى دوام ضــحــاك
يضمنا كان هدوء الليل هو لا حس همسة لا كـوراك
لقـيـت يــا قـلـب زولــك بـعــد وجـعــك لقـيـتـو دواك
اتاريهـو الزمـن دولاب قسـي ورجعـنـي الــف سـنـه
طـريـتــا انــــا طــريــت الـسـمـحــة بــيـــن اهـلــهــا
وكـت تنـزل وكـت تطلـع مـع الحـوب يجتمـع شمِلهـا
تــمــد ايـديـهــا للـمـنـقـة تــداعــب لـلـجـريـد قـبـلـهــا
وماهمـاهـا زولا فــات يقـاسـي الغـربـة مــن اجـلـهـا
ماخلانـي ابتليـت بـي ريدهـا افتـل فـى حـبـال رمـلـه
كمان خايف الجنون يحصل تفوت عقليتـي بـى قبلهـا
بوريكم مآسـي غرامـي عشتهـا وعمـرى كـان تمنهـا

أبوعبيدة كاليق
21st July 2009, 08:23 AM
تـانـي مــا بنـدسـه الخـبـر نـحـن قــدام واقــع مـريــر
فى البنات زي السـوس نقـر يـا خـى دنيـا اخـر زمـن
عـوانـس فــى المجتـمـع ديـــل بـقــن للـبـنـوت عـبــر
قبلهن كم الات سمـاح ضاعـن واخيـر ياخـدن الحـذر
الزواج صح قسمه ونصيب حكمـة ممـا خلقـوا البشـر
بيهو كم عاشقين ضاقوا مر مؤمنين بيهو قضاء وقدر
اوعــه مــا تخـدعـك الـوجـوه المنـديـة مـتـل الـزهــر
تبدو مبتسمه فى الصباح وفى الدواخل عـدوان وشـر
السمـاح ماهـو سمـاح عيـون واقعـه متمتعـه بالـحـور
ماهو عود نادى ومستقيم نامي فوق عز وفـوق بطـر
مــا تـقــول سـمـحـات الـشـفـاه المـنـديـه زى الـزهــر
مــا بتـأكـدوا لـيـك الكـتـوف الـمــردم فـــوق الـشـعـر
مــا تـقـول سمـحـات الشـفـاه الكـلامـن يـهــز الـوتــر
مــا بتـأكـدوا لـيـك الكـتـوف الـمــردم فـــوق الـشـعـر
السمـاح فـى العفـة والديـن القنـاعـه وغــض البـصـر
دي القناعـه وكنـز الزمـان واحتـمـال نكـبـات الـدهـر
البـنـات تابـعـات الـهـوي مغـرمـات باللـيـل والـسـهـر
الغرام بقى بس بي الجيوب والبيـوت والطيـن والمتـر
الواحـدة تتعلـق بالـدروس والمـراوغـة مـنـذ الصـغـر
تنتظر لن تقضي الدروس وتسهى لمن يفوتهـا القطـر
حـتـي كــان قلـتـا الامـهـات الـعـرس سـونــو مـتـجـر
اصبحـن للدنيـا العبـوس وللقـروش سعـرانـات سـعـر
يــا حلـيـل زمــن الابـهـات كـانـوا غسالـيـن للـصـقـر
الزمام صار عند الحريم صار عديل البيع فـى المهـر
فـات زمـان الحـن والحنيـن الفضيـلـة وعـاهـا انـدثـر
لا تهـم يـا اخـوي إن سمـع قالـوا قــام شــوك للعـشـر

أبوعبيدة كاليق
21st July 2009, 08:24 AM
البـنـوك فــى كــل شــراع شغـالـة بــى فـعـل الـمـضـارع
ومــا بتسـاعـد للـمـزارع الـدقـون فــى الـسـوق تـصــارع
لا ضمـيـر لا حـتـى وازع شـعـب يبـحـث عــن كـــوارع
رومــــــــــــه مـــــــــــــن خــــرفــــانـــــو طــــــالـــــــع
كـلــوا زول شـايـلـوا سـبـحـه الـدقــن دايـرالـهـا مـسـحــة
الــكــرش دايـرالـهــا زحــــه لـعـبـايـة الـفـوقــه طــرحــه
الـبـلـد ماسـكـاهـا قــرحــه لا فــــى صــحــة لا مـصـحــه
عـاســوا للـقـانـون عـواســه الـبـتـر مـــن غـيــر دراســـه
بعـض ناسـا قطـعـوا ايــدا وبـعـض نـاسـا قطـعـوا راســه
بـعـض نـاسـا فـــى الـحـراسـه الـدقـيـق والـزيــت اغـاثــه
الـغـنــى يــدوهــو اردب والـفـقـيـر مــــا يـلـقــى طــاســه
انتو تجروا وبي وراكم نحن نجرى وللوراكم ما بتفكـروا
تلقـى نـاس قاعديـن يذكـروا بعـد شويـه يقومـوا يسـكـروا
انتـو جـاريـن بــى لسـاتـك ونـحـن جـاريـن بــى حـداشـر
انتـى فـى الطابـق الحداشـر ونحـن فـى الحـارة الحـداشـر
انـتـو توصـلـوا مــن تـلاتـه ونـحـن نـقـعـد لـــى حـداشــر
الـفــرق بينـاتـنـا شـاســع انـتــو ماسـكـيـن يـاتــو شـــارع
انــتــو حـارسـاكــم مــدافــع ونــحــن بـالـيــل أى شــافــع
يـقــوم يـكــورك يـمــه يـابــا ويـمــه شالـتـنـى الـعـصـابـه
وبــــــــــــــــرضــــــــــــــــو تــــــــــــــــجـــــــــــــــــرو
كـــل نـائــب عـنــدو دائـــرة واى واحـــد عـنــدو دايـــره
الحقيـقـة الدنـيـا دايــره وفــى الـجـنـوب الـحــرب دايـــره
محمد احمد مرتو دايره وبتو دايره والقيم فى وطنى دايره
وبــــــــــــــــرضــــــــــــــــو تــــــــــــــــجـــــــــــــــــرو
القاعـة بـاردة وبالمكيـف ونـاس وراء الباصـات تصـيـف
شــــــعــــــب فــــــاضــــــل لــــيــــهـــــو يــــخــــتـــــف
اليـشـوف كبريـتـه يـرجـف واليـشـوف صـابـونـه يـهـتـف
مــا ده شـعـب الإنتفـاضـه شـوتـوا بــي فــوق الـعـراضـة
ومــا اظــن الشبـكـه شـافـه ومــا اظـــن قـــاس المـسـافـة
وشــــــاتـــــــه بـــــــــــــي فـــــــــــــوق الـــكـــشـــافــــه
كــل نـائـب ادو قطـعـة وقطـعـة ناصـيـة ودرجــة اولـــى
وكـــل كـيــال لـيـهـو فــولــة الـحـكـومـة الـتـمــه حــولــه
تـزغـردولا تفرتكـوهـا تشـبـلـوا لـــى لـلـطـرف البـنـاتـف
والـبـقــيــة تـرجـعــوهــا والــبــلــد مــلــعـــون ابـــوهــــا
الرايه فوق القصـر شامخـه الرايـة برضـو كمـان جريـده
البنـوك مسـكـوا اقتصـادنـا ونـحـن جيبـنـا عـلـى الحـديـده
الـنـمــر مــركــوب ويــرقــش سـبـحــة لالــوبــا غـلـيــده
الــدقــن بـالـحـنـه تـلـمــع راكــبــه مـرســيــدس جــديـــده
وناس تكابـس فـى العصيـدة وانتـو تضربـوا فـى الكويتـى
حمداحمـد ونـاس بخيتـى ياكلـوا عيـش ماسـكـه الهريـتـى
ويــا عصـيـدة فيتـريـت انـتـو تاكـلـوا شـيــه وكـبــده نـيــه
ونـحــن راجــيــن الـضـحـيـه يــــا لـقـيـنـا ويــــا عـدمـنــا
ومـافــى صــابــون لـهـدمـنـا انــتــو ســكــان الـصـرايــه
قـولــوا لـيـنـا شـنــو الحـكـايـه جـبـتـا وريــقــه ودوايــــي
وجـــــيــــــب لــــــــــــى قــــرطــــاســــة مــــحــــايــــي
انــا اصـلـى محـتـاج للكتـابـى ويـــا حلـيـلـك يـــا تـرابــي
واخـرابــك وا خـرابــي ونـــاس تـكـابـد فــــى الــروابــي
وتــــلــــقــــى شــــــافــــــع لادغـــــــــــــو دابـــــــــــــي
ونـاس وراء الباصـات تشابـى مــن الكلاكـلـة وللصبـابـى
ونـاس يـوردوا فـى الكبابـى ونـاس يحنسـوا فـى الترابـي

أبوعبيدة كاليق
21st July 2009, 08:25 AM
باكر بجيك قاطع مسافات العشم
شايل معاي هوى العيون
آمالي في أجمل نغم
باكر بجيك قاطع مسافات العشم

بجيك من سكـــة القلب العشق ذاتك سنين
بجيك من صفحة الماضي الكان قاسي وضنين
خايف يكون زيف المدن غير أصالتك والحنين
جايك من ليل العـذاب ارجيني بالصبح المبين

فُتيني للليل الطــويل يرميني في حضن الآلم
سبتيني بين شبح الظنون وأحزان بتنبع من وهم
ارجيني فوق أرض الصبر جايك من زمناً سجم
لا فيهو للأفــراح طريق ولا فيهو للأيام طعم

باكر بجيك بي لعنة الريد المـــــلك قلبي الجريح
بي حال بيغني عن السؤال ما بوصفو الخاطر الفصيح
خايف يقصر بي العمــــر تحملني من الدنيا ريح
لو كان مُقدر إني اروح سوي لي في روحك ضريح


سافرتي مـــا خليتي خيط ابراه للمرسى الجديد
سافرتي مـــا خليتي لي غير ذكرة الزمن البعيد
علمتي روحي الإنشراح علمتي قلبي يحــب شديد
فجاءة اختفيتي من الدروب وأخفيتي كل زمني السعيد


لكني لي أحســـاس يسوق خطواتي لأجمل عيون
باكر بتلقي خطاي معــاك تتمشى ما بين الغصون
ما تقولي لي وصلت كيف مــن دل قلبك يا حنون
أنا قلبي أصبح ليك مكان يا الناسية إني انا ليك كون

باكر بنكشف الضباب القـــاك في فرح الشباب
تقشي في دمع الفـــراق وتزيلي في أثر العذاب
بكرة المسافـات تجتمع وتلم قلوب يوم عيدها آب
ويعود شباب الفي هواك يا حلوة بي أحزانو شاب

أبوعبيدة كاليق
21st July 2009, 08:25 AM
الأمل الرحل
محمد النصري

يا فرحة في بحر السراب
يا كلمة في أول جواب
يا واحة في ليل الصعاب
يا خيط شعاع وسط الضباب
يا نجم من دنيانا غاب
يا أغلي ما تحت التراب
في الخلف قضبان العذاب
ليك برسل الآهات خطاب
@@@@@@@@@@@@@
يا يمه يا الأمل الرحل
قبال يقول كلمة وداع
يا يمه يا النور خفت آهـ
قبال يرسل خيط شعاع
يا يمه يا دمعة فطيم
خلوه لى ليل الضياع
يا يمه يا مركب نجاة
غرقت قبل تفرد شراع
يا يمه يا نجمات صباح
مرن سراع .... مرن سراع
@@@@@@@@@@@@@
يا يمه من بعدك أنا
اصبحت للآهات وطن
دروشت في خلوة اساك
سبحته بى خرز المحن
فتحت صبري للرياح
أديته للأحزان بكن
دقيت باب الذكريات
كان القى لى هناك سكن
لا لقيته صورتك في الخيل
لا شفته من بعدك زمن
ودرت لى درب الرجوع
كل المعاني الاختفن
@@@@@@@@@@@@@
فتشت في كل البلاد
كان القى لى طيبتك مثيل
دورت في كل البقاع
شايل عذاب ليلا طويل
زادي الوحيد كان الصبر
والظلمة والزمن العليل
زمنا يشيل حق الضعيف
يديه لى عابر سبيل
زمنا يغير كل شئ
حتى الزمان كان مستحيل
@@@@@@@@@@@@@
يا يمه كيف يتبل شوق
والشوق على كل يوم يزيد
لا انتى بنتي ولا هو راح
لا غيرو الزمن المديد
يا يمه بعدك لا فرح طلانا
لا ضمانا عيد
غير خيط أمل يبدأ ويروح
طول ما العذاب يرجع يعيد
كل ما أقول يا داك فرح
القاهو منى بعيد
@@@@@@@@@@@@@
لكني راجع ليك أنا
بالرغم من كل المحال
جاييك عشان اعرف خطاى
من وين تستف للرحال
جاييك لو كان مستحيل
جاييك لو كان بالخيال
ناجيني لو كان في الحلم
الدنيا من بعدك زوال
عنواني خلف اللاوجود
يا أمي يا ابعد منال

أبوعبيدة كاليق
21st July 2009, 08:26 AM
عــاد مـانـي شـبـه عريـسـك أنــا حفـيـد تـربـال وغـبـش
مــــــــشــــــــقــــــــقـــــــــات إيـــــــــــــــــــــــــــــــــده
ومانـي شبـه عريسـك أنـا وانـا الـلـى بـكـره مــا عـنـدي
حــــرم والــكــرم والــجــود والـطــوريــه والــواســـوق
يــــــاهـــــــا ورثــــــتـــــــي مـــــــــــــن جــــــــــــــدي
وشباكـاً يجيبلـي هـواك اتحـداك مـن تـالاى عديـل سـدى
وعريـسـك دايــره لـعـبـه مـحــل مـــاك دايـــره بـتــودي
وإن ملـيـتـى مـنــو كــمــان مـمـكــن لأى زول تــهــدي
وإن حبـيـتـي واحـــد تـانــي طـلـقـي أوعــــه مــاتــردي
وهـو كـان عنـدو ليـك سـؤال يـمـد إيــدو ويـقـول فـنـدي
وإن كــان مـنــو فـلـتـت كـلـمـة لآ جـــد جـــدو تـنـسـدي
وعــريــســك يــشــبــه الــقــمــره يــشــاركــك ديـــمـــه
فــــــى الـتـولــيــت والأريــــــاح وفـــــــي الــخــمـــري
وكمان عند حفـرة الدخـان يقولـك يـا أختـى زحـى كـدي
عــاد ملـقـطـه كـلــك اسـبـيـرات مـثــل فـضـيـة الـعــدي
ضفـورك مـن صنـع باريـس رمــوش عينـيـك هولـنـدي
مسـاحـيـق وبـــدرة مـصـريـة بـــي صـابـونــة بـتـهــدي
كــدي اقلـعـي البـاروكـه كــان مـــا تشـبـهـى الـقــوردي
ولا تـــعـــالـــى بــفــســتـــان قـــصـــيــــر رجـــــلـــــى
كــــــــان مـــــــــا أحــــلـــــف عـــلـــيـــك ســــعـــــدي
أنـا كـان وديتـك تـردي هنـاك بتشيـلـي الصفـيـح تــردي
وإن كــان مــا لقيـتـي البـاسـطـة مـــن الـدومــه بـتـكـدي
وإن قـت ليـك مراحنـه جعـان تعرفـى تمعطـي السعـدي
وحـات اسـم الله مـن نـص حـوض إلا تمسكـك الــوردي
إذا قايلى السماح فى الشارلي أنا زولى سماحتو بالفردي
وكان قايلـى انتـى جميلـة زولـى انـا فـى الجمـال هنـدي
وكـان قايلـي زيـك مافـى عايـنـى وفــى النـجـوم عـنـدي
وكـان قايـلـي انـتـى بــراك اخجـلـي ومــا تقـولـي كــدي
أمـانـة الدنـيـى مــا مليـانـه بالـحـور حــواء كــم والـــدي
واحـدات فـي لبـاس السـن ووحـدات فـى عـرش شـنـدي
عـاد عليكـم الله يـا اخــوان ماتشـوفـوا المطرطـشـي دي
اقولهـا لا تـسـوى كــدي واخيـرلـك كــان تـسـوى كــدي
تـقـولـى (نـــو) آسـفــه (ســـورى) ذوقـــك ذوق بــلــدي
قـــبــــال مـــنــــى مــاتـــعـــدي عــــنــــدي وصــــيــــة
لــيـــك بـقـولـهــا اخــيـــر تـاخـديـهــا مــــــن عـــنـــدي
شـان عـرس البلـد عنـدي شـان عــرس الـمـدن شـحـدي
أنــا أهـــرب مـــن الـبـنـدر وأروح لـــى بـنــات بـلــدي

أبوعبيدة كاليق
23rd July 2009, 08:02 AM
الشاعر /ابراهيم ابنعوف
نومى اصحى على غرورك معاك لازال التحدى
واى طريق يوصل لى قليبك منى ســـــــــدى
ده لو كان تلقيهو صبرا يماتل صبرى وتمدى
صبرى عليك انى صابر تشققى قليبى وتلحى
هيا ابعدى كل العواطف واشاورك من وين ضرورى
لاتزيدى مواجعك على لا ترجعى فرحى وسرورى
فى الحالتين راضى عنك تنصفى او كان تجورى
وسمح حكمك زى سماحتك وبرضو قسيمة الله سمحى
اوعى تغرك سماحتك سماحه الغنا يانى سيدها
سماح يبلى مع الليالى يبقى سماح القصيدة
اخلخل بيها المشاعر واتوها ازمان عديده
وفكرتها انتى وبيانها وكدى اقدرى من خاطرى زحى
او انفذى كل ما اسطتعتى مداركى ابعد من سماكى
وجوبى اراضيكى تلقى جنونى تهاجر وراكى
اسلكى كل العوالم خيالى بيدرك مداكى
انا الكون المحتويك يا قصيده فى الجوف توحى
احبك احبك ويسعدنى حبك وقت يبقى حلوهو مرو
احبك غلبا يقطع والملمو فى الجوف واصرو
انا المجنون البيعشق مرامى الريد التضرو
قبلان بى ضررى راضى منو القال ليك ضحى
شيشك شيشك بى بشيشك اصحى صحاك ونومك بيشفق
وجيبى جفاك وازرعيهو قصاد الحن المدفق
كفاية اشوف فى عيونك تغنى الدنيا وتصفق
بعد داك نومى اطمينى ولومك فى خاطرى ممحى

أبوعبيدة كاليق
23rd July 2009, 08:04 AM
الشاعر/ابراهيم ابنعوف
عشا البايتات قفاك اعوج تعال راجع تعال
وراك مرق الصبر سوس واكيد كل الرصاص واقع تعال راجع
بخاف لك من قفاك يضيع وراك زي ما هناك ضايع
مشتت لا فهم لا راي شبعان والوراك جايع تعال راجع
سحابا شتتو الاعصار مسافر في سماك صابع
تتاجر في العمر وايامو خسران شاري او بايع تعال راجع
زمان كنت القعر والراس نازل في البلد طالع
واسع حليلك حليلك يا البقيت تابع تعال راجع
.................................................. .
كيف الزول يقاسي الغربه .. ما بين نوح انين وشقا
يلقي رويحتو ودر عمرو لا ارتاح لا مراضو لقا
كم من فينا شال احلامو شالع بالامل برقا
قام قاصد الريال وبهاه سوا الحج قتا ودرقا
باع الفي المراح والمسري حتي الفي الايدين مرقا
خجلان قال تقيلتي وراي يحفظا ربنا الخلقا
كم من فينا همل دارو اسرتو للضياع طلقا
غرقت في الديون خلاها مكشوف للخلوق ورقا
فينا الام ولادو وراه باعت سلسلا وحلقا
شالت فوق هموما الفوقا شوقا وحرقتا وقلقا
الله من مرارة الغربه من دفيرا من صبقا
من تعب شبابنا الزاهي اياموالنضار محقا
فيها جراحنا كل ما تبري ما نعرف شنو الفتقا
اما الروح من الشايلاهو تمرق لو في زول نتقا
غايتو انا من بلاد الغربه روحي الله خلاص عتقا
راجع لبلادا ديمه حامدي وراضي بي رزقا
للجد الوريفه الرحمه للعرجونه للابقا
للوسط الاهل تلقاها لو كان حتي بي مرقا
مشتاق لتراب اوطاني لاحساسا لصدقا
للبهم التصيح في مراحا للنيل التسابو بقا
لقوز الرمال والشله لقعدتنا في حلقا
لختفة تعوس الوالدي قبال ما تصل طبقا
اعرض في البلد بي بطولا دي الماليني تبع وشقا
لاخوف هيبه من الكشه لاقي النوم من الشفقا
انعم فيها بالحريه دي المن غيرا مافي لقا
والمو شاد رحالو وراي مويتو علي السراب دلقا
نسلم فيك ياسودانا من مسك الارض عزقا
شتت في التراب دم قلبو بي حن الابوه سقا
يسلم فيك من ضارك شالك في العيون حدقا
دنقر لتقيلتك شالا عندو امانا ما سرقا
لو باقي لي يوم في الدنيا ومنو وتزبل الصفقا
مابندم بعد القاك وانزر روحي ليك صدقا
اخر امنياتي بقولا لو بيناتنا مافي لقا
اسمك خشمي لو كان متا يبقي اخر حروف نطقا

أبوعبيدة كاليق
24th July 2009, 04:17 PM
يا حبيبي أنا إفتقدتك لما فاض الشوق عليّا
وإنت عارف روحي غيرك لا بتموت لا بتبقى حيه

يا حليلي أنا كنت قايلك زي زمان مهتمي ليّا
في الحُزن تحزن معايا ويوم أغيب تسأل عليّا
بإختصار أنا كنت دايرك تبقى أقرب مني ليّا
وإنت تاريك بي مشاعرك مُستقر فوق الثريا

دا الصباح الفي عيونك باعني لي بحر الأسية
وسابني بين شطآنو هايم وجاري لا عند العشية
لاني قادر أقول كفاية ولاني راضي أكون ضحية
والمصيبة أنا كان بكيت ولا جنيت هيًّ هيَّ

كل مصيبتي هويت عيونك في زمن ظالم شوية
يكره الحب والتصافي ويعشق الجفا والرزية
الطيور وكتين تغني الزهور تصبح ندية
إلا عاد كيفن تغني وعينا في عين الحِّدية


إفتقدتك وإنت عارف زيي يعشق بالسجية
ومستعد ما عندو مانع يهدي ليك الروح هدية
لا بيهادن لا بيساوم لا بيبيع أبداً قضية
ولو تمور الدنيا فوقو يرتكب مليون جنية


إفتقدتك يا مُنايا ويا سعد روحي الشقية
لما فاضت بي هِمومي والأمور لاجت عليّا
إفتقدتك يا صباحي والضلام ضامِّي العشية
وإفتقدتك ألف مرة لما شِمتو اصحابي فيّا

شُفت كيف أنا إفتقدتك لحظة الأم العتية
وإنت ماك جايب خِبيري وماك مفكر تبقى جية
حتى يوم لاقيت صِحابك منك إتوقع(ت) تحية
إلا وآخيبة رجايا ويا حلال الحسرة بيّا

ويا حبيبي أنا إفتقدتك

أنور علي عثمان
24th July 2009, 07:21 PM
دا الصباح الفي عيونك باعني لي بحر الأسية
وسابني بين شطآنو هايم وجاري لا عند العشية
لاني قادر أقول كفاية ولاني راضي أكون ضحية
والمصيبة أنا كان بكيت ولا جنيت هيًّ هيَّ


الله يديك العافيه اخي هاني كتر كتر
يا ريت لو عندك من استاذنا المرحوم عبداله محمد خير


:bravo::bravo::bravo:

أبوعبيدة كاليق
24th July 2009, 07:26 PM
جدا يا سيدي انور كل ما تطلبه يلبى من غير تردد يا سيدي من عيوني وتسلم على المرور الطيب

أبوعبيدة كاليق
24th July 2009, 07:29 PM
الشاعر/عبدالله محمد خير

بتتــألم عشــــــــــــان قلنــــــــــــا الجمــــــــــال هـُــولك ؟
وتتضــايق عشــــــــــان الناس يغنـــــــــــــــولك .. ؟
كيفــن ؟؟؟ مــاك أمير الكـُـــل ..
وليشـــن مــــــــــــا يغنــــــــــــولك ....!
عليـــك اللـــه ..فى عـــرضـــك .. وفـــى طـــــــولك
تجـــــــــــالسنــــــــــــــا ..... و تحــادثنـــــــــــــــــا
وآضيعــــــــــــة شبــــــــــاب المـــا سِمـــع قـــولك
مطـــول يـــا قليب تــــزرع ...........
ومــــا وريتنــــــــــــــا محصـــــــــولك ..
ولا قت لــى خلاص أقنـــــــع
والله إنت نقلت مشتولك .....!
تعــــــذبنـــــــــــا .......... عذبنـــــا كان تعذيبنــــا يحلولك ...
كيف تقـــدر تغيب ..من عيِنىّ لا حـــولك
وما تفكــــــــــر تعيد الروح لمقتولك ؟
ولا تغازل .. ولا تجامـــــــــــــــل .. ولا تسلم على زولك
يكون عيدى ... ويكون يوم كرنفال ريدى ...
يوم نتلاقــى أنـــــــــا وسيدى ..
وأسالم ايدو بى إيدى .........
يكلمنى ...يــألمنى ........
يقول لى كنت ظالمنى ...
ونتســــــــــــامح ...... ويسالمنــى .....

أبوعبيدة كاليق
29th July 2009, 04:56 PM
الشاعر / عبدالله محمد خير

تعال كلــمنى عـــن رؤيـــاك ومـــا فيهـــا
صحيح بالله شفت النـــار وشفتنى ياجميل فيهــا
قول لى كان شعورك كيف وهــل حاولت تطفيهـا
والله كمان رضيت بالحال وقلت اسيبو فى الفيهــا
دى ما احلام ؟؟؟ دى حاجة خفيه ما اظنك تعرفيها
وحاتك ظاهرة فى عينيك لو حـــاولت تخفيهــا
ليه ما تشوفى روضــة غنية بالازهار تطوفيهــا
وتلقى كمان طيور الريد تناديــــك وتشوفيهــا
بقيت محتار شفاهك تروى حكاية القى عينيك تنفيها
وارجع اناجى نفسى براى يبقى عهوده توفيهــا
وتشوف آيه وتنال غاية وتقول احلى الشعر فيها
وتسال الله من شر خلقو والحســـاد يكافيهــا
وتــنوم مســرورة مـــن هلــواسا يشفيــها
وتشوف الجنا فى احلاما والاحباب تصافيهــا
وعيونا تقول حكاوى الريد تصالحنا ونعافيهــا
ونعيش ف دنيانا فرحتا وابتهاجا وكل ترفيهــا
حليلى انا البنات افكارى ضاعت بيــن قوافيها
وتاهت فى بحور الريد بتسال ميــن مرافيهــا
وين مرسالا كان يا حـليلو بالاخبار يوافيهـــا
بعد عاش السعادة معاها كيف يقبل يجافيهـــا

أبوعبيدة كاليق
2nd August 2009, 11:05 AM
الشاعر/ عبدالله محمد خير

أنت ما علمتا قلبى الريد وقبلك ما عرفتوا
أنت ما صورتا لى الكون مدائن روعة شفتوا
وإنتى اوحيت لى بديع شعرى الكتبتو
وانت راسم لى قليبى طريقوا سيرتو حكمتوا
انتى سبب شموخو سبب عظمتو
انتى كم أرويتو من أنهر حنانك ما حرمتو
كم وكم صرحتا بالشوق البجيبك وما كتمتوا
انت عشتا معاهو احزانو وعذابو رضيت قسمتوا
ما قسيت أبداً عليهو ما حصل فى يوم ظلمتوا
كان سعادتك ليهو غاية وانتظر راجى النهاية
ما عرف آيه الحكاية فى النهاية
يا منايا إنك أصبح ماقسمتو
انت كيف ريدك بديتو ليه بدون اسباب ختمتوا
سبتو للأحزان براهو زى يتيم فارق ضراهو
هو لسه متمحن تراهو فى اللقاهو من شقاهو من أذاهو
غيركم انتو ايوه انتوه انتو مهما يطول عذابكم
الله مابتقيف رحمتو ماترى الفى سرى قلتو
وأى شك من قلبى شلتو
كان ابيتو وكان قبلتو كان رضيتو كان زعلتوا
أنا ما قنعتا انا كان قنعتوا وما جنيت شئ من الزرعتوا
والسبب لو ما عرفتوا ديلا انتو
مر عذابك كم شربتو والمثل للناس ضربتو
قلبى بالأحزان حرقتو بشجى الألحان طربتو
فى قرار الجوف سكنتو والفؤاد بالشوق مكنتو

سفيان عبد الرحيم
4th August 2009, 03:26 PM
نعم قدم الشايقية اجمل واروع القصائد ولكن في الاونة الاخيرة اصبحو يتداولون الشعر كما التجارة

وبالتالي ركاكة الكلمة

نمني ان لا ينساقو وراء العولمة وان يبقو علي الشعر المجود

سفيان عبد الرحيم
4th August 2009, 03:27 PM
بحر المودة

شوفى الزمن يايمه ساقنى بعيد خلاص
جرعنى كاس ودرنى واتبهدلت واتعذبت ورنى الخلاص

يايمة يافيض الحنان الماكمل
يايمة يابدرى السبع دايما يهل

يايمة يانور الصباح وقتين يطل
يايمة يابحر الموده وقتين يفيض
يايمة ياشعلة امل زادت وميض

يايمة يانغما حنين بالشوق يرن
اتذكرك يايمة فى الدغش النسايمو يهبهبن
قايمه الصباح متكفكفى شايلى الحليله على المراح
فى الساعة ديك يادوبو ديكنا بدا الصياح
والطير صغاره يغردن
جبتى اللبن بانشراح
كبتيه قلتى اكلوه خير
اتذكرك يايمه فى ساعة الهجير
اتذكرك يابسمة الطفل الغرير
وقت الخلق ترقد تنوم
اسهر براى ع النجوم
والشوق يرن مجيهو فوق لى يحوم
اهتف باسمك فى الخيال
طيفك كمان فوقى جال
اتمنى لو لحظات يدوم
لكن فجاءة القاهو زال

اتذكرك يايمة ساعة الناس يجونا من البلد
ناعم ترابها على جسيماتن رقد
ديمة التمر فوق الهدوم لون الخدار لبد
والشوق عوارف
واتذكرك يايمة والناس قالو قايمين البلد
رصوا الهديمات عدلوا
ركبو اللوارى وقبلو ا
خلونى وحدى بلا انيس كيف انفرادى اتحملوا
شالو السلام من عندى ليك وانشاء الله عندك يوصلوا
يايمة ساعة يوصلوا ويقولوا ليك
وليدك شفناهوا فى بلد الامان
انا حالى يسعدبوا الزمان

يايمة رسلى لى عفوكى ينجينى من جور الزمان


ما اجمل ما قراءت من الشعر في الاونة الاخيرة

أبوعبيدة كاليق
5th August 2009, 08:13 AM
ما اجمل ما قراءت من الشعر في الاونة الاخيرة

تسلم sefian وشاكرا لك مرورك الطيب

لك كل الود والاحترام

أبوعبيدة كاليق
8th August 2009, 08:02 AM
الشاعر عبدالله محمد خير

مهما السنين سرقتني أيام الشباب نا بعشقك
مهما رؤاي غتاها من تالاك ضباب أنا بعشقك
مهما يقولو الناس علي جن ومصاب أنا بعشقك
من غير حساب .
***
وليك من غير ما تقول لي سلام بقول أهلا حباب
وأفضل أستناك قدر زمني الرجيتك فيهو
لو قدري أستجاب
كلو عمري نذرتو لي قمري المطول مني غاب
وإنت مهما طال زمانك ..ليك آخر يا عذاب
***
بعشقك وما شفت أنسان أدمن الريد ومنو تاب ..
بعشقك وما شفت مجنون ...غير فقيرو يمسو طاب ..
ألا خايف عمري يكمل ولسه في صبري العقاب
وكت بمد أيامي لولا أن ..لكل أجل كتاب .

أبوعبيدة كاليق
8th August 2009, 08:05 AM
الشاعر عبدالله محمد خير

خلهن سوا لا تفرقن
يالله توماتى انا بعشقن
دوره دوره أنا بنتاوقن
لحظة مابقدر أفارقن
ليه عيونى الشوق حارقن
والدموع دايرى تغرقن
والدن قال ما يمرقن
خايف النظرات تلحقن
وخايف العين ما تعوقن
كان زمان لى شتلو يسقن
ومره فى اللوبى يورقن
ديمه بالقعده ينقنقن
ويحلفن لو ابي ما يصدقن
هن وين تانى بيتلقن
وليه يحفظن الخالقن
يا عيونى انا لا تزهجن
ولى مشاعرى انا لا تزعجن
لى خيوط السعد انسجن
يمكن التومات يخرجن
خطوه ... خطوه ... بيندرجن
وفى عذابكن بيتفرجن
انا ما بخاف الموت والسجن
والله جسمى الصبى يتعجن
هن مالن ابن ما يجن
ويا الله مالى انا ماشى اجن
ما بصح يا الحاج اب شنب
ولسه ديل ما بقو للادب
فى المعاملة ما تكون صعب
انت ما تقسى على العنب
وما تعكر موية الدهب
شمعتين اوعه من اللهب
ونحن يا الزينيين لينا رب
متلى كم زول مات بالشجن
وقبلى ود الزومه انسجن
من ضفاير بتموجن
من خدودا بتوهجن
من تويمات اتخرجن
من عيون اترابن نجن
فوق عروش الحيا توجن
لى مريضن ما عالجن
قلبى نيرانو اتاججن
وكل اعصابو اتبنجن
مالى قبلاتى اتعوجن
امشى وين يا نور الدجن
***
ما كفاى يا التومات اذى
وما كفاى انا لعب الخذى
هو طيف ! ويلاوز لى ملاوزه
ما التويمات انا حاجزه
وحاجه غيرن ما عايزه
يا الجمالكن بقى معجزه
السن النقاد عاجزه
انت جيب اوصاف موجزه
يا قليبى انا حبزه
تبقى حالتنا مجهزه
ولحظه تأخير ما جائزه
***
ليه يضايقونا الناس كده
والغرام .. سنه .... مؤكده
أنا قلبي من اول ما بدا
بى غرام التومات شدا
والعيون مويته جامده
البعاد الطال سهده
البكى المكتوم شاهده
ليها سته شهور شارده
من زمان فارقت الندى
ما بتشوف ناس هاديه
لا زيارات .... لا معايده
لا صدف عن ساعه الغدا
انا قلت بالصبر ازوده
على البعاد يمكن اعوده
تانى ترجع متمرده
تعيد اشواقه تجدده
روحى دركت...منو ينجده؟
بلا التويمات الرايده

أبوعبيدة كاليق
9th August 2009, 08:04 AM
الشاعر /حاتم حسن الدابي

بسم الوطن الدابو صحح للمسار
وبسم الوطن الدابو اتمطق حلاوة الانتصار وبدأ العمار
يكفي الدمار بيروت وبغداد وقندهار وزي ديل كتار
دي وصية للساسة الكبار النختلف يمنه ويسار
بس بالهداوه وبالحوار لا مدت ايد لا ضرب نار
ممكن نصل حد الكجار بس مانكون في يوم صغار
جايينا هم اكبر من الكرسي الرحيب
وقدامنا غم يتساوي فيهو عدو وحبيب
الفرصة جات النتفق أنا وابن عمي علي الغريب
بعدين كدي النجي نختلف بعد الجراحات ماتطيب
بعد الدخيل الجاي ظنو كمان يخيب
يلقانا قشطة علي عسل يلقانا كباية حليب
يلقانا فنجان جبنه فوق هباب في ضل الدليب
يلقانا دخان الرصاص حولناه نسمه وهمبريب
ويلقانا سودانية صح لا فينا جساس لا كليب
ايدينا في ايدين بعض يلقانا فوق فد عنقريب
نتناجا في الوحده السلام نتناجا في العشم القريب
بعدين كدي النجي نختلف بعد الجراحات ماتطيب
يامسلمين الراس منكس لا متين
دارفور منارة الصالحين نرميها في حضن الهجين
وحنمشي وين
اقسمة بالله العظيم وأقسم يمين
لو شارون لقينا يصلي في جامع الضعين
ماتطولنا قوات الهجين
أقسمة بالله العظيم وأقسم يمين
لو بوش يأم الجمعة جوة معسكر أبو شوكة الحزين
ماتطولنا قوات الهجين
أقسمة بالله العظيم وأقسم يمين
لو اولبرايت جات منقبه صايمة صوم الزاهدين
ماتطولنا قوات الهجين
أقسمة بالله العظيم وأقسم يمين
لو كان بلير يدينا نبذه عن الرسول واصحابو عن موته وحنين
ماتطولنا قوات الهجين
أقسمة بالله العظيم وأقسم يمين
لو مجلس الامن اجتمع في مكة جوها معمرين
ماتطولنا قوات الهجين
ماتصدقوهم ديل أبالسه ومجرمين
ديل حكمتم فرق تسد ديل مكمن الحقد الدفين
قوات سلام هن السلام جابوهو وين وزرعوهو وين وعرفوهو وين
نحنا السلام بنعرفو بس في دولتين ياطوكيو يا اما بكين

أبوعبيدة كاليق
10th August 2009, 03:07 PM
إتحداكي لو تنسيني أو لي حبي تلقى بديل
إنا الدربَ الخطاي تمشيهو تعجز عن مشيهو الخيل
************
حبك ليا لو تخفيهو يظهر فى وشيكي عديل
تبدا ملامحو فى عينيك يقراها الكفيف بالليل
ما اتولد البسير فوق دربي والبخبر دروبي قليل
والدربَ التطول ايامو بوصل ميسو في فد ليل
*********
مابتنسينى مهما كان لا ظنك تلاقى سبيل
والضاق الزلال فد مرة مابيرويهو حتى النيل
مابحزن عليك والله لو سالت دموعك سيل
جافة عيوني مما قمتَ مابتعرف عناق منديل
************
لو راجانى ارجع ليكى.. مدى حبل رجاكي طويل
أموت والله مليون مرة أفضل من اجيك ذليل
برفض أطرا زول ناسينى مهما كان فراقو تقيل
لمن أريد بريد بالجد أنا.. لمن انسي بنسى عديل
****************
مابحزن على موت ريدنا... بى إيدكي كان إغتيل
والموت فى بعض مرات بيكون افضل من العِلّيل

لو كان الجمال غاريك بى احساسى ببقى جميل
لو معتادة يجرو وراكي مابتلقينى من نوع ديل
**************
حترجعى يوم براك تكتشفى انو هوايا مالو مثيل
حترجعى لي حمايا تكوسى في جنة غرامي ضِليل
والبهديني لحنِ مثالي ابادلو جميع غناهو هديل
والحاول يمازح قلبى بلعب بى قليبو شليل
***************
متأسف على إحساس إتخيلتَ إنو جميل
متأسف على أوهام سمينها عشق جميل
متأسف على أحلام بيني وبينه مليون ميل
متأسف لانى اهديت مشاعر ضوّقتنى الويل
متأسف على شتلات زرعتها في الصحارى قبيل
أتخيلتَ إنها تبقى واحة ريد ثمار ونخيل
ارتاح في ربوعه أنجمّا واخد من ثماره أكيل
لكن ياخساره زراعتي كانت جوّه مجرى السيل

أبوعبيدة كاليق
12th August 2009, 03:08 PM
الشاعر/ ابراهيم ابنعوف

زغردي يمه في البلد البعيدي .. جابو لي وليد والليلة عيدي
***
أنا الراجيهو زمناً مو قريب .. أشوفا طفولتي في وجه الرحيّب
دا ماهو الأبله الدايماً مغيّب .. عشا أماتو قنّاع أم سبيّب
***
ولداً لي أبوه يكون ضراعو .. يا سلام في روقته وأخلاقه وطباعو
يرجّع لي سنيني المني ضاعو .. كلامو اليجبر الزول لاستماعو
***
ماك الصار وشيهو ويوت مكشّر .. ومن المده كفك ما بيقصر
عشيمك تلفا في اليوم المعسر .. وتصبح وتمسي فوق خيرك تبشّر
***
إنت نسل الما بيضيمولن ولايه .. ناس الفاتحي واللوح والدوايه
خلاويهن معمره بالتلايه .. ومريضن يشفوا بي رشة محايه
***
جدودك في الفتيح راقدين سويه .. وأبوك ود موسي هوان البله
أبوك الكنّيابي أسد البنية .. وأماتك غبيشي بتد رويه
***
يجوك من أوسلي قاطعين الفيافي .. يقولوا ولدنا ما دلا وعوافي
فوق راسك يذكروا أسم الله كافي .. وجسيمك يمسحوا ويملوهوا عافي
***
تكبر أنت ياعكاز عمايا .. وراكوبة مقيل ضلي وضرايا
تخلفلك عشرتولاد صبايا .. تعيش المية مية .. ومية جايا

أبوعبيدة كاليق
18th August 2009, 08:20 AM
الشاعر / ابراهيم ابنعوف

تقدر تقول لى تعتذر أيه الحماك ؟
تكتب ترسل لىّ ولاّ جفيت براك ؟
***
وين رسايلك لىّ عاد .. قول لىّ يا أجمل ملاك
ما مرّن إسبوعين تمام انا فى إنتظارك وفى رجاك
ما كان فى داعى عشان أقول ما انت عارف الحال براك
يرضيك أكتم الريد واموت ولا انفضح للناس وراك
***
كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
***
ولا انت خلاص نسيت العشرة لمّا رحل هناك
ونسيت قليب كان ليك رفيق ياحليل خُطا السارِن معاك
ما كان بيتمناك سعيد ما كان بيشقى عشان شقاك
ومن حبه ليك بس ما فضل غير فى التراب يحضن خطاك

***
والله لو تسأل على أنا حالى بعدك حال عِداك
دنيايا ما زارها الصباح والنوم جفانى رحل معاك
وزمانى اقولو كفاى هموم يرجعلى تانى يقولى هاك
ياهو المقدر ياحبيب والدنيا مابتديك رضاك
***
أنا غايتو ناذر حبى ليك لا يحب ولا يعشق بلاك
حتى إنبقيت بالحب ودِر وشارف على درب الهلاك
ما دام سعادتى بشوفا فيك .. ما دام حياتى بقت هواك
فى الدنيا أحبك للممات وفى الآخرة برضى كمان معاك

أبوعبيدة كاليق
18th August 2009, 05:11 PM
الشاعر/ الفاتح ابراهيم بشير

احتـرت كيفـن اوصفـك .. والله يـا قبـلـة غـنـاي
لو كان بحور الكون مـداد بتجـف قبـل مـا تنصفـك

حاولت اكتب ليك واقول واوصف ملامحـك بالشعـر
لكن حروفي تـذوب عديـل قـدام عيونـك تنصهـر
يا عايشة في دمي وغناي يـا ديـدن الـروح والفكـر
خلدت اسمك بي حروف قطرات دماي كانـت حبـر

يا غنوة في وتري الحزين يا ضحكة في الزمن الصعب
يا واحة في عز الهجير يا راحـة مـن بعـد التعـب
يا نسمة هبت في الدغيش عزفت علي وتـر العصـب
يا رحمة من رب العباد مكبوبة فـوق خلـق الله كـب

سافرت في عينيك سنيـن زادي المعـاي ابيـات غنـا
مكتوبة بي دمي الصبـح شـلال مـن الهـم والعنـا
صورت احساسي الدفيـن بـي قافيـة ليـك معنونـة
بتقول بلا كلفة ورتوش يا انتـي يـا المـوت والفنـا

احترت في وصفك انا وحارت معاي كـل الحـروف
مرات بشوفك يا مناي ياقوتـة فـي قلبـي الولـوف
مرات بشوفك ضي امل دبج خطاي رغـم الظـروف
مرات بشوفك جارية نيل امواجو عانقـت الجـروف

أبوعبيدة كاليق
20th August 2009, 03:47 PM
الشاعر/ الفاتح ابراهيم بشير

يا حبيبي انا افتقدتك

انت عارف روحي غيرك لا بتموت لا تبقي حية
يا حبيبي انا افتقدتك لما طال الشوق عليا

يا حليلي انا كنت قايلك من زمان مهتمي بي
في الحزن تحزن معايا ويوم اغيب تسال عليا

باختصار انا كنت دايرك تبقي اقرب مني ليا
انت تاريك بي مشاعرك مستقر فوق الثريا

الصباح الفي عيونك باعني لي مر الاسية
سابني بين شطانو هايم جاري لا عند العشية

انا لاني قادر اقول كفاية لا ني راضي اكون ضحية
المصيبة انا كان بكيت ول جنيت هيه هيه

الليل ... كل مصيبتي هويت عيونك في زمن ظالم شوية
يكره الحب والتفاني ويعشق الجفاء والرزية

الطيور وكتين تغني الزهور تصبح ندية
الا عاد كيفن تغني وعينها فوق عين الحدية

الليل ... افتقدتك وانت عارف زي يقضي الليل سجية
مستعد ما عندو مانع انو يهدي الروح تحية

لا بهادن لا بسامح لا ببيع ابدا قضية
لو تمر الدنيا فوقو ارتكب مليون جنية

افتقدتك يا مناي يا سعد روحي الشقية
لما فاضت بي همومي والامور لاجت عليا
افتقدتك يا نصيري العزول عاصب عيني
افتقدتك يا صباحي الظلام ضامي العشية
افتقدتك الف مرة لما شمتوا اصحابي فيا

شفت كيف انا افتقدتك قدرة الالم العتية
انت ماك جايب خبيري وما بتفكر تبقي جية

حتي يوم لاقيت صحابك منك اتوقع تحية
الا وا خيبة رجايا ويا حلال الحسرة بيا

مهاجر1
20th August 2009, 08:41 PM
الاخ هاني
مجهود يشكر
وشعر الشوايقه سكر
داير مويه وحب شاي
شكرا لك
وانت تبحر بنا في عالم من الدهشه
والقصص المكتوبه شعرا
بطعم الفرح والحزن والحبيبه والنخيل والغربه والوطن
وتقبل مروري

أبوعبيدة كاليق
23rd August 2009, 09:35 AM
الأخ اكرم تلسم يا سيدي ويديك العافية
وشاكرا لك مرورك الطيب
ورمضان كريم وكل سنة وانت بالف خير

ودمت بود

أبوعبيدة كاليق
25th August 2009, 09:41 AM
الشاعر / محمد سفلة

فوّحي زي زمان .. يا وردة
وقولي الجاي نسمة خير ..
لو ما شان سواد عينيكي .. فوحي برضو شان الغير

عارفك يا بهية وزاهي ماك قدرة رياح امشير
او رقة نضارك لحظة يتحمل نداها هجير
فرهدي خلي كل الدنيا ترقص وتنسجم بِشير
والزمن الكريم عينيهو تتكحل رؤاك إكسيرد

ميزك الإله سواكي لوحة فريدة خاتية نظير
وأي جميل يمرو جمالك منك بي بساطة يغير

مالك ومال شقاوة الدنيا .. لو هي الدنيا ليها ضمير
وإنتي المالي كل اركانا .. منك يا شذَية عبير

أنسي الماضي بي أحزانو ما الحياة سنتها التغيير
وأملي باكر الغدارة تفرشلك دريبا حرير

ييدا انا فوق حدود آلامي شايف نفسي بيكي أمير
وبالفرح الغلبني ادسو .. بس فاضللي تاني أطير

المر والعذاب الضقتو .. قبلك في حياتي كتير
وكلو هو ظني كان كفارة تبقالك وقاية تجير

قبلان لو حياتي فداكي لاقيت فيها في أسوا مصير
ومهما اضحي شان عينيكي شاعر برضي بالتقصير

أبوعبيدة كاليق
27th August 2009, 11:42 AM
الشاعر/ الفاتح ابراهيم بشير

يوم الناس قالولك لا لا
واترجوك ماتفوت الدار
ضرب بي كلامن عرض الحائط
وشلت شنيطتك بي اصرار
قلت بسافر يعني بسافر
كل الناس بتقوم وتسافر
فعلا قمت ومشيت رايك
واتصرفت بدون ماتشاور
جيت البندر بي امالك
الا لقيت الوضع مغاير
خاب الامل الجيت عشانو
وقمت تلوم في الزمن الجاير

كنت هناك بالجد متريح
فوق واطتك طالع ونازل
تاكل وتشرب من نخلاتك
وتصرف وتنفق من غير طايل
آخر اليوم لي بيتك ترجع
لا في مدافره لافي مشاكل
لابتقيف في بص شماعه
دمك فاير وعرقك سايل
لانشال ينشل ماهيتك
لاكمساري معالك متثاقل
لابتأشر للملاكي
سوقني معاك ياعم ان واصل
تحرج نفسك انت بتعرف
انو الطيبه انصارا قلائل
انو تعوم عكس التيار
انت براك البدري اخترت
ليه ياقلبي تنوح تتبكى
وتندب حظك ليل ونهار

لمن قمت وجيت البندر
كنت بظن الحال اتصلح
كنت بتحلم بي مستقبل
فيهو ابواب الخير تتفتح
الا لقيت الواقع امرّ
وزينا ناس تعبانه وتكدح
ناسا عايشه معيشة راقيه
بي تلفونا بتخسر وتربح
وناسا عايشه علي الماهيه
من يوم خمسه الجيب اتقمح
وناسا عايشه على خلق الله
يوما شحده ويوما تلفح
غايتو الحاله معادله صعبه
كأنو الناس قاعدين في مسرح

عندي سؤال بالجد حيرني
ونشف ريقي وراهو نشاف
ليل ونهار شاغل تفكيري
لما بقيت انا منو اخاف
حال الزول القالو موظف
وراتبو الشهري شوية الاف
لو عديت مصروفو الشهري
اكيد تلقاهو اضعاف اضعاف

حلو معاي المسأله دي
وساعدوا معاي العم الزين
زول محمول وعندو اطفال
عشان ماياكلو يجيب من وين
يسرق ينهب يشحد
ولا كمان يغرق في الدين
عندو محمد واحمد وساره
وخمسه اطفال فوقم تومين
لازم يقرو وياكلو كويس
لازمن يلبسو لبسا زين
قولو معاي يسوي شنو
عشان مايعيشو يجيب من وين

عم الزين يعلمبو الباري
ديمه عليهو الجوف محروق
كان في الماضي ركازة الحله
وياهو البربط للمطلوق

هسه وين ياحليلو التايه
ودر واصبح جنو كلام
يصرف عربي مبالغ فيهو
وناس الحي سمو النضام
مرات يضحك لمن تشفق
ومرات يبكي بكا الايتام
عندو عباره تملي يقولا
اوعك تحسبا بالارقام
تتعب نفسك في تضريبا
وآخر حاجه تجيك اوهام

بعد الشفتو براك ياقلبي
اخير لك ترجع منك وليك
خلي وظيفة المكتب طايره
لا لا قسم مالايقه عليك
عود من تاني وازرع ارضك
دي مابتخدر الابايديك
عزة نفسك في واطتك
جنب نخلاتك وبين والديك

bacoopera
27th August 2009, 01:13 PM
كلام موزون ومقفي
وحاسة جياشة
تحياتي للشوايقة

zein alhindi
27th August 2009, 03:31 PM
تسلم حبيبنا

أبوعبيدة كاليق
30th August 2009, 10:35 AM
كلام موزون ومقفي
وحاسة جياشة
تحياتي للشوايقة

تسلم يديك العافية ومرورك اسعدني

ودمت بود

أبوعبيدة كاليق
30th August 2009, 10:35 AM
تسلم حبيبنا

الله يسلمك من كل شر يا ملك

ودمت بود

أبوعبيدة كاليق
30th August 2009, 10:36 AM
الشاعر/ الفاتح ابراهيم بشير

يا ريتو لو الشوق زى البريد بيطوف

أنا كنتا يا خلاي سويتو فى مظروف

سطرت بى دمي أجمل وأرق حروف

وعنوتو لى إنسان ملك السمع والشوف

زولاً بريدو شديد كان لى مسافة طوف

فى لجة الأحزان وكتين ملكنى الخوف

بهواهو يا خلاي ودغدغ هواهو الجوف

ما استغلا هواى مع إنى بيهو شغوف

علمنى كيف الريد نبنيهو طوف فوق طوف

ونتحدي للآلآم ونتجاوز أي ظروف

أصلو البريد يا ناس غير زولو ما بيشوف

لو جابو ليهو الحور قدامو ماشه صفوف

أريت وصالنا يدوم ما يبقى بينا عزوف

نوصل مراسى الريد بعد الشقى المردوف

أنا اصلى يا خلاي بين الخلوق معروف

زولا بريد الناس ودايماً قليبي شغوف

أنا نفسى أشيد دار بالريد دوام مسروف

لى كل زول مظلوم ردا الحبيب مكسوف

وأكتب على بابوا تعبير دوام مألوف

يا صاحبى لا تحزن فى الدنيا نحن ضيوف

أبوعبيدة كاليق
5th September 2009, 09:45 AM
الشاعر/الفاتح ابراهيم بشير

انا قلبى شان ينساك دايرلو تانى زمن
عفوا حبيب قلبى ما انت لى وطن

انا قلبى ذنبه شنو عودتو انت عليك
علمتو يبكى ينوح يوم ما يشوف عينيك
وكتين ملكته خلاص فريتها لىجنحيك
خاطبته باستبداد قلت ليه اختار ليك

هو الصابر المسكين راجى الليالى تروق
لا كل لا مل لا عاتب المعشوق
كل القدر قالو ياناس كتلنى الشوق
ما الضقته فى دنياى ما ضاقو قط مخلوق

انا يا خلائق اه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايتو كفاف
ما الصابنى يالمريود بالعين محال ينشاف

لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمينى شمال
جوايا عشرة اشياء خلت حياتى محال
حظى التعيس الشوم الغيرة والعذال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكت انا تتكلم الاطلال
وآخر المطاف بالليل سافرت باستعجال
لا طلت بلح الشام ولا ضقت راحة البال


برضك تقول لى اصبر اتحمل المكتوب
واتعوض الله خلاص انسانى يالمحبوب
خليتنى ذى عصفور هبت عليه هبوب
فنتلو عشو شمال شالت صغارو جنوب

أبوعبيدة كاليق
9th September 2009, 09:41 AM
الشاعر /علاء الدين عبد الرحيم

عشانك يابا سبت بلادي واتغرب
واتحمّل مآسي الغربه شان يايابا ما تتعب
قلت اشيل معاك الهمّ اقاسمك في التعب واتعب
وعشانك يابا لو ترتاح أقاسي واعاني واتعذب
لا تشيل ليّ همّ يايابا عارفو قليبك أنت كعب ..
سعيد أنا في العذاب البي ما دام الفرج قرب
مهما شقيت أنا وعانيت واتحملت هول وصعب
مقابل بسمه منك يابا ارتاح وانبسط واطرب
منو الزرع الفضايل فينا لي أخلاقنا مين هذب
منو الورانا قيّم الريد ويوم ما شال عصاتو ضرب
منو الفرّش دروبنا ورود ولي كل البعيد قرب
منو الفهمنا معنى الجود ويوم ما ردّ لينا طلب
غلبني أرد جمايلك لي ولمه خلاص غلبت كتب
قصيده توضح المكنون عساها تكون شويه أنسب
كيفن أحل ديون مردومه منك فوقي بالأردب ...
صعب صنع الجميل لكين لقيت حفظ الجميل أصعب
وجودك بينا نعمه وخير مدفق والله لينا وهب
كلما تعفو خيري يزيد وكل ما ترضى افوز واكسب
عفوك يايابا ري عطشان عفوك أنا منو داير اشرب
عفوك يا يابا كل ما يزيد برضي أنا في الزياده ارغب
عفوك لي زي صباح العيد برجا هلالو واترغب
عفوك مطر الدرت يروينا يشبع للقليب الصب
عفوك يا يابا دفقة خير تخدر في نفوسنا جدب
معين ريدك عيون توتيل لا بيجف ولا بينضب
انداح طفّا نار البين وفوق جمر اغترابنا سكب
رضاك في الدنيا نور وسرور وراحة بال غنا ومكسب
مفتاح لي دخول الجنه مغلاق لي سعير ولهب
شوق وتحيه ليك يا بوي قدر ما الهمبريب هبهب
قدر ما اينعت أشجار وشالت موز وتين وعنب
قدر ما شال نخيلنا سبيط وهدّل بي جريدو رطب
قدر نجم السما الضوّاي قدر ما يسطع الكوكب
قدر ما موجه طالت قيف قدر ما نيلنا فاض تسب
قدر ما اسبّح الخالق قدر ما اترددت يا رب

أبوعبيدة كاليق
10th September 2009, 09:59 AM
الشاعر/ الفاتح ابراهيم بشير

أريتو لو الشوق زى البريد بيطوف


أنا كنتا يا خلاي سويتو فى مظروف


سطرت بى دمي أجمل وأرق حروف


وعنوتو لى إنسان ملك السمع والشوف


زولاً بريدو شديد كان لى مسافة طوف


فى لجة الأحزان وكتين ملانا الخوف


بهواهو يا خلاي ودغدغ هواهو الجوف


ما استغلا هواى مع إنى بيهو شغوف


علمنى كيف الريد نبنيهو طوف فوق طوف


ونتحدي للآلآم ونتجاوز أي ظروف


أصلو البريد غير زولو ما بيشوف


لو جابو ليهو الحور قدامو ماشه صفوف


أريت وصالنا يدوم ما يبقى بينا عزوف


نوصل مراسى الريد بعد الشقى المردوف


أنا اصلى يا خلاي بين الخلوق معروف


زولا بريد الناس ودايماً قليبي شغوف


أنا نفسى أشيد دار بالريد دوام مسروف


لى كل زول مظلوم ردا الحبيب مكسوف


وأكتب على بابوا تعبير دوام مألوف


يا صاحبى لا تحزن فى الدنيا نحن ضيوف

أبوعبيدة كاليق
14th September 2009, 09:37 AM
الشاعر / محمد سفلة

إعدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص واللا تنى تزيد
واللا أصبح ملاقى مأسى واللا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعه من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضوقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دمو صديد
والموت قبل أجيك صدقنى ياهو مصيرى تانى أكيد
الشقى فيها أمسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه أرزح فى الظلام والقيد
وخايف تبقى فيها اقدارى حاكمه على بالتأبيد
لويجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يابوحه غيرك ماحأبقى سعيد
ودونك لو هدولى ثماره برضىء أشوفه مره شديد

أبوعبيدة كاليق
14th September 2009, 09:39 AM
الشاعر/ محمد سفلة

والله يـامــدن الـضـيــاع امــالــي فــيــك مابتـنـحـسـب

فـي دوبـا فارقتـا البلـد جيتـك مقاسـي الشـوق غـصـب

شديـت رحالـي بـلا ضجيـج خايـف شياطـيـن الجحـيـم

جيـت دايـر ابيـع الضـل مـا جابنـي لـيـك شـوقـا قـديـم

ضاراني وشك من قفاك ضاريت كمـان واقعـي الاليـم

احـلامـي غــرب شـرقــت شـرقـتـا بـانــت بـالـغـرب

شــان ود غـلابـه وكادحـيـن لاود شـيــوخ لاود عـمــد

مـن قمتـا طاوينـي الشـقـي ومتـعـودي العيـشـي النـكـد

جيت داير اغسل همي فيـك والقالـي فـي جوفـك سنـد

قـايـد شليـلـي ودرتــا انــا تـاريـنـي ضـلـيـت الـــدرب

علمني ليلك كيف اموت واشيـل بـراي نعشـي واحـوام

وكيـف قلبـي يتمـدد تـقـا فــوق الـحـذن كيسـابـو كــوم

والــقــا الـشـقــا شـقـيــش امـــــش الـقــاهــو ويـــــن

مـا بينـي مـا بيـن الهـدوم كايلنـي هـم زايـدنـي خــوف

ســـــــــاوي الــــفـــــؤاد ســـــاحـــــت حــــــــــرب

كيف المصير وانا في وديك تاهـت خطـاي وبـلا دليـل

استسلم ارجي الدار تجي انا عاد ولا اطاوع المستحيل

الرجعـه اقسـي مـن البعـاد اوبيـن ووب هسـي وقبـيـل

اتعوجـن قبلـي ومحـن فـي اوطـانـي عـايـش مغـتـرب

ماسـاتـي يـامـدن الضـيـاع اكـبـر مــن الـحــان الـغـنـا

ميـلادي كـان عــام الـرمـاد الفيـهـو ابـاحـو الغرصـنـا

لاكـت سليمـان يـوم هويـت لا بيـن ايـدي خـاتـم المـنـا

شان اجلبـك باقـي الذمـان او اهـوي بلقيـس ولا احـب

والله يــــــــــــامــــــــــــدن الــــــــضــــــــيـــــــــاع

أبوعبيدة كاليق
15th September 2009, 12:18 PM
الشاعر/ محمد سفلة

نسيتينى وماقايلك بتنسينى
نسيتينى ونسيتى إنك نسيتينى
سألت عيونك المحتاره لمن إنتى شفتينى
مشبهى والله هاديه النظره أم بهتت عناوينى
هدلتى عجن
رويتى وجن
بنانك فى شفاك طعن أتاريك ماعرفتينى
حرام والله تنسى الماضى ياغرة دواوينى
فاكرك فوق جحيم مشتاقه صابره متين تلاقينى
اتاريك انتى فى وادى
وبنات أفكارى فى وادى
وقليبك طاشى بى غادى ناسى البينو والبينى
إستاهل عشان طاريك لم سهيت عن دينى
فقدت الذات وقلبى المات والله يكضب الشينى
أغنى وماعرفت غناى
هويتك وماحفظتى هواى
وحنانك زى ضايقو سواى ينتح هينو فى هينى
كلكلت المشاعر الباكى موت أحلامه ود عينى
وضمدت الجراح النازفه من أعماق شرايينى
وجيتك برضى انا الولهان
أصدح بى غناوى زمان
ناسى أوجاعى والاحزان وداير إتهنى بى حينى
أمانى بلاك وهم مابيبقه حتى ان كان جرحتينى
تراى صابر أغنى وأدوبى
بغفرلك تعالى وتوبــــــى
رضيت بالجمرة البتبوبى غيرك شن مبكينى
متين ياسفرة الفرح اللحق فى التربه والدينى
ضفافك يارهود الرحمه فوقه يكاكى وزينى
تقيف فينوس على الاهرام تمد ايديها لى قدام
تفرد أحضانه لى الايتام أصافيها وتصافينى

أبوعبيدة كاليق
19th September 2009, 09:49 AM
الشاعر/ حاتم حسن الدابي

انا الغلطان وكت غشيم وعدتك والوعد بوفى
بانك تكملى التعليم حلفت وداير ابر حلفى
درجتك بعقل سليم وامك واقفى فى صفى
دريج الرياح للغيم يبل عطش الارض يشفى
هندمتك حنان هنديم وغتنك تياب عطفى
وسولبت الكسانى قديم غضبى وثورتى وعنفى
قلبك كان سديد وصميم ومن الموبقات معفى
ترباة ريفنا احلى اديم ورزقا من حلال كفى
دخلتى الجامعة والله عليم بالفرح الغلبنى اخفى
كأنو مذاقو من تسنيم وقلت خلاص غمد طرفى
امك ليله كلو تقيم تشيل حر النهار تشفى
فراقك علما التنجيم وقليبه براكى بتعرفى
بتسأل الله والله كريم يعينك والمراد تلفى
يكسيك ثوب عفاف يا ريم وبى توب عافى تتلفى
كل الناس زمان سين جيم يخافو عليك زى خوفى
خلوهو السؤال فى الليم ومننا قطعو العرفى
عرفو بناى بدا الهديم ولا سريقه وما واقفى
واتاريك اتخذتى نديم واخرته كان زواج عرفى
لانك عمتى فى تيار معاهو بقيتى تنجرفى
بهرنك مدن وانوار وفيها سرحتى وا اسفى
وانا الناسى الزمن غدار ومانى قايلك بتنحرفى
اتاريك ضل ضحى وديار تركنى انا فى الهجير مكفى
نظرات البعيد والجار يوسوسو بى كلام مخفى
يوقد فى قليبى النار حى لكنى متوفى
كلام فى غيبتى ما هو اسرار يولع فى البلد ويطفى
واتسرب وصل للدار لا صدقتو لا بنفى
عمت فى البلد اخبار بقت جهرا قبيل خلفى
بقت نمه وبقت مسدار على وتر العصب عازفى
نسيت انا فى النهار الحار اكابد لى نجاح جرفى
اطارد فى الجراد والفار وانضف منو فى الطرفى
بعد خدر ملا النوار كساهو سماح يفوق وصفى
اتاريهو المتيربو عدار والسلكتو قام حلفى
انا الودرته عمرى ودار ومنك ما وقف صرفى
ليكى غزلت عرقى ازار وفى الشتاء بيه تندفى
مصاريفك على كتار وانتى تقولى ما بتكفى
واخافلك تقطعى المشوار أقولك اصبرى حقك فى
لاخليتى حق إيجار وحق المعهد الصيفى
تصرى تقولي جانى انذار وحقك تاخدى متكفى
تشيلني حرارة الإصرار وأعكر دمى شان تصفى
واصغر نفسى للتجار ديونا راقدى فوق كتفى
حليل زمن العلم أنوار موقدى نارو ما بتطفى
وحليل زمن القلم مزمار حلات نغماتو متوالفى
حليل امك وقليبه الطار رقدت بى شلل نصفى
ورغم انى اكتسيت بالعار ابوكى أنا رغم عن انفي

أبوعبيدة كاليق
2nd October 2009, 04:22 PM
كلمات خالد الباشا - غناء محمد النصرى

يـابــا يـــا قــمــري الـبِـهِّــلْ وحيـاتْ عيـونـي المشتـهـاك
يــا يـابـا فــي نـظـرك مِـتــلْ وآشـوقـي لــي لـهـفـة رؤاك
يـا يـابـا كــان شَـوفـك كِـمِـلْ باكر تشوف بي عينك جنـاك
والله تــمــرك مـــــا هِــمـــلْ مـا دام مسـمـدو بــي شـقـاك

صِـــح يـابــا ايـامـنـا بَـتـقِـل الا المفـضـلـي مـنــو هــــاك
وعـمــري الـطـويـل فـوقــك يَضِل ينشر يابا حدود رضاك
بــس يـابـا لا تبـكـي وتـسِـل روحـي المَشكَنـة فـي هــواك
انـا بـس كفـايـا الـقـاك تـبـلْ شــوق القُـلـوب المشـتـهـاك

مـا يانـي زاتـي الـمِـن طِـفـل متلمـي ابويـا عـلـي ضــراك
ربيـتـنـي بالـصـبـر الـطــوٍّل سويتنـي بــي بـركـة دعــاك
والليـلـي كــان حِمـلـك تِـقِــل خـت المحَمِـلـو فــوق جـنـاك
كـــان تـقــدر الأيـــام تـحِــل ديـن السنيـن وجـزا عـطـاك

بـس يابـا لا تخـاف المَـنَـون مـادام مصيـر النـاس هــلاك
واعرف كمان والدي الحَنون الصالِحـي مـا اتقطعـت وراك
وكـان الله شـال نـور العِيـون يـا يابـا نحـنْ وهّــج ضِـيـاك
انشاء الله ما تخيـب الظنـون عشمـك بتلقـي الـفـي جـنـاك

أنا كان مناي والكون عريس ألقـاك تهـش بالخـيـر جـنـاك
وكـان طـلّ دربـك يابـا ميـس شيلـن عيونـي ابـوي فِــداك
هبشنـي فـي الايـام بصـيـص احسبنـي خطـوة مَـعَ خُـطـاك
يا ريتنـي يوسـف والقميـص اكـســيــر عـويـنـاتــك دواك

يا يابا يا قمري البهِّل

أبوعبيدة كاليق
8th October 2009, 08:00 AM
الشاعر / محمد سفلة

عاشق عاشقة عاشقة سواي والعاشقاهو عاشق غيرها
كلنا في الهوي اتلاقينا سايقة حطانا حمي الديرة
نفس اوجاعي حاصله عليها النوح والشجن والغيرة
وفي الليل الصباحو يلاقي عينها تلاقي فت صنقيرة
تبكي تكب دموعها دماها دمعها مابيطفي سعيرها
يارب في مصابي نزيدني لكن في مصابها تجيرها
لوحة من الجمال والروعة ماشافت عيوني نظيرها
الليل شال ضلامو انشر فوق صفحت كتيفها ضفيرها
العين ان حكت بي نظره ابلغ ما يكون تعبيرها
اما وشيها قمرة تلالي شامخه وبي شموخا جديرة
حبها لو تجيبو القوة اليد بي دروبو بصيرة
لو دايري النجم يتلم يبقي عقد فريد في صديرها
كت المستحيل اهديتها لو كان حتي لبن الطيرة
وما كان غيري سهد عينها او فت زول شغل تفكيرها
لكن المشاعر قسمة في الدنيا الغنيها فقيرها
ومن ملكوتو مهما يبقي النفس أبتفوتو مصيرها
قسمتي اعشقها وتاباني لكن برضي ابقي اسيرها
قسمتها يتمكن بي هواها زولا في خيالو اميره
حبيتها وغرق في هواها من يادابا لسة صغيرة
وفوق كل المشاعر الطيبة ليها علي حق الجيرة
مادام غيري مالي حياتها مالي خيالها مالي ضميرها
ببعد وفي الخيال بلقاها واتنسم برايا عبيرها
راضي انا بي ارادة المولي وروحي الهايمة الله دبيرها
مابينسي الرضا وناجاهو مكتوب في الكتاب والسيرة
ببعد من حياتها اّخلا إلا مشاعري في خديرة
لو يمكن تموت في قلبي زمزم يوم بينشف بيرها...!!

طارق الجزولي اسحق
8th October 2009, 11:33 PM
الشعر الشايقي كله يبحر بك في عالم جميل

أبوعبيدة كاليق
11th October 2009, 08:22 AM
الشعر الشايقي كله يبحر بك في عالم جميل


تسلم اخي طارق على مرورك الطيب ...

مع كل الود

أبوعبيدة كاليق
20th October 2009, 08:02 AM
نومى قــريرة فى خدرك .. إذا ما ضمـــــــاكى ليل
وخلينى أنا للدرادر .. وسهــــــــــاد الليل الطويل
معاك قبلان التحدى .. أســــوم بيهو الروح عديل
وأشوف لا وين لىْ يودى .. عنــــادك والمستحيل
أعصفى شوق لا تهدِّى.. يخـُـمْ فوق راسى ويكيل
أنسى أو اتناسى ودى.. وميلى خــــــلاف ما أميل
هيا ادعى زبانية عذابك .. إذا شايفـــــة البى قليل
إذا ويلك عندى جنة .. أكيد بعشــــــــــق كل ويل
سوى سواة قوم آزر .. وقــــــــــود نارن للخليل
ونارك برداً سلاماً .. على قلباً بيـــــــــــــــك عليل
أدفرى قواسيك علىَّ.. مجـَــــــــــرَّبْ وليهن بشيل
وحتى الضالات طريقن .. علىْ ببقـــــــــــالن دليل
يسوِّن زى ما يسوِّن .. شنو الأكــــــــتر من قبيل
شنو الفضَّل منى يرقب .. بزوغ الفـــــرح الجميل
جفاكى هجيراً يحرِّق .. وأكوس فى حنـــــِّك بديل
وضل الدوم يرمى غادى.. ويحرم التحتـو المقيل
صواريخ لحظك وسهامك أفوت من ديل ألقى ديل
وأقـــع بيناتن ممدد .. والم باقى الصبــــــــر حيل
متل ما الله حباكى .. نواعس وطـــــــــــرفاً كحيل
سيوف تضرب بين لواحظك تكاد تسمعك الصليل
حبانى مواضى القوافى .. شياطين أشعــارى خيل
أجاجيبا أمثال عيونك .. واتشرف أمــــــوت قتيل
عشان لا بسعد بلاهن .. ولا غيـــــــرن لىْ سبيل
ولا بقدر أفوت حِدَّاهِنْ .. ولا بيحــــــلالى الرحيل
خصامك وشدة قساوتك.. أخير من عطــف البديل
يقل غلطك والا يكتر.. يقابلو الشكـــــــــر الجزيل

أبوعبيدة كاليق
28th October 2009, 09:22 AM
الشاعر: ابراهيم ابنعوف

اتغيرت انا اتغير وحاتك مني لا حبيت لايوم في سواك فكر
خطاباتك تعاتبني اتوه في سطورا واتحسر
علي الامل البنيتو عليك وعلي عمري الخايفو يتودر
اكتب ليك عشان ارضيك اقبل لومي واتعزر
والوم في قلبي ليه ينساك عارفو قليبي ما بيقدر
كيفن هان علي انساك وانسي العشره واتنكر
كيف يجفاك قليبا لي بعد في حبك اتوكر
اصبح كل مناي القاك افرح وخاطري بيك ينسر
دربا في العمر سرناه نحنا وياك نفرشو زهر
اريت ليلا يشيلني معاك لبلدنا بعيدي سفر
بلدا لافي زول يغشاهو لازولا يجيبلو خبر
وقت الليل يعم الكون وفوق لرباه يتحكر
يسدل لي ضفايرو السود واتوسد ضفايرو اسهر
اجمع ليك من نجومو الشاردي وانظم ليك عقود ودرر
واهديك من رياض اشواقي باقات من ورود وزهر
واقولك شوفي يامحبوبه روضنا بعد يباس اخضر
نسمات الشمال طلت تعانق زهره تتعطر
وتخاف الليل حكاوينا ونضمها بي عناق وسمر
وننسج توب اماسينا ونطرزو من غنانا صور
اعاين في البعيد نجمات واشد طوقن قليبي وتر
وعزف من ربابو نغيم زمان كان بيه يتاثر
بسيماتك تطمني يذيد بيها الامل يكبر
وعيونك ترهب الاشوق وداخل قلبي تتفجر
اتوه انا في ظلام ليلا تهبو النسمه يتبعثر
يتماوج امام عيني يظهر من خلالو قمر
اودع همي بي رؤياك لا احذن ولا اتكدر
واعاهدك انو اصون حبا نمي وبين الضلوع خدر
احس انو الذمن صافاني قربك ولي اتاخر
واشعر اني نلت سعاده قبلي انا ما لقاها بشر

أبوعبيدة كاليق
1st December 2009, 02:30 AM
غناء الاستاذ \محمد النصري

يا فرحة في بحر السراب
يا كلمة في أول جواب
يا واحة في ليل الصعاب
يا خيط شعاع وسط الضباب
يا نجم من دنيانا غاب
يا أغلي ما تحت التراب
في الخلف قضبان العذاب
ليك برسل الآهات خطاب
@@@@@@@@@@@@@
يا يمه يا الأمل الرحل
قبال يقول كلمة وداع
يا يمه يا النور خفت آهـ
قبال يرسل خيط شعاع
يا يمه يا دمعة فطيم
خلوه لى ليل الضياع
يا يمه يا مركب نجاة
غرقت قبل تفرد شراع
يا يمه يا نجمات صباح
مرن سراع .... مرن سراع
@@@@@@@@@@@@@
يا يمه من بعدك أنا
اصبحت للآهات وطن
دروشت في خلوة اساك
سبحته بى خرز المحن
فتحت صبري للرياح
أديته للأحزان بكن
دقيت باب الذكريات
كان القى لى هناك سكن
لا لقيته صورتك في الخيل
لا شفته من بعدك زمن
ودرت لى درب الرجوع
كل المعاني الاختفن
@@@@@@@@@@@@@
فتشت في كل البلاد
كان القى لى طيبتك مثيل
دورت في كل البقاع
شايل عذاب ليلا طويل
زادي الوحيد كان الصبر
والظلمة والزمن العليل
زمنا يشيل حق الضعيف
يديه لى عابر سبيل
زمنا يغير كل شئ
حتى الزمان كان مستحيل
@@@@@@@@@@@@@
يا يمه كيف يتبل شوق
والشوق على كل يوم يزيد
لا انتى بنتي ولا هو راح
لا غيرو الزمن المديد
يا يمه بعدك لا فرح طلانا
لا ضمانا عيد
غير خيط أمل يبدأ ويروح
طول ما العذاب يرجع يعيد
كل ما أقول يا داك فرح
القاهو منى بعيد
@@@@@@@@@@@@@
لكني راجع ليك أنا
بالرغم من كل المحال
جاييك عشان اعرف خطاى
من وين تستف للرحال
جاييك لو كان مستحيل
جاييك لو كان بالخيال
ناجيني لو كان في الحلم
الدنيا من بعدك زوال
عنواني خلف اللاوجود
يا أمي يا ابعد منال

أبوعبيدة كاليق
2nd December 2009, 08:26 AM
كلمات / السر عثمان الطيب
غناء/ جعفر السقيد

في العاصِمة .. الخرطوم
في لحظة ، من ذات يوم
والجــو هَبوب وسَموم
كابَّات غيومـو سِمــوم
إنسان ... وإنسانة
ماهُنْ عروس وعريس
شيطان .. وشيطانة
كـان تالِـتُن إبليـس
عمداً وبي إصرار
لاخوف ولا رهبة ..
من جُرْم أوعاقْـبة
إشتعلت الرغبــة
انعدمت النخــوة
إتبَهَلَت الشهــوة
واندلعت النــزوة
واتمادوا في الهفوة
إتمادوا فاتوا الميس وحَدّ اللعب بالنار
عِـِيييييكْ
غابوا في النشوة
وانزرعت البذرة ،
والبذرة ، مشئومة
مايقوما ، مايقوما

********************************
وسواري آخر الليل .. اللاّفي راكبي الخيل
حايمي ومشيها تقيل ..
إتسمَّرت وقفت .. حَرَنت ، صهيلا صهيل
لما القلوب وجَفَت ..... شقَّت سكون الليل
صرخة وأنين وأنين
في خور تِحِت كُبري ..... إتناوشَنْ كلبين
اتهاوشَن جَمْ كـوم
نهَشَنْ طَرَف طرحة
مابين صراخ وعويل .. الكوم نزفْـلُو دموم
والعسكري الضكران ..
فَتْ ... نَطَّ .... جَبَد الكوم
واتفرزعَن كلبين
كاكيكهو شِرْبَ الـدم
وعينيهو دمَعَتْ .. دم
شال نفَسُو .. واتحزَّم
الطرحة لمّاها
الطفلة ضمَّاها
وفي دفتر الأحوال .. سمّاها مايقوما
من عطفو أدَّاها
مايقومـا ،، ودّاها
لي حي عتيق وعفيف
عامر بِنَاساتو ...
من كلِّ جِنْسِِ شريف
مليان سوادنة نُضَاف
والماهو سوداني
ضيفََنْ عزيز ونضيف
ومايقوما ... ضيفة الحي
مايقوما منقايي ... قامت في قلب الحي
لكن هِي ما كانت ... زي أيِّ كائن حي
مقطوعة من شدرة ... ثمرا المحرّم نَيْ
بي طيبة الطيبين ...... الدار بِقَت دارا
وارثين مكارم طي .. ما مات لهب نارا
الفقرا ، ما فُقَرا
شان خاطر الأطفال
بيناتُن النبقة ... واللقمة مقسومة
****************************************
لكن في ناس ، غادي ، ما جايبي أخبارا
ناس علَّت اسوارا .... واتلملموا السُّمَّار
في بهارج الأنوار ..... محتفلي بالمليار
ساوَّالا هلّولة
وغناها في الفاضي ....... داقَّالا مِزّيكا
نضميها في الفاضي ... تطرش كواريكا
ما شايلي هم غيرا
ولي غيرا ما فاضي ..منشدهي في شيكا
وبي كاشا مشغولة
ناسَنْ تقول ما ناس .. معدومة الاحساس
نافخي..وكأنو خلاص
كلَّ البلد هُولا .. وكان البلد هُـولا
إذن ... الغلط هُولا .. كلّ البِموت هولا
والبِتْولِد هــولا
حتى إن بقت طفلة .. مرميِّي مجهولة
الفاجعة من هولا
في دفتر الاحوال .... سَمّوها مايقوما
**************************************
ما ذنْبِ مايقوما
تمرق على الدنيا ، مجهولة الوالدين
محرومة .. محرومة
لاعم ولا خالة ، حضناً قريب وحنين
تدفع تمن لحظة ، إتقاسمـوها اتنين
لا من ضمير صاحي ، لاخافوا رادع دين
لا حتى قولة خير .. وسيرة عديلة وزين
عمداً وبي إصرار
لاخوف ولا رهبة .. من جُرْم أوعاقْـبة
إشتعلت الرغبة
انعدمت النخوة ....... إتبهَلت الشهوة
واندلعت النزوة ..واتمادوا في الهفوة
إتمادوا فاتوا الميس وحًدْ اللعب بالنار
عِـِيييييكْ .. غابوا في النشوة
وانزرعت البذرة ، والبذرة ، مشئومة
مايقوما ، مايقوما
*********************************
مايقوما ولدوها .. مكتولة ..... موؤدة
في الدنيا ما ادّوها .. غير دنيا مسدودة
تمسك ثدِي الحرمان
ترضع وجع وهوان ... تشبع نبيشة حال
من كلِّ زول ولسان.. من قيلْ وقِيلَ وقال
بي حالا ، لو راضي
ناجضنَّـها الفارغين
بي سِيرة الماضــي
الشافعي ، يا ظالمين
مايقوما ،، مظلومـة
**********************************
يا مؤتمر وطني .. لو إنتَ صِحْ وطني !
يا مؤتمر شعبي .. لو إنتَ صِحْ شعبي !
يا إتحاديين .... لو إتحاديين !
يا حركة شعبية
بعثِ وشيوعية
يا أمة ، يا أمة ، كان إنتو صِحْ صادقين
يا ناس يا حاكومة .. يا معارِضِين .. ياهووووي !
يا مشتَّتين ... جبهات
ومفرَّقين .. حركات
ومقسَّمِين... جِـيهات
يا اْخوانّا بالذِّمَّـــة
اتجيَّهوا ، اتلمّـــوا
ما أروع اللّمة
ما أجمل الأمة
لمَّان تكون ، لمَّا
على قلْبِ زول واحد
متماسكي ملمومة
تسمع صراخ طفلة
مسكيني، محرومة
ما نطقـت اليابـا
ما شافت اليُمّــة
في دفتر الأحوال
سمّوها مايقومـا
******************************
في اليقظة ، في نوما
والقعــدة والقومـة
المَرْقَـة والحومــة
مايقوما مجروحــة
مكسورة الخاطر
تنضـارا في روحـا
وطوَّالـي مغمومــة
يوماتـي مهمومــة
كُلْ ماتشوف لها زول
واقفلُو جَمْ زولـــة
في دنيا مزحومــة
بي آهة مكتومـــة
تسأل سؤال ضهبان :
ياتُن أبوي وأمــي ؟؟؟؟؟
وتصيح تصيح وتصيح
وصياحا شايلا الريـح
واضيعتي وهمِّـــي
من نزفي من دمــي
من أيِّ (دي ان ايه)dna
ياتُن أبوي وأمـــي ؟؟
بي أيِّ (دي ان ايه) dna
ورُّوني ابوي وامـي
من أيِّ (دي ان ايه) dna
كُوسُولِي ابوي وامي .

أبوعبيدة كاليق
3rd December 2009, 08:03 AM
كلمات : خالد شقوري

غناء يعقوب تاج السر

شق جسم الليل عويله ...وضمت الاهات زليله
حوا ياناس ياحليله... وتاني ياناس ياحليله
ماسكي كف الثوب تخيط ... والدموع تنزل هميله
كان متاكي الباب وخايفي ... من ابوها يشوف حويله
ما العليهو هو ماهو هين ... كيف تعل روحو العليله
كان يقول لها حوا مالك ... والعذاب كيفن مشا لك
حوا لا تزيدي العليكي ... فوق كتيفي انا شايلو فالك
حوا ماهاميني حالي ... الا بس هاميني حالك
حو ا حوا باقي نصبر ونحبس العبر الثقيله
حوا برد الدنيا اكبر والله اكبر من غتاها
حوا كان بامكانه تسرق... بس ضمير الخير حماها
زاد ازاها وزاد شقاها ... لمه ابوها الراجيه ودع
وروحو دقت بوق رحيله
حوا قالت داير تاكل ... لو لقت لها لقمه نيه
قالوا ليها ان دايري تاكلي .. اكلي في خاطرك شويه
اضحكيلهم ابسميلهم ... تلقي بدل اللقمه ميه
حوا قالت دايره تغمد... لو حلم بالفرحه طافه
قالو ليها الدايري تغمد... الا في صدر السخافه
بينا بين عيشة المعزه... ماخلاص بعدت مسافه
حتى قدر الموت اباها... مش حرام الموت ياعافا
سوت الشاي للعطالي... ماجنت غير الرزاله
حامت الحلات تغسل... شالو ناس الحله حاله
مدت الايد للعمايه... ختو في ايدينه لالا
قنبت في ضل مصغر... سارحة تلتق في نعالة
في ضجيج عجلات زمانه... مانست لمسة جماله
حوا ماتت لمه ماتت امها وكانت طفيله
حوا ماتت لما ابوها روحو دقت بوق رحيله
وحوا ماتت الف مره لما سلبوها الفضيله

أبوعبيدة كاليق
6th December 2009, 03:47 PM
قسمتا شالا غيرك والإله كتبا
يا محمد نصيبك أبا
منو القبال دا خالف قسمتو وغلبا
قدر غير طريقا وبدلا وقلبا
المقسومة حارة شديدة في لهبا
لكن الصبر يهدي ويضل يغبا
صحيح فرقة ولف بعد السنين صعبا
أصلو الريده موهبة والإله وهبا
لو كان القسم بالريدة محتسبا
كنا نحقق الآمال زمن طلبا
قبلك قيس علي ليلى الدموع سكبا
أرض الريد سقاها وحوشا وزربا
ضاق المر تعب لم استوت رطبا
لا جنى للثمار لا ضاق حلات تعبا
ياما عنتر أمثال في الغرام ضربا
وراك للسنين الرايحي ما حسبا
مسكين منو ضاعت وضحوا في دربا
وبكت سحب الخريف والبادية بي عربا
كتير من زول دخل روض الغرام خربا
يا قطف الزهور إما سرق عنبا
اتأخرت ما اتقدمت في طلبا
تراها جبال من الشنقول كمل دهبا
لو كان النصيب بينكم وقف عقبا
دي قسمة ربنا تاباها شن كربا
جاها الفي النصيب العجبتو وعجبا
اختارت براها ومافي زول غصبا
كتار المعجبين بي دلها وأدبا
تاجوج في القرير فازت هي بي لقبا
كان القسمة ودتا لي بعاد غربا
برضها بتنا وإنت آبتدور كعبا

أبوعبيدة كاليق
8th December 2009, 12:42 PM
الـــــقـــــدم كــــــــــان لـــيـــهــــو رافــــــــــع
قــــــاســــــي فــــــرقــــــك يــــــــــــوم اوادع
لــــــو فـــضــــل فـــــــي الــعــمـــر ثــانــيـــه
تانـي لابـد ليكـي ارجـع تانـي راجـع يــا بــلادي
ان نــســـيـــت مــــــــاب انــــســــي مـــــــــرة
كـــيـــف فــــــى بـــعـــدك ضـــقـــت مـــــــرة
كــــــان اخـــيــــر لـــــــى اقـــعــــد هـــنــــاك
اعيش ولو بى كسري مرة تبقي حلوى في بلادي
عــشـــت يــــــوت فــــــى الــغــربــة امـــنـــح
ابــــكــــى طـــــــــول الـــلـــيـــل وانـــــــــوح
كـــــــــل ســــاعـــــه اتـــمـــنـــى ارجــــــــــع
امشي اشد رحلي واروح امشي اروح لى بلادي
شـــــــــــان اشــــــــــــوف دار الأحــــــبــــــه
اصـــطـــفـــاهـــا الــــقــــلــــب وحـــــــــــــب
فــــيــــهـــــا اتـــــــرعـــــــرع تـــــــربـــــــي
بيـن حنـان خلانـو شـب شـب عاشقـك يـا بـلادي
إن عــــــطــــــش يــســقــيـــهـــو نــــيــــلــــك
أكــــلـــــو مـــــــــن ثــــمـــــرات نــخــيــلـــك
يــــاحــــلاتـــــك ويــــــــــــــا حـــلـــيــــلــــك
والقمر يلصـف فـي ليلـك ويـن مثيلـك يـا بـلادي
يـــــــــا حــبــيــبـــه تـــعـــالــــي شـــــوفـــــي
شـــوفــــي كـــيــــف حـــالــــى وظــــروفــــي
شـــوقـــي نــــــار تـــوقـــد فــــــي جـــوفــــي
حار على فراق ولوفـي خوفـي تنسـي يـا بـلادي
خــــوفــــي تــنـــســـي حــــنــــان ولــــيـــــدك
فـــاكـــري إنــــــو مــــــرق مـــــــن إيـــــــدك
راح جـــــفـــــاك واخـــــتــــــار ســـــــــــواك
وقلبو تب ما عاد يريدك حاشا حاشـاى يـا بـلادي
انــــــــــت لــــــــــى عـــيـــنــــي نـــــــــــورا
بــهـــجـــة الــــــــروح كـــــــــل ســـــــــرورا
جــــنــــتـــــي الــــغـــــنـــــت طـــــــيـــــــورا
زهرتي الفاحت عطـورا والفـؤاد عابـدك عبـادي
:sudani::sudani::sudani::sudani::sudani:

أبوعبيدة كاليق
9th December 2009, 03:51 PM
عـذرتـك فـى الـخـطـاب الـجايى .. منـك شكوى مـُــرة
يحـكى مأسـاة بعــدى عنِّك .. وكل سطـورو مآسى تترى
والـدمــوع غـطـت جـوانبو.. وكل كلمـة معاها عبـــرة
زادت الحزن البعيشو .. وســـــــود لياليى زادو غبرة
وصرت ألعن فى ظروفى وجور زمانى الزادنى حسرة
وقلت لازم بكـــرة أرجع .. بكـــــرة توصل ليكى بشرى
داير أقفـِّـــــل باب عذابنا وليك أعود يا أحلى زهرة
ونـنـسـى أيام الـتـعـاسـة .. ونهنى بين عثمان وسمرة
ما شفتى فى الغربة .. العذاب زايد على شــــد العصب
وأنا ما قصــد رد الخطاب بس السكــــات زاد التعــب
وماكى البراك يا ست هواى عندك لسان الحـــال غـلــب
أنا بعدى عنك نار مولقدى فى حشاى عديـــــــل لهــب
من قمت فارقت الديار .. وركبت فوق درب الصعـــــب
وخليت ناس غاليين عزاز .. هم عندى أغلى من الدهـب
مردومة فوق راسى الهمـوم وفى غــرفة الشقى إنصـلب
ما كنت عارف كيف أكون .. وأنا للنتايج ما حســــــب
أنا مانى راضى أفوت وأسيبكم لكنى مجبور واتغصـب
جبرتنى ساقتنى الظروف .. والعيشــــة والحــال الكعب
وطلباتك الما ليهــا حـد .. وحـال العيــال الإتقلــب
بنيت آمـــالى العراض .. للمال ألم ..واقــضــى الإرب
وأبنى القصور ليك والعيال .. غرفن تكون متحف لعـب
وأبقى المعلم فى البلد .. وراس مالى يا عجب العجـــب
لكن خطايا اتعثرت .. وحظى التعيــــس كان الســـــبب
وأسع وكت جانى الخطـاب .. شلّ الفكــر وعقلى انسلب
وخلانى فوق جمر العذاب إتقلــــَّى شقــــــيش ما اتقلب
زاد العلى .. نوحى وشقاى وخلانى من حتفى اقتـــــرب
وقررت أعـــود .. قبـــل الندم وقبال يضيع المكتــسب
وطايرى القروش وكتين تكـون فى هد حياتنا هى السبب

أبوعبيدة كاليق
10th December 2009, 03:07 PM
مرأة من القرير
من قريبات الشاعر
اشتهرت بحزمها وجديتها..
وشجاعتها الفائقة ... حتى أنها كانت تعيش وحيدة منفردة
على اطراف الجناين في ود عيسي
مر حسن الدابي يوماً بود عيسي
فوجد فتيات يطاردن قطة بالقرب من منزل قريبتو هذه
سأل عن الحاصل
فأخبروه أن إحدى القطط تخصصت في سرقة قريبتو هذه
وزاد الأمر حتى ضجت منها (قريبتو )
وطفح بقريبته الكيل عندما زادت جراءة ( بُرة) فصارت تسرق اللحم ( العزيز )
فهددت وتوعدت بأنه لا بد قاتلة هذه القطة الشريرة
وجنّدت فتيات الجيران لمعاونتها
لكنهم بعد أن أخبروه بالقصة
حذروه بالويل والثبور من غضب قريبتو
إن حدثته نفسه بنظم هذه القصة شعراً
ولكنه لم يستطع مقاومة إغراء الموقف الهزلي
فكانت هذه القصيدة الطريفة ... بعد أن اضطر لحذف اسم قريبتو منها واستبدالها ب ( فِلاني)


تسرقي ضحى ونهار يا بره مالك
لا الطير إنعدم لا الفار غلالك
***
انتِ مالك رامي نفسك في المهالك
وتراها فلاني قالوا مشركالك
حالفي من البلد تقلع نعالك
وحالفي قَبل الجاك تزنّك بي شوالك
***
في دخولك وفي مروقك خٌتي بالك
لا تأمنيها ..كاتلي كتار قُبّّالك
تعضعض في ايده تهرج وشايلي حالك
وحالفي لمتها فيك بي عود تتلافالك
***
بُرة فِلاني حلفت ماب تخليك
حتى إن طلعتي سكنتي أمية التمر ديك
طول ليلها ونهارها فزع بنوتها باريك
ولى التمر طلعنو ..سارقي اللحمي تاريّك
***
تكشّفي في المغتغت بُرة شِنْ لَيك
هو لحم نص كيلو مو سيوسيوة سيك سيك
جابوك للجقور خاب الظنن فيك
يا البقيتي بلاوي ..رب العزة يبليك
***
البنات قالو لي فازعاهن فلاني
وفي التمر طالعات ورا بُرة المسيكيني
هي تهرج وشايلي فراره السنيني
وتقولهن انهرنها التجيني
اماني آ بُرة عندي عليك جنس غبيني
يوم سارقي اللحم .. ويوم اللبيني؟

أبوعبيدة كاليق
10th December 2009, 03:09 PM
شاعر القصيدة اسمه عطا
عطا هذا كان يسكن العزوزاب ، وكان عاملاً بسيطاً يعمل ببلط الزبالة
ويروى انه وفي ذات يوم وبينما كان في سبيله للعمل وجد " كلبة " والدة على كوم الزبالة الذي أعده لبلط الحوش وحولها جرائها .
وكان الرجل ذا قلب رقيق فلم تطاوعه نفسه طرد الكلبة وهي لا تزال في فترة (النفاسة ) وتركها لحالها..
ولكن أهل الحلة حينما علموا بخبر الكلبة انزعجوا وخافوا على أولادهم وأرسلوا في طلب محجوب فجاء ببندقيته وأرداها قتيلة.
علم عطا بالخبر وبكى الكلبة القتيلة وحولها جرائها ( نبأني مامان انه سمع من يوسف حضيري أن الرجل شوهد وهو يبكي الكلبة بدموع غزيرة كما يبكي عزيزاً لديه )
ولما أفاق من نوبة بكائه هدد كل المساهمين في قتل الكلبة انه سينتقم منهم انتقاماً يبقى مدى الدهر
وكانت قصيدة الكلبة هي ذلك الانتقام الخالد

أصغوا لي وأسمعوا يا زماله
حقيقة وحاصلة مو ساكت قوالة

كلبة والدة فوق كوم الزبالة
محجوب كلموه فات مشاله
مستعجل قبل ياخد سؤاله
بي فد طلقة يتم بي عياله

كلبة في بيوت عجبين سكونا
تتحدوها تدخلوا في شؤونا
قدر ما كشرت ومرقت سنونا
بي فد طلقة أتم بي عوينا

بعد سلخوها واجتمعوا الرجاله
وكل الشاف له قوطة سمينة شاله
أخوياً لينا شغال في أم جلالة
قال ناولوني ماعون حتى لو كان شواله

بعد شحدوا البرش طوالي فروه
وفرحان بابكر مما يسره
وصفق إيديه وقال يا أخوانا تروه
وكل الما هو قادر لا نضره

أكلوا وخلوه ما باقي شروه
بعزل حقي في منديل واصرُه
البيعضي ولادنا لابد نضرُه
وأصله سعراً حايم الله يكافي شره

عبله وصدفه زعلانات يحدرو
وحداد لمدة أسبوع ما ينجرو
ولا إن شافوا الحرامي وراه يجرو
ولا في السهله من الحوت يفطرو

الحقيقة هي لونه زرق وصوفه يرهز
وكل الشافه أول مرة قال عز
أتاريه الدنيا ماشي عليها حزحز
وبي واحد عيار نافوخا بزبز

وكمان عبدالرحيم أحمد حضيري
قال سيبوا الغلبة والحجة الكتيري
اللحم جيبوه جوه من الهجيري
الراس أوعكم تدوه غيري
أنا زولاً نفسي بالتقسيم جديري
وأنتوا شوفوا لي المكرضمي والكبيري

الحوش كتمه ومرتفعي الحرارة
وفضيل يهرج موقف فوقنا غارة
قال: أدوني كوم لي واتنين لي جبارة
العشرين قرش راح خسارة
حضر بي غفلة عثمان ود بشارة
وفرش طرفه قال جيبوا المرارة

سلمان أصله شارف وزيه ما في
جاهم واحدةِ لابسهِ وواحدِ حافي
لا قولة سلام لا قال عوافي
وفتحة خشمه قال يا ديل قفافي
أدوني الفوت شوفوا الخلافي
نص كون كوستيليته وباقيه صافي

عمي الحاج كمان راجل مصلي
قال يا ابني نظرك مو مجلي
وتنشين لا هو واطي ولا معلي
بس لكن قوي وما بينوكللي

شويتين مو كتير جاهم خليفة
قال الراس أسلخوه سوه نفيه
يتوكل وحده ولا مع رغيفة
وصفوا المرقة في الباطن نضيفة

والليلة التوم كومه قال ظلموه فيه
جا شايله براه داير يسلقوه ليه
ساد حوشه ومتاقي البيت عليه
في شان لا ضيف ولا شحات يجيه

أحمد حمزة قال حصانه جراي
يفج في الناس يعاين جاي وبي جاي
فرصه سعيدة قال بعملكم رأي
قال نعملها شية تستاكل مع الشاي

كما عوض الكريم يبدي ويرائي
شاف اللمة قال شني الحكاية
هسي دي كرامة ولا محل سماية
اللروح أجيب ما عوني جايي

سيدأحمد بعيد لكنه عشمان
بيقدر يصل حارس له دكان
أرسله كومه صحبة أي إنسان
وبالتقرره المجموعة قبلان

عبدالرحيم الحاج ينقنق وما هو راضي
وقال كومين قليلة على ولادي
ممحوق وأشوى من لحم الجدادي
وإنتوا شوفوا طريقة سوو لي الزيادي

باقي سعيد فضيل بالحيل مدروش
يمط القوطة طول مترين وينتش
وقال والله مو هش
ومزه متل دي دايري الزول يغبش

جا عبدالله أخوه بالليل بيهرش
وقالب عينيه حمرا وما بيرمش
وقال أصله خوتكم بقت غش
محل تقسيمه وينو نروح نفتش
بدل نقمح من الرمرام نقرمش
أتاريه السر يلوم في الناس وينبش
وغضبان يترقض متل المتلبش

الليلة خضر ود محمد نور بالحيل أتغشه
بعد ما جاب صلصته وبصله حشاه
لقاهم شالوه خلوا الواطه غبشه
طنطن وما رضى وسوالو دوشه
وغمض بالزعل من بيته طشه

فضل الله ما كان في حد طاريه
قال جاني المرسال بعد جبت خضاري
رزقاً لا ني حاريه لا ني داريه
هو شايله والضبان مباريه
قال بقسم منه لي عبدالله جاري


عطا قرمان لحم قال كله سيبوه
اليوم جمعة وكان عازم نسيبه
جدع القفة غادي وفر توبه
والطايوق مشكنه في جيوبه
و لـ كبير أخوانه لملمه بي خبوبه
كمان داسي الجلد ورافض يجيبه

كل زولاً ذكرته ومني زعلان
وأصله راس القايدة عثمان عبدالرحمن
هو يشجع فيني وأنا برضي شفقان
وحاول يحفظها ويوضعلها ألحان

ودقنتى
10th December 2009, 03:42 PM
الشوايقة لهم فن خاص شكرا للابداع

أبوعبيدة كاليق
13th December 2009, 07:49 AM
الشوايقة لهم فن خاص شكرا للابداع

شاكرا لك مرورك الطيب مع كل الود

أبوعبيدة كاليق
19th December 2009, 03:55 PM
الزول الوسيم فى طبــعو دايما هــادى
من اوصافو قول اسكرنى هات يا شادى

من حور العيون احتار غزال الوادي
الخــد كا لزهــور تلــقاه دايـــما نـــادي

من عينيك سيوف تقطع دوام فى فؤادي
فاقـــت لــى سيوف عنتر بنـــى شدادي

كل مــا مــر يوم يزداد علىّ سهــادي
عينــي دمعهن بلـل فراشى و وســـادي

ساقينى العذاب ما شفت يوم اسعادي
ولو حنيت يوم تروى القــليب الصـادي

ليه جافيتنى ليه وسمعت قول حسادي
هم ديل عزالى بس قاصدين دوام ابعادي

انا المسجون لديك راتل دوام فى اصفادي
انــــت القـــاسى ما راعـيت يوم لودادي

مظلوم ما حصل فى يوم وجدت مرادي
مكتوب لى العذاب فى جبينى يوم ميلادي

أبوعبيدة كاليق
21st December 2009, 02:00 PM
الشاعر: السر عثمان الطيب
غناء : محمد جبارة

يا نسمة كيف أحوال أهلنا وحيّنا؟
أحكيلي..عاد ما باقي طوّلوا مِنّنا
زي ما زمان طارنّهُن طَارنّنا؟
زي ماب نشيلُن في القلوب..شايلنّنا؟
حتي البعاد فتّق جروحُن زيّنا؟
يا نسمه ما تدسّي المكَتّم عنّنا
تمراتنا كيف؟
يا نسمه عرجونا انتنَى؟
شيلاً.. تقيلفوقو الدّباس رسّل غُنا
لمْلَم عويشو مع الصباح
للعش بنَى حضن الجنا؟
الساقي كيف؟
جدولنا كيف؟
البوغة كيف؟
يانسمه ماشفتي المَتَرْ سايقِنّو صيف؟
عرباً بُعاد.. يانسمة كيف؟
ما قالوا ليك
بيُوضه..رشّاها الخريف؟
يانسمه قولي بدون بُكا
المنقة كيف؟
والبرتكان
يانسمة صِح شال وانتَكى؟
يانسمه
مالِك ساكتي؟ماقلبي اشتكَى
يانسمه قُولي
فترتَ اْنَا
احكيلي
عن ناس حَيّنا
شيلي السلام
يا نسمه بالكوم منّنا
ودّيهو ليهُنْ
في الشمال من عندنا
وان شاء الله توصلي
بالسلامة..بدون عَنَا

أبوعبيدة كاليق
24th December 2009, 08:31 AM
كيفن أصـــبر قليـــبى.. وكيفـــــــــن أعمــل حسابى
ما دام عشمى فى نظــــــرة .. والعندو النظرة مابى
بجرو غنايا أحكى ليكم .. تعالو أسمعـوا يا صحابى
حكــــاية الشافعى البريدا .. وريدا شقــــايا وعذابى
أحن لها حن القمـــــارى .. تقوقيبـــــا أوتار ربابى

واهوى الهوى فى هواها .. وهواها قرايتى وكتابى
منو القال ليكـــــم عقلتَّ .. وحاتكــــــــم جنيت دابى
بقيت لمان ليها أفارق .. أفارق عقـــــــلى وصوابى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابى

أشرِّق وين ما أغــــــرِّب .. وأشيـــل همى وإكتئابى
محل ما أمشى ألاقــــى طيفاً.. مشتت فكرى وحجابى
تطير روحى بعيد تغــــــازل.. خدودك زهر الروابى
تتعلق بين عيونا .. ورموشـــــــــــا البى فوقا كابى
قليبى يفارق ضــــــــلوعى .. يلاهى عليها ويشابى

بعيد مابيقــــــــــــدر يقاوم.. بريق البسمة السحابى
صديرن لما يتفـــــرَّ .. تبــــــق نار الله فى أعصابى
وقديلتن كيتن على .. وا نشاف ريقى وخــــم ترابى
حنينى ومرات بتقسى .. تقول فى نفســــــها اتغابى
إتغابى العرفة فيهو .. وا زرف دمعــــى ووا خرابى

صحيح أصبحت مملوكا .. أســوِّى أورادى وأزنابى
متل ما ملكت فؤادى .. أنا ملك شيطــــــــان الكتابى
أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

أبوعبيدة كاليق
26th December 2009, 08:48 AM
كلمات : رامي قسم السيد
غناء : محمد النصري

لما شفتك قلبي دقّ واهدى للزمن ارتعاشة
والعيون في عز خريفا عانق الاحساس دعاشا
الخطاوي تراها ماشة ماني عارف وين هي ماشا
والربيع فوح زهوري بانتظارك يا فراشة
غنى في اعماقي صوتك غنوة الشوق والصبابة
والبرق لاح من سنونك داعب احلام السحابة
الحنين الفي عيونك بدد الهم والكآبة
والمشاعر الشاردة جاتك ما رجيت ميعاد ايابا
يلا ارحلي توهيني فيا ألق الذكرى باقي
الحزن لمن افارقك بلقى في صوت السواقي
مدي ايديك وانقذيني مددي جسور التلاقي
داير القاك جنبي دايما تطفي نيران اشتياقي
بي صراحة الدنيا اجمل من نعيشا اسى وتجافي
شيلي وعد اللقيا واقع لي فجر يشرق تصافي
النخل قمريهو هاجر والنجم في سمانا مافي
والظلام يا حلوة خيم في انتظار انك توافي
لما شفتك نور امامي ما قدرت اديك قفايا
امشي وين عاد من عيونك وانتي أي مكان معايا
اعذريني اذا انتظرتك زهرة في عتمور شقايا
وسامحيني عشان بقولك طيري حلّقي في سمايا
:mlk:mlk:mlk:mlk:mlk

أبوعبيدة كاليق
26th December 2009, 10:17 AM
كلمات : محمد سيد احمد الحسين
غناء: محمد النصري

افتكرتك لما عيني سالو ترجع
وزي حشا قلبي المقطع دم عيون عينيك تدمع
افتكرتك صدر حاني
قلبو يتقطع عشاني
يفقد يتحسس رقادي ام بتتفقد مكاني
ما بتسيبني اعيش مشرد ما بتنوم لمن اعاني
كنت داخرك لي زماني يا ملاذي يا اماني
واسى شوف كيف حالي اسع افتكرتك برضو ترجع
****
افتكرتك ما بتسيبني براي اقاسي
واسي عارف اني غيرك
وانو لما تسيبني ترحل كل حياتي تكون مآسي
افتكرتك لما اشكي بالعلي القاك حاسي
وخاصة بتخاف من فراقي وديمة لي لقاي تطمع
****
اكان تعاند كان تجافي
اكان تزيد المي الخرافي
شان بريدك وغصب عني هاك كمان اقرع حراثي
واعترافي ليك قلبي غيرك مالو منية واي دنية يعيشا غيرك ماها دنيا
انت اروع اغلى منية وانت من الروعة أروع
****
انت واحد والله شاهد
انت واحد يامناي
النجوم خلقت كتيرة والقمر في الدنيا واحد
وانت احلى ويامناي انت من الروعة أروع
****
انت واحد والله شاهد
انت واحد يامناي
انت لي دايرني اقنع
وما حأقنع ولسة دايرك برضو ترجع
****
اكان تعاند كان تخاتر
كان تقنب كان تسافر
انت واحد والله شاهد
والله شاهد وانت واحد

أبوعبيدة كاليق
30th December 2009, 02:15 PM
:sudani::sudani::sudani::sudani::sudani:

مليت من الغربه يا علي .. يا ولدى يا ايدى اليمين
داير الرجوع بس كيف يكون ... وتفكيرى فيهو انا من متين
كل ما اقول اصبر شوى باكر تكون الحاله زين
القى الظروف ياها الظروف .. بس زايده سؤ بحلف يمين
وآخد لى لفته على الزمان ... القاها مرت كم سنين
لمتيـــــــــن بتتفك القيــــــــود ... القاسى قلبها ما بيلـــــين
**********
جيت فاكر انى اكون سعيد ... بى مال بيجرى على اليدين
لكنــو مقسوم يــا لعــــزاز .... رزقا يكون دائمــا ضـــنين
والشئ العجيب مما وصل ولليلى فوق اكتافى دين
حســرة وهموم متواليات .... والدمعه يوت هالابه عـيــن
نيران مولعى فى القلب مسكين فقد لضرا الامين
كان عيشو هاديه قبل يجى ... و فى بيتو كان قوتو اليقين
والليله فى الاهوال دوام يصرخ ومو لاقى البعين
وينــك بعــدتى على ّ ليه ... وانا ليكــى كاتلنــى الحــنيــن
يا السمحه سموكى القرير والناس تجيك من وين ووين
وانا قـمــت منك شــن اقول .... غير ده المسطر فى الجبين
يا درة الوطن العزيز يا النادره يا لماليك وزين
عشمى ومناى ارجع واجيك ....... انا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب ..... واللقمه ما بين العوين
***********
يا لوبه شمر للضراع والليلى جيت اوصيك دحين
كونك تقصر ما اظن وانا عارفو طبعك يا الخزين
يات من معلم درسك شاكرك علم وخلقا يزين
ما عليك خوف ما دام معاك زولا مسمى الزين وزين
انت البتعرف للاصول كاسب رضاء الوالدين
من قمت درفونا صغير ما كت يوم نيا عجين
دائما مواظب و مجتهد فى الجانبين دنيا ودين
ورافع السماوات غير عمد داعيهو ينصر وليك يعين

:sudani::sudani::sudani::sudani::sudani:

أبوعبيدة كاليق
20th January 2010, 08:40 PM
أمانة عليك

الشاعر : خالد الباشا

غناء الاستاذ: محمد النصري

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيـــــــــــوت

أبوعبيدة كاليق
27th January 2010, 01:19 PM
اسـمـع كــلام امــــك تــــــعــــــال الغربه ماها كنز قروش
والــغـــــــــــــــــــربـه مــــــــاهــــــــــــــــــــا بيوت ومال
الــغـــربــه كـــم ذلــت نـفـوس والـغـربـه كـم هانت رجال
بـوصــيــــك يــــا ولـــدي الـحـنـيـــن اسمع كلام امك تعال

سـمـح الـشـغـل فـي ارض ابــوك ارجـع تـعــــال ما تودرا
ارويــهــا مـن عـرقــــك زلال ارمـيـهــا بـي تـيـراب خدرا
شـــوف الــســنــابـل كـيــــف تـمـيـــل تـشـبـع بلدنا نصدرا
والـغــــربـه تــــب مــا فـيـهــا غير عيشة العذاب والدردرا

مــالـك عـلـي شـغـل الإيـجـار واطاتـنـا بور صبحت وراك
لـيـه تـبـقـي خــدام لـلـغـريــب مـا انـتـي سـيــد نفسك براك
انا عيني في نص الليل ترف وقلبي الحنين نوموا اللي راح
مــن شــوفـتـك غـلـبـني الـمـنام واصـبـح مـناي عيني تراك

ارجـع تـعــال لـي يــا الـحـنـيــن مــالـك عـلـي عيشة الشقي
شـوف كـيــف تـمرنا سبيطوا مال والنيل سقي الوديان سقي
مـا بــتــلـقـي غـيـر رزقـك هنـاك يـا ريت نصيحتي تصدقه
ارجـع تـعــال والـزاد المكتوب لـيـك في ارض ابوك بتلحقه

ارجــع تـــعــــال خــلـي الــــشــــقــي وعــيـشــة الـكــرم في
ارضــك الــمــقــســوم بـيجــيـك في الغربه او هنا لـيـك رب
ســودانــا اصـلــوا مـن الــقـريـر لـيـهو الكريم بالنـيــل وهب
ســودانــا والله الـعـظـيـــم واطــــاتـــوا اغـــلـي مــــن الدهب

أبوعبيدة كاليق
28th January 2010, 12:55 PM
كلمات الاستاذ :خليفة محمد

غناء: جعفر السقيد

أبـوك لـبـى نـداء الأجـل خـــلاك فـى الأرحـام جـنـيـن
عـنـد الـمـخـاض سـاعة مجيك طار المنام من أى عين
يــوم قـالـو لى أمك ولد وفى الفرحة غرقوا الحاضرين
سـرحـت مـع الأحـلام سـمـت قـالـت عشاى يكبر متين
أشوف جديدو أضوق حلوهو الناس يقولوا عديل وزين
يــزرع حـيـاتـى هـنـا وســرور يـمـلاها بالمال والبنين
اتـحـزمـت واتـلــزمـت وســـــألـــت إلـه الـكــون يعين
صـدت جـمـيــع الـمـغـريـات ورفضت إعانة كل معين
صـبـرت عـلـى ظـلـم الحسن وجازيته بى ظلم الحسين

حـلـيـلـك يـا الـضـمـيـرك مـات ودسـت قيمنا واتوطيت
تــــابــع نـفـســـك الأمــــارة حـــــدك فـــــتـو وإتعديت
قــول لـى يــا خـى لــو بــالــجـد عــقـلك فيك وماجنيت
تـسـمـع كـيـف كـلام مـرتـك وترضى أمك تفوت البيت
زهــدت فـى نـعـيــم الـدنـيــا شـان فـاخر الثياب تكسيك
ورفـضـت بـى أدب خـطـابـا شـان ما يـبـقو ليك شريك
بـالـهـنـا والـنـعـيـم الـعـشـتـو حـلــمـك رابـك الـحـد ليك

صـبـحـت جـنـتـا واحـلامـا غـيـرك مـافـى لـيـها طريق
راس الـشـوكـى لـو مــسـاك يـشـعـل فـى قـلـيـبـا حريق
تـطـويـهـا الـهـمـوم والـغـمة لـمـن إنــت تـصـحـي تفيق
لــو فــد يــوم حــردت غــداك يـومـيـن مـا تـفـك الريق
بـالـجـد والـعـزم والـنـخـوة والـصـبـر الـنجـد من ضيق
وربـت بـالـحــلال والله شــاهــديــن الـــعـزول وصديق
نــاس الـحـلـة والـعـرفـوهـا والـجـيــــران فى أى فريق
مـا ذكــروهـا غــيــر حـمـدوهـا بـالـمـصلايـة والإبريق

لـكــن وا ضـــيـــاع تــربـــاتـــا حـقــهــا ذرة ما أوفيت
حـلـــيـلا ووا خـســار بــلالا يــبـقــالـك سـعـيـد وبخيت
كـــايــس لـلــسـعـادة دروبــا دابــك بـى جـــدارة شقيت
فـرشـك تـانـى يـبـقـى جـحــيـم ومـا بـتـقدر عليهو تبيت
غـرقـت فـى الـهـمـوم والآهـة ايـــــدك لـيـهـا مـا مديت

ومـرضـت مـا سـعـيـت فى عـلاجا لا هماك لا اهتميت
مـهـمـا تـصـلـى ولا تـزكـى كـان عـمـرت كــان حجيت
رب الـعــزة كـيـفـــن يــرضـى أمــك لـيـهـا ما ارضيت

كـيـف يـنـتـم لـيـك مـراد وضـاع راس الـعـشـم والخيط
ولـسـه فـى الـغـلـط مـتـمـادى الـسـويـتــو قـايـلــو بسيط
مـفـضــوح تـانى مـا ضـاراك لا لــيـل لا زمـن لا حيط
عــيــن الــنـاس مـحـل تـمـشـى اسـتـنـكــارا بـيـك يحيط
ويـن راح تـلـقـى زى الأم قـلـب وافـى وحـنــانـو وهيط
ومـافـى شـبـيـهـا غـيـر نـخـلـتـنـا لما تشيل تسوى سبيط

جــازت بـالــرطـب رامــيـهــا مـا قـالـتـلـوا انــت قسيت
قـــاومـت أى ريـح جــايـيــــها عشان الطير عليها يبيت
يــا شــارب كــؤوس الــغـفـلـة لوصحاك غناى ووعيت
حـصـل والــدتـك رضــيــهـا طــوق جــيـــدا بالسوميت
والله أحــســن جــنــاك الــوالــدو فـيـك يسوى ما سويت
حـق الأم قـرض .. صـدقـنـى ضـاقـتـو فى جليدا كريت

أبوعبيدة كاليق
30th January 2010, 02:39 PM
الشاعر :ابراهيم ابنعوف

الفنان :عبدالرحيم البركل

شـعـرى الحزين يا يمه يحكى ليــك كيف بعدك أنا
وكيـفـن كمان فى الدنيا رحتا وتهتا فى درب الغناء
يانى الجنيت على الزمان أو كان زمانى على جنى
شــعــرى الــحـــزيــــن يــا يــمـه يـحـــــكـــى ليك
ســـاعـة جـــن قــوافــل الــقـدرة ســاقـنـك مـعـاهن
ورحــــــــــــــــــــتــــــــــى لــى دار الـــخــــلـــود
ســـــألــــــتــــا عـــنـــك يــايــمــه مـا خــلـيـت دار
وبـكــيــــت عــلــيــك مـن غـيــــر حـدود وين أمى
يــــــــــــــــا نـــــــــــــــــــــــــــــــــاس الــفـريـــق
نــزلــــت تـحــت خـلــتـنـى لــيـه مـا كــان تسوقنى
فـى ســـاعــــة الـحــلـــيـــــب عـنــــــــــــد الورود
ويــســكــتــونـى يـايـمـه بـى تـعـريفه أو حبات تمر
ويـقـولـوا لى أمـك مشـت سوق الشرق وهسع تعود
صــدقــتــا أنـا مـا عــارفــك يـايـمه فارقتى الوجود
ومـا عـارف إنى وراك اكبـر واجرى بدرب البنات
قـلـبـى داك مــاهــــــــــــو الــرهـــيــــــــــــف تلقى
يــــمـــــه يــــشـــــابـى كـل مـــاواحـــــــــــده جات
ولـولا الـعميـر عند سيدو كان بـدرى سمعتيبوا مات
وقـصـة شـقـاوتـوا وراء الـبنات يايمه تب مابتتحكى
يــمـرق صـبـاحـوا يـلـمـهــن يضحك معاهن يتبسط
ويـــرجــــع وراهــــــــــن تـــــانى للــنــوح والبكى
عــذبــنـوا جـرحــنـوا مـن الجـروح ما لاقى صفحة
عــــلــــيــــــــهــــا يــــــــــرقـــــــــــــــــــــد ينتكى
ومـالاقــى صــــــاحـــــب وجـــعــــة يبركلوا الفكى
نــاس الــمـحــنـه يـمه فـاتـــو وخـلـو يـنـيــن يشتكى
أهـــو غــايـتـو حـــالـى حـــــالــوا مـــا حــــالا بشع
لـلـيـلى جـارى وراء الـبـنــات يايمه لا اكتفى لا قنع
بــس الــفــضــلـو تــجـــيـــهـــو بـالـلـيــل فى المنام
تــــهــــــديـــــهــــــو لـى كــــــــــــــــــــان يـقـتـنـع
ولا انـــــدهــــيــــلـــو يــمــــــــــــــــه رب العالمين
والأولــــــــــــيـــــــــــــــــــــــــــــــ ـــاء والصالحين
إن كـان يـتــوب قـبــل العـمـيــر فاضلوا تو ماينقطع
اهــو غــايــتـو حـــالـى يــمـــه نـــــــــوحـى واساى
بـكــــرة الــــقــــدر كـــــــــــــــــان جـــاب رواحلوا
وجـــــــــــانــــى شــــــــــــن خـــلـــيــــــــت وراى
غــيــــر عـــــبــــــــــــرة فـى لـيــــــــــــــــلاً طويل
ودمــعــــات ســـكـــبــــتـــهـــا فــــــــــــــــوق أساى
وصــبــحــــــن بــقــــن شــعــــــــــــــــــرى وغناى
مــايــاهـــــو قـــــــــــــــدرى وجـــــانى عــاد براى
مــــالازم اصــــبــــــر كــمــــــان واتـحـمــــل اذاى
وعــــشـــــان كــده أنـــا اصــــلــى مــا حــدثتا زول
ومـا دايــــر زول فـى الــدنــيـــا يكون متعذب معاى
بـس دايـــر اقــــــــولـك شـعـــرى الـبـهـديـهــــو ليك
امــــســــكـى عـــنــــــدك واحـــــــــفـــــظـى وختيهو
لـــــــمـــــــــــــن ولــــدك الـــغـــــنــــــــــــاى يجيك

أحمد ودالأحمر
19th February 2010, 12:22 PM
وياهم ديل اهل المحنة واللهفة والشوق الدفين
تسلم حبيبنا

أبوعبيدة كاليق
2nd March 2010, 05:12 PM
ود اللحمر شاكر لك مرورك ويديك العافية

أبوعبيدة كاليق
2nd March 2010, 05:17 PM
كلمات : محمد خير درو
الحان : عبدالقيوم الشريف


للاستماع اعفص هنا (http://www.wdalsharef.com/wdalsia/yasabra-7.mp3)

أنور علي عثمان
3rd April 2010, 06:59 PM
كذبة أبريل

لابعدي من عينك جفي لا كت وعودك بخلفة
كان ظني يا ست الجمال يجمعني يفرقنا الوفة
غراكي اني جريت وراك وفوق دربك اعدته الحفة
غنيتة خلدتك خلود وقصص الغرام السالفة
شان انتي من دون الحسان اختارك القلب اصطفة
واخر جزاهو وقع صريع بس حقو منك ما عفة
ماني البراي صريع هواك كم زي مطعون ما شفة
اعدته امال الهموم تهدم قصورة وتنسفة
انا زول مجرح من زمان دنياي داجي مصيفة
معتاد علي النوح والبكي وفيض الدموع الزارفة
سايقاني ليه وانا زول كسيح قصت جناحي العاصفة
خليتي قلبي قريب يصل ولا الجنان الوارفة
سبتيني في نص الدرب ليه قلتيلي ازنك آسفة
لا قادر اتقدم براي لا قادر ارجع بالقفة
عمر المحبة البينا كان لحظاتو مرت خاتفة
اتمني دنياكي الامان يبراها ديمة يحالفة
بقدر وحاتك في السنين اتناسة ايام الصفة
واكبر خيول اشواقي ليك اكبح جماحة واخالفة
مظلوم من الزمن العلي احكاموا جايري ومجحفة
انا في غنواي الريد شموع وانا في حكاويهم رفة
انا عنتر المات والشجن دم عبلة لكن ما دفة
انا ريدة في اعماق ملاز الا القدر ما انصفة
صح ماني قدرك وريدي ليك في حد زاتو مجازفة
اقطع احساسي وادوم كل المشاعر المرهفة
انا زول نبيل ما برضي يوم تجرح كرامتي العاصفة
بدفع ثمن مبداي دموع مهما عيوني يكلفة
يا كذبة ابريل الخلاص لحظاتو مرت خاتفة
يا نسمة بهوي شزاها موت يسكرني لم اتكرفة
يا درة عزبني الزمن لمن لقيتة مزيفة
انا تاني ما اصبح مناي دانيات سمارك اقطفة
خليه تطويها الرياح وردة غرامنا الناشفة
واحزر تحاول يوم تعود بالماضي روحي تحلفة
خليني للوحدة الزمان من بدري اصلي موالفة
خليني فيها اعيش عزاب الزكري لا يوم الوفة

أنور علي عثمان
3rd April 2010, 07:05 PM
كذبة أبريل

لابعدي من عينك جفي لا كت وعودك بخلفة
كان ظني يا ست الجمال يجمعني يفرقنا الوفة
غراكي اني جريت وراك وفوق دربك اعدته الحفة
غنيتة خلدتك خلود وقصص الغرام السالفة
شان انتي من دون الحسان اختارك القلب اصطفة
واخر جزاهو وقع صريع بس حقو منك ما عفة
ماني البراي صريع هواك كم زي مطعون ما شفة
اعدته امال الهموم تهدم قصورة وتنسفة
انا زول مجرح من زمان دنياي داجي مصيفة
معتاد علي النوح والبكي وفيض الدموع الزارفة
سايقاني ليه وانا زول كسيح قصت جناحي العاصفة
خليتي قلبي قريب يصل ولا الجنان الوارفة
سبتيني في نص الدرب ليه قلتيلي ازنك آسفة
لا قادر اتقدم براي لا قادر ارجع بالقفة
عمر المحبة البينا كان لحظاتو مرت خاتفة
اتمني دنياكي الامان يبراها ديمة يحالفة
بقدر وحاتك في السنين اتناسة ايام الصفة
واكبر خيول اشواقي ليك اكبح جماحة واخالفة
مظلوم من الزمن العلي احكاموا جايري ومجحفة
انا في غنواي الريد شموع وانا في حكاويهم رفة
انا عنتر المات والشجن دم عبلة لكن ما دفة
انا ريدة في اعماق ملاز الا القدر ما انصفة
صح ماني قدرك وريدي ليك في حد زاتو مجازفة
اقطع احساسي وادوم كل المشاعر المرهفة
انا زول نبيل ما برضي يوم تجرح كرامتي العاصفة
بدفع ثمن مبداي دموع مهما عيوني يكلفة
يا كذبة ابريل الخلاص لحظاتو مرت خاتفة
يا نسمة بهوي شزاها موت يسكرني لم اتكرفة
يا درة عزبني الزمن لمن لقيتة مزيفة
انا تاني ما اصبح مناي دانيات سمارك اقطفة
خليه تطويها الرياح وردة غرامنا الناشفة
واحزر تحاول يوم تعود بالماضي روحي تحلفة
خليني للوحدة الزمان من بدري اصلي موالفة
خليني فيها اعيش عزاب الزكري لا يوم الوفة

أبوعبيدة كاليق
9th April 2010, 11:19 AM
ود علي شاكرا لك مرورك
والاضافة الجميلة

ودمت بود

المدير
11th April 2010, 02:57 PM
جافتنى المواعيد وبكيتا قاست الضنى
رزان نعيمك ما انسترت معاهو لاشلتا المنى
وبقت اعاين فى افق مرسوم وحاديهو الانا
لكنى من طلت وشيك بكتنى اهات محزنا

ياروعة الناس القبيل يامذهلة وياممعنة
ياشدوة من طنبورحنين شاشايو ضاميهو الضنى
سكتت حروفى قبل مجيك وبقت عليك مطمنه
ما انتى روعة كل شى ما انت نورنا وضلنا ..

رزينة مرسومات خطاك وقدميك تسير مطمنه
رزان معانى الشوق قصيد ومعاك صارت ممكنه
طليتى فى فجرى الوليد وسجلتى اسمك مننا
وسافرتى خليتى البلد ونسينا طعم الامكنة ...


مدخل كان ممكن جدا ..

مشكورين ابوعبيدة ومن معه ....فقد اعدتم لنا احساس انصفق الباب ونحن نعدو فى اتجاهه ...

محمدالغالي
13th April 2010, 01:07 AM
أتحداك لو تنسيني أو لي حبي تلقى بديل
أنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
***
ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
***
مابتنسينى مهما كان لأظنك تلاقى سبيل
والضاق الظلال فد مرة مابيرويهو حتى النيل
***
مابحزن عليك والله لو سالت دموعك سيل
جافة عيوني مما قمته مابتعرف عناق منديل
***
لو راجنى ارجع ليكى ماترجينى مدى حبل رجاك طويل
أموت والله مليون مرة أفضل من اجيك ذليل
***
برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل
***
مابحزن على موت ريدنا بى أيدك كان أغتيل
والموت فى بعض مرات يكون افضل من العلعيل
***
لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل
***
حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل
***
والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل
***
متأسف على إحساس اتخيلتى انو جميل
متأسف على أوهام سمينها عشق جميل
***
متأسف على أحلام بيني وبينا مليون ميل
متأسف لانى اهديت مشاعر ضوقتنى الويل
***
متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل
***
ارتاح في ربوعا أنجما واحد من ثمارا أكيل
لكن ياخسارة زراعتي كانت جوه مجرى السيل



لكن ياخسارة زراعتي كانت جوه مجرى السيل

أبوعبيدة كاليق
14th April 2010, 01:28 PM
لكن ياخسارة زراعتي كانت جوه مجرى السيل


ود الغالي يديك العافية وشاكرا لك مرورك الطيب


وهاك اسمعها

http://www.wdalsharef.com/wdalsia/et7dak-7.mp3

wadalsuuni
14th April 2010, 10:16 PM
تشكر يامدير

محمدالغالي
15th April 2010, 01:23 AM
تسلم ياملك ومزيد من الابداع

أبوعبيدة كاليق
15th April 2010, 01:42 PM
جافتنى المواعيد وبكيتا قاست الضنى
رزان نعيمك ما انسترت معاهو لاشلتا المنى
وبقت اعاين فى افق مرسوم وحاديهو الانا
لكنى من طلت وشيك بكتنى اهات محزنا

ياروعة الناس القبيل يامذهلة وياممعنة
ياشدوة من طنبورحنين شاشايو ضاميهو الضنى
سكتت حروفى قبل مجيك وبقت عليك مطمنه
ما انتى روعة كل شى ما انت نورنا وضلنا ..

رزينة مرسومات خطاك وقدميك تسير مطمنه
رزان معانى الشوق قصيد ومعاك صارت ممكنه
طليتى فى فجرى الوليد وسجلتى اسمك مننا
وسافرتى خليتى البلد ونسينا طعم الامكنة ...


مدخل كان ممكن جدا ..

مشكورين ابوعبيدة ومن معه ....فقد اعدتم لنا احساس انصفق الباب ونحن نعدو فى اتجاهه ...



المدير والله تسلم ويديك العافية

الطلة منك لينا عيد يا مدير

لك كل الود

ESAM
2nd May 2010, 01:01 PM
يا ممكون
للدكتور ياسر حسن
غناء: محمد النصري


يا ممكون جواك وصابر.. وصبرك في جواك ممكون..
يا تايه في الزمن العابر.. وعابر زمن الهم محزون..
يا موجود في ناسك ونادر.. ورايح في زاتك مرهون..
يومك بين البارح وباكر.. مشوار بالآهات مشحون..

ESAM
2nd May 2010, 01:02 PM
لما تلملم زاتك وترحل زاتك..
من الزول الأصبح مافي..
وتسجن روحك عفو الخاطر..
بين الدهشة وحزن خرافي..
يبقى عزاك يا زول في إنك..
لما تطلع نفسك منك..
يطلع منك ويرجع صافي..

ESAM
2nd May 2010, 01:03 PM
وفي ترحالك لما تسافر..
تلقى مداين الزيف السافر..
مينا ومرسى..
خلى البحر الفينا مسافر وختت همك فينا مرافي..

ESAM
2nd May 2010, 01:03 PM
لو يتمدد ضل الغيمة لا تتحير..
برضك لملم زاتك وأرحل وما تتحير..
ادي خطاك اصرار وعزيمة..
وخوض النار مع إنك حافي..

ESAM
2nd May 2010, 01:04 PM
لو ضيعت السكة ورحت لا تتحسر..
برضو ضياعك خير وعوافي..
اصلو السكة الأولى حزينة..
لو كان جيت كان يادوب ضيعت الباقي..
وعشت حياتك زي الساقي..
وبلل الريق لي حلقو مجافي..

ESAM
2nd May 2010, 01:05 PM
انت الخير جواك يا رايع..
سافر عكس الزمن الضايع..
وشد الحيل جواك يا رايع..
لملم زاتك تاني وسافر..
مهما يحصل..
بكرة بنوصل دنيا جديدة..
وتلقى الخير في دربك وافي..



شكراً أبو عبيدة بلا حدود

ESAM
2nd May 2010, 01:10 PM
http://www.sudani.ws/music/mohamedalnasri/ya_mamkoon.html

http://www.sudani.ws/music/mohamedalnasri/ya_mamkoon.html

أبوعبيدة كاليق
2nd May 2010, 09:02 PM
انت الخير جواك يا رايع..
سافر عكس الزمن الضايع..
وشد الحيل جواك يا رايع..
لملم زاتك تاني وسافر..
مهما يحصل..
بكرة بنوصل دنيا جديدة..
وتلقى الخير في دربك وافي..



شكراً أبو عبيدة بلا حدود

تسلم يديك العافية

شكرا للابد

طارق الجزولي اسحق
3rd May 2010, 02:34 PM
مشكور علي هذه الروائع

أبوعبيدة كاليق
3rd May 2010, 03:26 PM
مشكور علي هذه الروائع

تسلم طارق كل الود

ومشكور على المرور

يديك الف عافية وعافية

يوسف الشنبلي
26th May 2010, 02:50 PM
شكرا كتير ياغالي حقيق اتحفتنا

أبوعبيدة كاليق
15th June 2010, 01:06 AM
كيف عاد العيون مابتبكي ما دام في الحزن غرقاني
وكيف أقدر أوقف سيلة ولومك يامناي أعياني
الحزن الحزنتو عليك ما ظنيت تعيدو أغاني
وحبك قدر ما أسعدني يا أحلام صباي بكاني
أياماً قضيته معاكي ما ظنيت يعيدا زماني
وما ظنيت ربوع البادية تبسم والبلاد محلاني
انت يامولد هواي العذري وينك أنت من أحزاني
والله خلاص بعد فرقتنا كل واحد يلوم التاني
أوعك من تصدقي أنو بعدك أصلو ما هماني
وطيفك يا بهية الطلعة لا خليتو لا خلاني
الناس قالوا لي الغالية في شكواك دوام لا يماني
وماك عارفي العذاب العايشو لخبت يا مناي كياني
بعدك ما قدرته اطيقوا يا نور عيني حتي ثواني
من فتيني يا محبوبة ضايق بي علي سوداني
غايتوا عزاي في دنياي طيفك ما نسي ونساني
زادي انا لي عميري الباقي انك يامناي طاراني