المساعد الشخصي الرقمي

مشاهدة النسخة كاملة : الهلال x المورده



Awadalla
4th August 2006, 06:12 PM
مبارة مهمه جدا للهلال نتمني ان يحقق فيها الفوز وبعدد وافر من الاهداف
احداث الامس في بورتسودان تشير بان الممتاز لم يحسم بعد.

محمد عبده إسماعيل
4th August 2006, 08:03 PM
الأحباب الكرام ... عشاق الموج الأزرق ... منصورين بإذن الله ... وين الناس ... المباراة غير مذاعة ... وينك ياعمار ... وينك المحسي الحاصل شنو؟؟؟

Awadalla
4th August 2006, 08:08 PM
لا اثر للمبارة في الاذاعه السودانيه ومازلنا منتظريين

ابراهيم اشكا
4th August 2006, 08:45 PM
تحياتي للاخوان
المباراة حتى الان تعادلية بيضاء !!!
الهلال يلعب له :
معز
داريو - ريتشارد - علاء جبريل
يوسف - عمر بخيت - هيثم - حمودة - الشعلة
قودوين - معتز كبير
والهلال يقدم اسوء مباراة له !!!
والموردة لاتقل سوءا عنه
وانتهي الشوط الاول

ابراهيم اشكا
4th August 2006, 08:48 PM
كل لاعبي الهلال اليوم في غاية السوء !!!
فقط الاختلاف في درجة السوء
مستوى عجيب
ومباراة تجلب النعاس وتنافس اقوي حبوب الفاليوم !!!
وريكاردو شاكي يدينو في نصو وواقف في الخط ..دون محاولة اصلاح ما يمكن اصلاحه

ابراهيم اشكا
4th August 2006, 08:55 PM
ريتشارد عليه بالراحة الاجبارية ..والتوقف احتراما لتاريخه !!!
داريو !!!!!!!!!!!!!!!!!!! ؟؟؟؟؟؟؟؟ ليس الذي نعرفه
علاء جبريل .. افضلهم نوعا ما !!! وتخيل علاء جبريل حين يكون افضل لاعب في الهلال !!!
الشعلة ..عليه العودة لفريق الشعلة وبدون ابطاء !!
يوسف ... مجرد قوة وعضلات دون ذكاء كروي !!
حمودة وعمر وهيثم .. وعلامة استفهام على مستواهم !!!
قودوين ..لاعب كثير الحركة من دون فائدة ..كثير الشرود .. يفقد كل كرة بسهولة ..والاعجب انانيته !!!
معتز ..وقلنا رأينا فيه من البداية !!! ورغم ذلك يظل نوعا ما افضل السيئين !!

ابراهيم اشكا
4th August 2006, 08:57 PM
ابراهيم خالد لاعب الامل الذي كسبه الموردة ..نصحنا اهل الهلال من قبل بتسجيله ..ولم يسمع نصحنا
واليوم يعطي مع الصيني مشطوب الهلال التفوق للموردة

ابراهيم اشكا
4th August 2006, 08:58 PM
واستغرب جدا جدا كيف يركن ريكاردو لاعب بمقدرات بيتر !!! ويلعب بهؤلاء الاشباح !!
معتز كبير يحرز هدف الهلال الاول في الثانية 45 من بداية الشوط الثاني

ابراهيم اشكا
4th August 2006, 09:00 PM
وفعلا نزل بيتر جيمس بديلا للشعلة !!!
وتوقعوا الان اهدافا اخرى بدخوله !!!

ابراهيم اشكا
4th August 2006, 09:02 PM
سبحان الله مغير الاحوال ومحي الموتى !!!
تغير شكل الهلال تماما بدخول بيتر ..وتمايزت خطوط اللعب بعد هرجلة الشوط الاول !!

MUSHAKIS
4th August 2006, 09:03 PM
alnteeja kam?

ابراهيم اشكا
4th August 2006, 09:05 PM
يعني الوضع ما مطمن
عمرها الموردة لم تمثل للهلال معضلة !!
لكن ما اشفقنا منه شكل الهلال السئ في الشوط الاول ومعطيا الفرصة للموردة للتمدد !!
وبخروج السلبي جدا الشعلة ودخول بيتر استرد الهلال بعضا من روحه !!
وفي انتظار خروج السلبيين الاخرين !!

Awadalla
4th August 2006, 09:06 PM
الحمد لله لهدف معتز،اتمني ان ينشط دخول بيتر اداء الفريق

ابراهيم اشكا
4th August 2006, 09:07 PM
alnteeja kam?
النتيجة 1-0 للهلال
ومحرز الهدف معتز كبير في الدقيقة الاولى من الشوط الثاني
وبيتر جيمس يلعب كرة لولبية حلوة خادعة من كرة ثابتة على طريقة زيكو وبلاتيني يخرجها حارس الموردة
وعكسية اخرى من بيتر يلعبها معتز برأسه تذهب للاوت

ابراهيم اشكا
4th August 2006, 09:08 PM
تسديدة قوية من قودوين تمسح العارضة مسحا !!!
اول كرة صحيحة يلعبها قودوين

ابراهيم اشكا
4th August 2006, 09:14 PM
المباراة تقام في استاد الخرطوم ..وفعلا ملعب لا يشرف !!
تسديدة قوية من يوسف ينقذها حارس الموردة

MUSHAKIS
4th August 2006, 09:21 PM
المباراة تقام في استاد الخرطوم ..وفعلا ملعب لا يشرف !!
تسديدة قوية من يوسف ينقذها حارس الموردة



lee estaad alkhrtum??? ween estaad alhilaal?

ابراهيم اشكا
4th August 2006, 09:23 PM
lee estaad alkhrtum??? ween estaad alhilaal?
لانو الموردة ما عندها ملعب يمكن استقبال المباريات فيها !!!
ولان المباراة الاولى في الدورة الاولى كانت في ملعب الهلال
كليتشي يتأهب للنزول بديلا لمعتز كبير

MUSHAKIS
4th August 2006, 09:27 PM
tmaam ya ustaaz Ashka enshalla keltshy wa algooooooon

ابراهيم اشكا
4th August 2006, 09:34 PM
حتى الان اللعب ليس فيه ما يذكر
وسيف مساوي على الخط للمشاركة

ابراهيم اشكا
4th August 2006, 09:36 PM
اللعب كيف يااشكا ما اتحسن
نعم اتحسن عن الشوط الاول
والهلال متفوق فيه على الموردة
لكن ما الاحظه ان بيتر يلعب معكوسا بالطرف الايمن ..!!
مساوي بديلا لعمر بخيت
والدقيقة 37
وكليتشي وحركة دؤوبة في المقدمة

wadalawad
4th August 2006, 09:41 PM
alakhbar shino insha alla khir

ابراهيم اشكا
4th August 2006, 09:42 PM
3 دقائق وقت محتسب بدل ضائع
واللعب سجال دون احداث تذكر

MUSHAKIS
4th August 2006, 09:45 PM
enshalla bs tkoooooooooooooon altlaaata negaa6 lee alhilaaal

ابراهيم اشكا
4th August 2006, 09:45 PM
المباراة كانت معلنة ان تقام في الحفرة ..ولكن فجأة وجدناها باستاد الخرطوم
لذلك كان الحضور قليلا عند بداية المباراة
ومن ثم رويدا رويدا امتلأ الملعب تماما !!
والمباراة تلفظ انفاسها الاخيرة بتفوق هلالي بهدف
والجمهور يبدأ المغادرة ..خاصة سكان ام درمان على ما اعتقد !!!:-D للحاق بمقعد في اي مركبة !!

Iyas Sidahmed
4th August 2006, 09:46 PM
كم عدد الجماهير التى حضرت وساندت الزعيم؟

ابراهيم اشكا
4th August 2006, 09:47 PM
فعلا الحكم ينهي المباراة بفوز هلالي بهدف وحيد
ليرتفع الهلال الى 30 نقطة
والحمد لله على هذا الفوز
فالنصر مهم والنقاط مهمة حتى يري اهل الهلال سبب هذا الهبوط غير المبرر في مستوى الفريق

??? ????
4th August 2006, 09:48 PM
يا الله يا مشاكس
نحن ما نصدق المريخ فقد نقاط يجي الهلال برضو يفقد
بعد دا مفروض تكون انتهت يا اشكا ولا شنو ؟

ابراهيم اشكا
4th August 2006, 09:49 PM
المتواجدين حالياً: 43 (7 أعضاء و36 زوار)
أكثر عدد تواجد في المنتدى 60, 07-29-2006 الساعة 04:29 PM.
ابراهيم اشكا, محمد عبده إسماعيل, Iyas Sidahmed, moshaakis, wadalawad, كمال الدين مصطفى

معقول البعام الصهاينة ديل كلهم ؟؟ :-D
اها نوموا على المسمار دا
هههههههههههههه :-D

??? ????
4th August 2006, 09:50 PM
الحمد لله الحمد لله
اها يا اخوانا الكوره الجايه مع الجزيره ولا البعيو ؟

ابراهيم اشكا
4th August 2006, 09:52 PM
يا الله يا مشاكس
نحن ما نصدق المريخ فقد نقاط يجي الهلال برضو يفقد
بعد دا مفروض تكون انتهت يا اشكا ولا شنو ؟
يا غير المسجل
صحي النوم !!!
الهلال غالب واحد صفر والمباراة انتهت من زماااااااااااااان .....عييييييييك :-D

MUSHAKIS
4th August 2006, 09:54 PM
الموج الازرق يقترب من البعيو ههههههههههه تاني تعادل و نحنا ح نرشو تلاتة صفر كاااااااااااه..

و كدة يكون ك العادة خرج من الموليد بدون حمص ..

??? ????
4th August 2006, 09:56 PM
يا غير المسجل
صحي النوم !!!
الهلال غالب واحد صفر والمباراة انتهت من زماااااااااااااان .....عييييييييك :-d [/color][/size]
انا متابع معاكم والله يا اشكا بس انا احترت لقيت ممكن اعمل رد
دي كيف دي ؟
بعدين انا لي سنتين بحاول اسجل ما قادر ودا الانتقام الالهي حقي
هههههههههههههههه
نشوفكم على خير

MUSHAKIS
4th August 2006, 09:56 PM
معقول البعام الصهاينة ديل كلهم ؟؟ :-D
اها نوموا على المسمار دا
هههههههههههههه :-D


ههههههه عقباااال المسامير الجزائرية ههههههههه..

Iyas Sidahmed
4th August 2006, 09:58 PM
اعتقد انه لابد من حسم سريع لهؤلاء اللاعبين المدللين. مجلس الادارة لم يقصر معهم فى شئ وبدلا من الانتصارات اصبحنا نبحث عن هدف وحيد لنسترجع الصدارة التى منحوها للوصيف الدائم. اكثر شئ اغاطنى عندما انهزموا فى المغرب وبدل ان يشعروا بالخجل اذا هم يحتجون على بدل السفر. لست ادرى بماذا كانوا سيطالبون اذا كان النصر حليفهم؟ فليعلم هؤلاء المتلاعبون ان الهلال باق بهم او بدونهم.

MUSHAKIS
4th August 2006, 09:58 PM
يا الله يا مشاكس
نحن ما نصدق المريخ فقد نقاط يجي الهلال برضو يفقد
بعد دا مفروض تكون انتهت يا اشكا ولا شنو ؟


ياا قريبك الف مبرووووك النقاط

ابراهيم اشكا
4th August 2006, 09:58 PM
انا متابع معاكم والله يا اشكا بس انا احترت لقيت ممكن اعمل رد
دي كيف دي ؟
بعدين انا لي سنتين بحاول اسجل ما قادر ودا الانتقام الالهي حقي
هههههههههههههههه
نشوفكم على خير
التسجيل اسهل شئ !!!
وعندك الرابط فوق ممكن تسجل منو !!

ابراهيم اشكا
4th August 2006, 10:02 PM
ههههههه عقباااال المسامير الجزائرية ههههههههه..
يا مشاكس
خليك حنين !!!
اها قمت جبت سيرة الجزائر .. البعام كلو فر !!!:-D
في داعي تقلق منامهم
ههههههههه
وكمان للو كت جبت سيرة دحام البربري كان اسع جبنا الاسعاف عدييييييل كدة :-D

Awadalla
4th August 2006, 10:04 PM
ازعجنا مستوى الهلال في الشوط الاول، وحسب وصف الاخ اشكا تحسن الاداء قليلا في الشوط الثاني
علي بعض اللعيبه الاجتهاد اكثر اذا اردنا الاحتفاظ بالممتاز
صحصح يا هيثم صحصح وشد الهمه وكان ما قادر استريح
اما المحترفين اتمني بعد نهاية الموسم ان يتم تقييم مستواهم بواسطة لجنه فنيه والتعبان يتخارج طوالي غير ماسوف عليه وما ناقصين وجع راس.

??? ????
4th August 2006, 10:09 PM
ياا قريبك الف مبرووووك النقاط
مشكور يا ود دوس بروخ عقبال نقاط البعيوات قولو امين
شايف عمنا عبده اسماعيل قاعد و صاني اظهر خلاص بطل الجرسه الهلال غلب

ابراهيم اشكا
4th August 2006, 10:11 PM
اعتقد انه لابد من حسم سريع لهؤلاء اللاعبين المدللين. مجلس الادارة لم يقصر معهم فى شئ وبدلا من الانتصارات اصبحنا نبحث عن هدف وحيد لنسترجع الصدارة التى منحوها للوصيف الدائم. اكثر شئ اغاطنى عندما انهزموا فى المغرب وبدل ان يشعروا بالخجل اذا هم يحتجون على بدل السفر. لست ادرى بماذا كانوا سيطالبون اذا كان النصر حليفهم؟ فليعلم هؤلاء المتلاعبون ان الهلال باق بهم او بدونهم.
الاخ / اياس
اولا مرحبا بيك وحبابك عشرة
المشكلة ليست لاعبين فقط
لكن المشكلة متشابكة وفيها اكثر من جانب
اداري
اعلامي
لاعبين
مدرب
اتحاد عام !!!

ابراهيم اشكا
4th August 2006, 10:13 PM
مشكور يا ود دوس بروخ عقبال نقاط البعيوات قولو امين
شايف عمنا عبده اسماعيل قاعد و صاني اظهر خلاص بطل الجرسه الهلال غلب
هههههههههههههه :-D :-D :-D
اموت واعرف انت منو !!!!!!!

??? ????
4th August 2006, 10:25 PM
هههههههههههههه :-D :-D :-D
اموت واعرف انت منو !!!!!!!
والله يا اشكا انا طوالي معاكم في المنتدى لكن بدون تسجيل للاسف والتسجيل ده اصبح من احلام حياتي من كترت ما سجلت وما بصلني بريد يفيدني بالتسجيل لكن انشاالله تاني معاكم طوالي _غير مسجل _
لكم كل المحبه
ودمتم

Hatim
4th August 2006, 10:26 PM
فعلا الحكم ينهي المباراة بفوز هلالي بهدف وحيد
ليرتفع الهلال الى 30 نقطة
والحمد لله على هذا الفوز
فالنصر مهم والنقاط مهمة حتى يري اهل الهلال سبب هذا الهبوط غير المبرر في مستوى الفريق
الاخ اشكا وجميع الاخوه القائمون علي موقع الهلال البطل
لكم التحايا
بالنسبة للمسمار الحار في فريق المورده افتكر ماساهل وكل الفرق في الدوره الثانية بتلعب باسلوب مختلف وخاصة مع الهلال يعني نحمد الله علي المسمار وعقبال الجايات ومزيد من التقدم

عوض الهلالابي
4th August 2006, 10:28 PM
يشهد استاد المريخ مباراة الهلال والموردة الهلال الذي ودع الكونفدرالية امام اولمبيك ونعلم ان مباراة امس بين المريخ وحي العرب تقول ان الدوري لم يحسم بعد لماذا؟لأن المريخ كان امس ادى مباراة من اسوء مباريات تاريج الكرة السودانية وانتهت هذه المباراة المريخ و حي العرب:بعيو مغلوب:










وانششششششششاء الله الدوري هلالي:o :D :)

Iyas Sidahmed
4th August 2006, 10:29 PM
الاخ ابراهيم
اتفق معك ان الازمة تشمل كل ما ذكرت، ولكن الا تتفق معى بان اللاعبين لا يعطون بمقدار اخذهم؟ ماذا كان سيكون حال الهلال اذا كانت الموردة فى نفس مستوى اعداده؟

ابراهيم اشكا
4th August 2006, 10:37 PM
والله يا اشكا انا طوالي معاكم في المنتدى لكن بدون تسجيل للاسف والتسجيل ده اصبح من احلام حياتي من كترت ما سجلت وما بصلني بريد يفيدني بالتسجيل لكن انشاالله تاني معاكم طوالي _غير مسجل _
لكم كل المحبه
ودمتم
الكلام موجه للمحسي

ابراهيم اشكا
4th August 2006, 10:40 PM
الاخ اشكا وجميع الاخوه القائمون علي موقع الهلال البطل
لكم التحايا
بالنسبة للمسمار الحار في فريق المورده افتكر ماساهل وكل الفرق في الدوره الثانية بتلعب باسلوب مختلف وخاصة مع الهلال يعني نحمد الله علي المسمار وعقبال الجايات ومزيد من التقدم
تحياتي لك يا حاتم
مسجل غياب دائم !!!

ابراهيم اشكا
4th August 2006, 10:42 PM
ازعجنا مستوى الهلال في الشوط الاول، وحسب وصف الاخ اشكا تحسن الاداء قليلا في الشوط الثاني
علي بعض اللعيبه الاجتهاد اكثر اذا اردنا الاحتفاظ بالممتاز
صحصح يا هيثم صحصح وشد الهمه وكان ما قادر استريح
اما المحترفين اتمني بعد نهاية الموسم ان يتم تقييم مستواهم بواسطة لجنه فنيه والتعبان يتخارج طوالي غير ماسوف عليه وما ناقصين وجع راس.
بالنسبة للمحترفين
الهلال لعب اليوم بخمسة محترفين لاول مرة !!!
ومع ذلك كان العك !!!
واوافقك لابد من وقفة محاسبة ومراجعة ليس للاعبين فقط لكن لاشياء كثيرة

ابراهيم اشكا
4th August 2006, 10:44 PM
الاخ ابراهيم
اتفق معك ان الازمة تشمل كل ما ذكرت، ولكن الا تتفق معى بان اللاعبين لا يعطون بمقدار اخذهم؟ ماذا كان سيكون حال الهلال اذا كانت الموردة فى نفس مستوى اعداده؟
لابد ان نعترف ان هنالك لاعبين بالهلال اقل قامة منه !!!
وعن سؤالك فكان سيكون نفس الحال ..لانه لايوجد اسوء من حالة الهلال الذي قدمه اليوم !!!

??? ????
4th August 2006, 10:44 PM
مبرووووووووووووووووووووووووووووووووك
يا اشكا وباقي العقد الفريد

انا امدرمان
5th August 2006, 10:59 AM
فك الله اسرك ايها الاسحق الكرنقو واين مهند الطاهر افتقدنا تهديفاته القويه باى باى الشعله باى باى يوسف وعلى قودوين مراجعة حساباته قبل ديسمبر لابد من 3 محترفيت على مستوى وتسجيل احسن المحليين ان وجدوا واولهم الباشا فدفاع الهلال لا يسر ابدا واللياقه صفر منه العوض وعليه العوض والى متى ننتظر الشوط الثانى يا ريكاردو حتى تصحح اخطاء التشكيله والخطه مباراه البعيو لا تتحمل هذه الملوخيه